Halloo 35:3 - Kafa Linguistics Project

³ Ittoshi tiyaa Beeteel keyone. Ta iriteehooba, ta qolloon waayeti, ta hammeti gommo bulliich taanna tookkii tuneti Yeerich aroochaa deejjee gudoon shuunemmo taane” iye.

Halloo 35:3 ပူးပေါင်းရင်းမြစ်များ

Halloo 28:15

Waayebe; ta neenna tookkaa beeto taane; ne hammaabeeti xaaꞌoo bulliich neen quyemmo taane; hini showooch neen wochiree deebemmo taane; ta getteto bullin neech ta tuniimmi wottoon, ciroona neen qayaachemmo taane” iye.

Halloo 31:3

Arooba Doono Yeeri Yaaqobin “Ne nihoo showooch, ne xibeenaꞌo waan wotteree hambe. Ta neenna tookki tunemmo taane” iye.

Halloo 31:42

Ta nihinihoo Abrahaminaa ta nihoo Yisaaqina goyinneti Nuggishoo taanna tookkii toono bi gaata, shokke kishooniye taan ne deejjesho. Tunebaani Yeeri ta iriteyoonaa ta aayonon ciinniꞌi, yiichi xum neen kaarehe” iye.

Halloo 32:24

Tunebaani Yaaqobi bi ikkeeto arooch echehe. Ikke uro showoo hariya beddimmi wottoon biinna qiiccee beehe.

Halloo 32:7

Yaaqobiyoo oogeton keqqii shattiye. Biinna tookkii beeti asheenaꞌon, miiminaꞌon, bageenaꞌonaa emmisheenaꞌonon, gaaleenaꞌonoo gutte beera qoodiye.

Halloo 35:4

Ebich boonoshi waan beeti dallaawe nuggisheenaꞌochi shahalloo bullin, boonoshi waameexi gudichoonoo kichii Yaaqobich immiyeete. Yaaqobiyoo eboshin daammii Shekeemi katemee gaꞌooch beeti ogooge michi xepphooch duukkiye.

Halloo 35:7

Yaaqobi arooch deejjee gudoon shuunehe. Biyoo bi manoo aafoochee bi maxxehooba, Yeeri aroochaa biich bi bekketi xaaꞌoo bi tunetoyich, ebi xaaꞌoon, El Beeteeli ii shigiihe.

Halloo 48:15

Aroyee gubb Yaaqobi Yooseefin ishichii diiriye: “Ta nihinihoo Abrahaminaa ta nihoo Yisaaqina boonoshi shaaddo bullin bi aafooch boonoshi tuniiti Nuggishoo, hanaach beddaahaa, ta yemeeno bullin taan quyeti Nuggishoo,

Shoddo 107:6

Boonoshi xuuxee aabooba Doono Yeer waan cookiyeete; biyoo boonoshi iritoochee boonoshin wodiihe.

Shoddo 107:8

Doono Yeerin bi shoodoyich, ashi bushiishoyich bi tuniiti worganikkiti mooyoyich, galletebeete.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Shaahiyoo 3:6

Ne gommo bullina biin ariibe; biyoo ne gommon neech kaachemmone.

Isiyaasi 30:19

Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

1 Saameeli 10:3

“Aroochee hamibee, Taaboor beeti ooge mixo beetooch shaggemmo neene. Aroochaa keejje asheenaꞌona, eboshiyoo ikkoo keejje emmishee bushiishoon, ikkoo keejje xekee koshon, wotta ikkoo mollexxee ceeni woyinee uyoon shaaggiꞌi, Beeteelaa Yeerich deejjoon giddiiya hammii beetinaꞌona danemmo neene.