Halloo 35:7 - Kafa Linguistics Project

⁷ Yaaqobi arooch deejjee gudoon shuunehe. Biyoo bi manoo aafoochee bi maxxehooba, Yeeri aroochaa biich bi bekketi xaaꞌoo bi tunetoyich, ebi xaaꞌoon, El Beeteeli ii shigiihe.

Halloo 35:7 ပူးပေါင်းရင်းမြစ်များ

Halloo 12:7

Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.

Halloo 12:8

Aroochee tiyiꞌi, Beeteelaa aabi-keyo waan, guudinaꞌo beeti showooch hammiye. Aroocheenoo Beeteelin aabi-gimo waan, Aayin aabi-keyo waan tuniiꞌi, bi duukkaanoon xogiye. Aroochaanoo wotta deejjee gudoon shuuneꞌi, Doono Yeerich goyinnehe.

Halloo 28:10

Yaaqobi Beershaabee tiyiꞌi, Karaan waan hammiye.

Halloo 28:13

Doono Yeeriyoo ebi daqqellee tookk neexee beehe; ishichiinoo iye: “Ne nihinihoo Abrahamichi Nuggishoo, ne nihoo Yisaaqichi Nuggishoo, Doono Yeeri taane. Hini ne qeyaabeeti showoon neennaa ne shiijjereenaꞌonoyich immemmo taane.

Halloo 28:17

Biyoo shattiꞌi, “Hini xaaꞌoo am shaahoon shattiihe! Hini Yeerichi kexoani, baroon tuneyaache; ebiyoo shimaajji kelloone” iye.

Halloo 28:19

Ebi xaaꞌoon, Beeteeli ii shigiihe. Shiichiꞌi ebi katemoo, Luuzi gettee beehe.

Halloo 28:22

hini ta neechiti xaqqo Yeeri ne kexo tunemmone; taach ne immemmi mooyo bulliicheenoo aashiroochee ikke beeroon neech immemmo taane” iye.

Halloo 29:1

Yaaqobi Beeteelee tiyiꞌi, aabi-keyo waan beeti asheenaꞌo showooch hammii shaggiye.

Halloo 31:13

Ne qoyaa qeyeti xaqqoon tiijjaa giimboochoommon neechaa, zayitoon huuttaꞌa ne mookketi, Beeteelaa neech bekketi Yeeri taane. And tiyi hini showoon gawukkiree, ne shiijjeti showooch wotte hambe’ itone” iye.

Halloo 35:1

Aroyee gubb Yeeri Yaaqobich ishichiye: “Tiyiree Beeteel hambe; aroochoo kotebe. Ne manoo Esayi aafoochee ne maxxehooba, neech bekketi Yeeri taach deejjee gudoon shuunebe” iye.

Halloo 35:15

Yaaqobiyoo Yeeri biinna tookkii yibbaateti xaaꞌoon, Beeteeli ii shigiihe.

Halloo 35:3

Ittoshi tiyaa Beeteel keyone. Ta iriteehooba, ta qolloon waayeti, ta hammeti gommo bulliich taanna tookkii tuneti Yeerich aroochaa deejjee gudoon shuunemmo taane” iye.

Keyo 17:15

Muusiyoo deejjee gudoon shuuneꞌi, Doono Yeeri Ta Baanderoo iꞌi shigiihe.

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Woraaferasheenaꞌo 6:24

Geediyooni arooch Doono Yeerich deejjee gudoon shuuneꞌi, Doono Yeeri Diggee Nuggishoo iꞌi shigiihe. Ebi deejjee gudo hanaach beddaahaa Abezeerichi yareenaꞌo showoo tuneti Ofira neexeꞌi beetone.