Halloo 35:24 - Kafa Linguistics Project

²⁴ Raaheeli bushiishoo Yooseefinaa Biiniyaaminane.

Halloo 35:24 ပူးပေါင်းရင်းမြစ်များ

Halloo 42:4

Tunetaa Yaaqobi Yooseefichi indee shiyeto tuneti Biiniyaami toommooch “Ikke mooyo tunemmone” ii bi shattitoyich, bi maneenaꞌona tookkii daachiyaanoone.

Halloo 43:29

Yooseefiyoo bi indee shiyeto tuneti bi manoo Biiniyaamin ciinniꞌi, “Arooba ittoshi gettiti, ittoshi guuche manoo hinine?” ii echehe. Biiniyaaminoo “Ta bushoocho, Yeeri neen diiribe” iye.

Halloo 43:34

Yooseefi bi madeexi maayoochee boonoshi qoodi qoodoo ichemmoyich gettiye. Ebiyooba Biiniyaamich icheto, bareenaꞌo bullichoyee uuche kishoon beshoone. Boonoshiyoo boonoshi qettee wottoon maa uchiyeete. Ebiyoommi gommona Yooseefina tookkii emiriyeete.

Yaasi 16:1

Yooseefi shiijjereenaꞌoyich ixoona shaggiti, deshi-waan beeti showee daaro Yoordaanoosi aacoochee, Yoordaanoosi aachi gaꞌooch beeti Yaariki aachi xuupheenaꞌoochaa aabi-keyo waanee tiijjiꞌi, Yaariki gaꞌoona besheꞌi, barahoon kuxxii, geppe showooch beeti Beeteeli shaggii beetone.

Yaasi 18:11

Biiniyaami yoodoyich, batti batti ixoo boonoshi yari yaroona kechiye; ixoona boonoshich shaggiti showoo beeto, Yihudi yoodoonaa Yooseefi yoodoonochi showee gutte daggoochiye.

Woraaferasheenaꞌo 5:14

Asheenaꞌo Efreemee showoochee bambooch waaheete; Biiniyaami yoodoonaa bi asheenaꞌonon dabbiꞌi waaheete. Makiri yaroochee ginee iraasheenaꞌo waaheete; Zebulooni yoodoochee ginee iraashee gumboon yechii beetinaꞌo waaheete.

Ruuti 4:11

Ebi iitee xaaꞌooch koteti geeneenaꞌonaa bare asheenaꞌo bullina ishichiyeete: “Eeha, miixoo noone. Doono Yeeri ne woraashiti ureen no qaabbechi Yaaqobich meeti bushiishoon shiyeti Raaheelinaa Liyinoommon tuniibe. Doono Yeeri Efiraati yaroochee neen gaanniibe. Beetilehemi katemooch ne shigo aricheto tunebe.