Halloo 35:2 - Kafa Linguistics Project

² Ebich Yaaqobi bi kechi asheenaꞌonaa biinna tookkii beetinaꞌo bullinoyich ishichiye: “Ittoshi waan beeti dallaawe nuggisheenaꞌon ittoshi waanee wokkiibote; xallebote; ittoshi tahoon shaddibote.

Halloo 35:2 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Halloo 31:19

Bi bageenaꞌo eexon cagga Labaani hammiichaa, Raaheeli bi nihoo terafimeenaꞌon gaajjahan.

Halloo 31:30

Ebin ne tuniito, ne nihoo kexon ne sharaatetoyich bi tunoon ariibeeto taane. Tunebaani ta goyinnaabeeti, ta shahalleenaꞌon amoyich gaajjenne?” iye.

Halloo 31:34

Raaheeliyoo ebi shahalleenaꞌon gaalee koree dechiich aachaachaa, aree toommooch kotahan. Labaani duukkaanoo bullin bosheꞌi amoonolla muccehe.

Halloo 34:2

Are showee iraashoo tuneti, Hiwee asho Hamoorichi bushoo Shekeemi busheen bi beeggiyooba, giidoona yechii qeyiye.

Halloo 35:22

Are showooch boonoshi beetaa, Roobeeli bi nihoo naamache Biilin qeyiye. Israꞌeeliyoo ishin waayehe. Yaaqobichoo aaraa gutte anaami bushiisheenaꞌo beetinaꞌone.

2 Saameeli 7:23

Ne hajjee asheenaꞌon tuniyoyich guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogeti, worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.

2 Taateenaꞌo 17:29

Tunebaani ebi Shamaaree showooch koteti aagetee asheenaꞌo bulli boonoshi koteti katemi katemoochaa boonoshi shahalloon andoo shuunoochiye boonoshi beeto. Ebinoo wonna Shamaaree asheenaꞌo shuuneti guudi toommeexi goyinnee xaaꞌeenaꞌooch daammii neechiyeete.

2 Taateenaꞌo 5:10

Elisayiyoo, “Hamiree Yoordaanoosi aacoochaa shabaatte wottoon machebe; ne biiyoochee wodemmo neene; newoo xallemmo neene” iꞌi bi waan wocheyechon daachiihe.

1 Kiinoo 16:26

Aageteenaꞌochi nuggisheenaꞌo bulli, shahalleenaꞌone; tunebaani shimaayeenaꞌon hallito Doono Yeerine.

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Shoddo 51:2

Ta gondo bullin maye; ta axaaxoochee taan xalliibe.

Shoddo 51:7

Hisoophee michi waamona ta toommooch wucibe; tawoo xallemmo taane; taan maye; tawoo baderoyee beshoon naccemmo taane.

Keyo 19:10

Doono Yeeriyoo Muusich ishichiye: “Asheenaꞌo waan hamiree, hanaachinaa yaachinon boonoshin yaafibe. Boonoshi tahoon boonoshi machemmoyich gete.

Keyo 19:14

Muusiyoo guudoochee kindiꞌi asheenaꞌo waan bi hammitoyee gubb, boonoshin yaafiye; boonoshi tahoonoo machiyeete.

Keyo 23:13

“Ta getteto bullin manjiiree quyebe. Bare nuggisheenaꞌo waan corootiyaahine. Boonoshi shigoonona ceeggaahine.

Dojjecho 5:1

Yeerichi kexooch ne giyaa beegaata, ne qelloon ariibe; waayoyich giddo mullaalleenaꞌo giddiibeeti deejjoyee beshoone. Ebi mullaalleenaꞌo boonoshi tuniibeeto gondo bi tunoonolla ariyaaneenaꞌone.

Isiyaasi 1:16

Macheree ittoshi qelloon xalliibote; ittoshi gonde shuunoon ta aafoochee wokkiibote; gondoon shuunoon qayote.

Isiyaasi 52:11

Doono Yeerichi yaafee kechi qiiceenaꞌon shaaggii beetinaꞌote, Baabloonee keyote; bi waanee baribote! Eeꞌe mooyon yechaahote. Aroochee keyiree ittoshi qelloon xalliibote.

