Halloo 35:11 - Kafa Linguistics Project

¹¹ Yeeriyoo daakkiꞌi Yaaqobich ishichiye: “Beshe Hakkechi Nuggishoo taane. Shiyi shiijjerebe; meete. Ne shiijjeroochee meeti aagetoo kechemmone. Taateenaꞌo ne waanee shiijjemminaꞌone.

Halloo 35:11 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 13:16

Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.

Halloo 15:5

Maach biin kichiꞌi, “Eke kaama shimaajj ciine; xojjeneenaꞌon haddaa ciichoon ne hakkigaata haddibe. Ebiyoommon ne shiijjereenaꞌo haddaa ciyaaneenaꞌo tunemminaꞌone” iye.

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 17:16

Ta biin diiremmo taane; anaami bushoon neech shiyemmine; biin diiremmo taane; aageteenaꞌoyichoo indee tunemmine; aageteenaꞌoyich taatoon tunemminaꞌo bi waanee kechemminaꞌone” iye.

Halloo 17:4

“Neenna tookki ta giyemmi wogo ebine: Meeti aageteenaꞌoyich qaabbechi nihoo tunemmo neene.

Halloo 18:14

Iberoon Doono Yeerin mawemmi mooyo beete? Waabeeti natooch ebi goora ne waan wotteree woyemmo taane; Saari anaami bushoon shiyemmine” iye.

Halloo 18:18

Abrahami shiijjeroo iberoon arichetonaa giidechi aagetoona tunemmone; showee toommeexi aageteenaꞌo bulliyoo biinna diireyemminaꞌone.

Halloo 22:17

iberoon neen diiremmo taane; ne shiijjereenaꞌonoo shimaajji xojjenoochoommon, baharee gasheexi qacoochoommonoo meechemmo taane. Ne shiijjereenaꞌo boonoshi etteenaꞌochi katemeenaꞌon koyi yeshiree hajjemminaꞌone.

Halloo 28:14

Ne shiijjereenaꞌon showee toommeexi qacoochoommon meechemmo taane; boonoshiyoo aabi-gimo waaninaa aabi-keyo waanina, dambi-waaninaa deshi-waanina gaminnemminaꞌone. Showee toommeexi aageteenaꞌo bulli neennaa ne shiijjereenaꞌona diireyemminaꞌone.

Halloo 32:12

Tunebaani ne taan ‘Neech gaawe mooyon tuniyemmo taane; ne shiijjereenaꞌon haddaa ciyaani baharee gasheexi qacoochoommon meechemmo taane’ ito neene” iye.

Halloo 36:31

Israꞌeelee showooch taatoo taatoyee shiichii, Edoomee showooch taateti taateenaꞌo eboshine:

Halloo 43:14

Ittoshi manoo Simooninaa Biiniyaaminon ittoshina tookki wochi bi deejjemmoyich, Beshe Hakkechi Nuggishoo bi mullooch ariqqoon gede. Illa ta bushiishoon ta muccegaata, muccee qayoyee besh amoon halloo hakkehote” iye.

Halloo 46:3

Yeeriyoo biich ishichiye: “Ta ne nihoo Nuggishoo taane. Desh Gibits kindoyich shattaahine. Aroochaa meeti ashechi aagetoon neen tuniyemmo taane.

Halloo 47:27

Israꞌeeleenaꞌo Gibitsee showooch, Gooshen koteꞌi, oogichii gaanneheete; shiijjee shiijjeree meettiyeete.

Halloo 9:1

Yeeri Noohinaa bi bushiishoonon ishichiꞌi diiriye: “Shiijje shiijjerebote; showoo bulliichoo ceenote.

Halloo 9:7

“Tunebaani ittoshi shiijje shiijjerebote; shiijjereree showee toommo bulliich ceenote” iye.

1 Kiinoo 16:16

Abrahamina tookkii bi giyiti wogoon, Yisaaqich bi gibenikkiti gibenoon, batteyaache.

1 Kiinoo 16:17

Ebinoo Yaaqobich qociyoon, Israꞌeelichoo bulli yemeenee wogoon, tuniiꞌi manjiihe.

1 Kiinoo 16:18

Ishichiinoo iye: “Kanaanee showoon neech immemmo taane; ne hajjoo tuniiree woraashemmo neene” iye.

Keyo 1:7

Tunebaani Israꞌeeleenaꞌo shiijjee meettiyeete. Boonoshiyoo haddoona meettii giidechinaꞌo tuneꞌi, Gibits ceenniyeete.

Keyo 2:24

Yeeriyoo gaashilliibee boonoshi cookiti cookoon waayehe; Abrahamich, Yisaaqinaa Yaaqobinoyich bi wogeti wogoon gabiye.

Keyo 6:3

Beshe Hakkechi Nuggishoo ta tunoon arichiyoona, Abrahamich, Yisaaqich, Yaaqobichoo bekketo taane. Tunebaani Doono Yeeri ii beeti ta shigoona boonoshich bekkeyaano taane.

Leweenaꞌo 26:42

ebiyooba Yaaqobina tookkaa, Yisaaqinaa Abrahamina tookkaa ta giyeti ta wogoon shalligemmo taane; showoonoo shalligemmo taane.

2 Qorontoosi 6:18

Ittoshichoo Nihoo tunemmo taane; ittoshiyoo taach anaami bushiishoonaa maache bushiishoonon tunemmo ittoshine, iye Beshe Hakkechi Doono Yeeri.”