Erimiyaasi 13:27

Geppeenaꞌonaa gaddeenaꞌonoochaa ne shuuneti ciigiiti shuunoon, shunee ne mamon, ne kaahonaa ne yahoonon beeggeto taane. Yerusaaleme, neech woowo! Ne xalleyaachemmo aati wottooniye?” iye.

Erimiyaasi 16:20

Asho bi qellich nuggisheenaꞌon shuuno hakkehe? Eboshi nuggisheenaꞌo tooneenaꞌone.

Erimiyaasi 5:7

“Taan qajjiyote; nuggisheenaꞌo tuneyaaneenaꞌona wogehote; ittoshin ta michiitoyee gubb shunoo maahote; yahechinaꞌo kexoochoo kiceehote. Ebich ittoshin ta maaremmo aabichireeshiye?

Hiziqeeli 18:31

Ittoshi xuꞌoon okk dufote; andire mulloonaa andire ayaanoona ittoshich beebe. Israꞌeelee macceenaꞌote, amoyichiye ittoshi qitemmo?

Hiziqeeli 20:7

Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Daaneeli 5:4

Woyinee uyoon uchiibee aachoochee, birewoochee, gooshoochee, xuuroochee, mixonaa xaqqoonoochee shuuneeti, nuggisheenaꞌochi misiloon galleteheete.

Leweenaꞌo 15:5

Bi qeyiti qeenon yechimmi asho koniyoona bi tahoon maye; bi qeddoonoo machebe; biyoo xumemmi wottoon eeꞌo tunemmone.

Leweenaꞌo 17:16

Bi tahoon bi mayo qayigaata, bi qeddoonoo machoo bi qayigaata, bi shuuneti axaaxoyich echeyemmone’ itone gete” iye.

Haddoo 31:24

Shabaattinee qemooba ittoshi tahoon mayote. Aroochee xallemmo ittoshine. Ebiyee gubb, kaambooch gimon hakkemmo ittoshine” iye.

Mishiraachechinaꞌo 19:26

Tunebaani hini Phawuloosi ‘Ashi kishoona shuuneeti malleteenaꞌo nuggisheenaꞌo tooneenaꞌone’ ii beetone; Efesooni katemooch baach tuneyaanoon giisheche katemoyee besh, Isiyee showoo bulliich beeti meeti asheenaꞌo bi yibbaatoon iberoo tuniiꞌi boonoshi muricon beeggiibeeto, waayeenoo beeto ittoshine.

1 Qorontoosi 10:7

“Israꞌeeleenaꞌo mamonaa uyonoyich koteheete; aroocheenoo duubba tiyiyeete” getaa bi kooreetoommon, boonoshi daggoochee ikkikkeenaꞌo tuniitoommon, shahalloyich goyinneyaahote.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Galaati 4:8

Wonna Yeerin ariyaan beebee, nuggishoo tuneyaani halleenaꞌoyich guunon tuneꞌi beehote.

Yibbaatoo 11:28

Tunebaani ufo ittoshi toommooch bi tunemmo, ittoshi Nuggishoo Doono Yeerichi getoon quyo ittoshi qayigaata, hanaach ittoshich ta gettaabeeti getoona hamon qajjiꞌi, ittoshi ariyaani bare nuggisheenaꞌon dabboyich badd ittoshi wottegaatane.

Yibbaatoo 32:16

Bare nuggisheenaꞌoyich goyinnoona bi qanaatemmoyich tuniihote; ciigiiti ittoshi shuunoona bi ippemmoyich tuniihote.

Yibbaatoo 5:7

“ ‘Tayee besh bare nuggishoyich goyinne maddeyaahine.

Yibbaatoo 6:14

Ittoshina tookkii beeti ittoshi Nuggishoo Doono Yeeri qanaatechi Nuggishoo bi tunetoyich, Nuggishoo Doono Yeeri kaaro ittoshi toommooch bi cufaachemmoyich, showee toommoocheenoo ittoshin bi aalliyaachemmoyich, ittoshi guudoona beeti asheenaꞌo goyinnee maddeebeeti bare nuggisheenaꞌoyich goyinne maddeyaahote.

Yibbaatoo 7:25

Boonoshi shahalloon qaaqqoona michibe. Ne Nuggishoo Doono Yeer waanaa ciigeeto bi tunetoyich, boonoshi toommooch beeti birewoon woyee aachoon qaatiyaahine. Ebi aroona ne olleyaachemmoyich deqqaahine.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.

Yaasi 23:7

Ittoshi daggooch echeꞌi beeti aageteenaꞌona tookki bacceyaahote; boonoshi goyinneebeeti nuggisheenaꞌochi shigoon ceeggaahote; boonoshina wogeyaahote; boonoshich goyinne maddeyaahote.

Yaasi 24:14

“Andoo Doono Yeerin shatote; ibere mulloona gibeneeton tuneree biich maddebote; ittoshi qaabbechinaꞌo Efiraaxisee beqach Mesopotaamee showooch boonoshi beehooba, wotta aroyee gubb Gibits boonoshi beehooba, boonoshi goyinnee maddeti nuggisheenaꞌon ittoshi waanee wokkiibote. Doono Yeeri ikkeetoyich baach goyinne maddebote.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.

Yaasi 24:2

Yaasiyoo asheenaꞌo bullich ishichiye: “Israꞌeelee Nuggishoo Doono Yeeri ishichiye: ‘Wonna ittoshi qaabbechinaꞌo Efiraaxisi aachee beqach beeheete; bare nuggisheenaꞌoyichoo goyinnee maddee beeheete; boonoshi daggoochee ikkoo, Abrahaminaa Nakoorinochi nihoo Taarine.

Yaasi 24:20

Doono Yeerin qayiichi bare nuggisheenaꞌoyich goyinnemmo ittoshi tunegaata, gaawe mooyon ittoshich bi tuniitoyee gubb, wochiree gonde mooyon ittoshi toommooch tuniyemmone; ittoshin aalliyemmone” iye.

Yaasi 24:23

Yaasiyoo “Ishigaata, ittoshi daggoochee bare nuggisheenaꞌon wokkiibote; ittoshi mulloon Israꞌeelee Nuggishoo Doono Yeer waan wochibote” iye.

Yihudi 1:23

shiweree qaaqqooch hammii beeti asheenaꞌonoo shotte kichiree wodiibote; bareenaꞌon wotta meechi qaatoona eeꞌeti boonoshi tahoon tiyaarebee, shatona maaribote.

Woraaferasheenaꞌo 10:16

Aroochee dallaawe nuggisheenaꞌon boonoshi daggoochee wokkiichii, Doono Yeerich goyinnee maddeheete. Doono Yeeriyoo Israꞌeeleenaꞌochi duꞌoyich oogeton ayiniye.

Ruuti 1:15

Naꞌoomi Ruutich ishichiyan: “Ne agaattee bi asheenaꞌonaa bi nuggisheenaꞌona waan wottetine. Newoo wotta biinna tookki wottebe” iyan.

1 Saameeli 16:5

Saameeliyoo “Eeha, diggoone. Ta waato, Doono Yeerich deejjoon giddiyoyichiye. Ittoshi qelloon yaafiree, taanna tookki deejjee xaaꞌooch wobote” iye. Aroochee Iseyinaa bi bushiisheenaꞌonon yaafiye. Deejjee xaaꞌooch boonoshi woyemmoyichoo ceeggiye.

1 Saameeli 7:3

Aroochee Saameeli Israꞌeeleenaꞌo bullich ishichiye: “Ibere mulloona Doono Yeer waan wottoon ittoshi qaawigaata, dallaawe nuggisheenaꞌonaa Ashitarooti misileenaꞌonon ittoshi waanee wokkiibote; ittoshi mulloonoo Doono Yeer waan wochibote; biich baach goyinne maddebote; biyoo Filsixeemeenaꞌo kishoochee ittoshin wodiyemmone” iye.