Halloo 34:27 - Kafa Linguistics Project

²⁷ Ebiyee gubb, echeti Yaaqobi bushiisheenaꞌo boonoshi manee toommooch tuneti, yeelliibeeti mooyoyich nichoon kichoyich qititi asheenaꞌo waan waaꞌi, are katemooch beeti mooyo bullin hokkii daammiyeete.

Halloo 34:27 ပူးပေါင်းရင်းမြစ်များ

Halloo 34:2

Are showee iraashoo tuneti, Hiwee asho Hamoorichi bushoo Shekeemi busheen bi beeggiyooba, giidoona yechii qeyiye.

Halloo 34:26

Hamoorinaa bi bushoo Shekeeminon goraadoona wuxiyeete. Boonoshi manee Diininoo Shekeemi kexoochee yechii katemoochee kechiyeete.

Halloo 34:28

Bageenaꞌonaa emmisheenaꞌonon, miiminaꞌon, kureenaꞌon, are katemoonaa bi guudoonooch beeto bullinoo daammiyeete.

Halloo 34:31

Tunebaani Lewinaa Simoonina “Ishigaata, no maneen yahechin yeshoommon yesha?” iyeete.

Asteeri 9:10

Ayihudeenaꞌochi etto, Hamedaati bushoo Hamaanichi aashire anaami bushiisheenaꞌon wuxiyeete. Tunebaani ciroona amee mooyonona tiijjii daamaaneenaꞌone.

Asteeri 9:16

Arooba taatoochi bare woraafeenaꞌooch beeti Ayihudeenaꞌo boonoshi qelloon quyoyich kiceeheete; boonoshi etteenaꞌo kishoocheenoo kasheheete. Boonoshi etteenaꞌo daggoochee shabaa uuche hume asheenaꞌon wuxiyeete. Tunebaani ciroona amee mooyonona tiijjii daamaaneenaꞌone.

Keyo 2:14

Uroo “No toommooch ukkiroonaa nallechonon neen tuniito, konine? Gibitsee ashoon ne wuxitoommon, taanoo wotta wuxiya gabaa beetine?” iye. Muusiyoo “Ebi ta tuniiti mooyo arichete getone” iꞌi shattiye.

Hiziqeeli 39:10

Ginee qiicoonalli boonoshi shookkemmo kubboochee michi mito woyee shaaroochee mixon kuxo boonoshich qaawiyaachemmone; wonna boonoshin boggitinaꞌonaa keccitinaꞌonon and bogi keccemminaꞌone; Nuggishoo Doono Yeeri ta ebin getteto taane.

Amootsi 3:11

Illa ebich, etto ittoshi showoon giishi yechemmone; ittoshi mishigoon happemmone; ittoshi kexonoo boshemmone” iye Nuggishoo Doono Yeeri.

1 Ximootiyoosi 6:10

Ebi gijjee shuno meeti gonde mooyon shuunooch bechemmone; ebiyoommon ikkikkeenaꞌo gijjoon qaatiibee, Kiristoosi toommooch mullee tooꞌiyoon qajjiꞌi shattii giiriiti ayinee daggooch boonoshi hajjee kishoona giyitinaꞌone.

Yaasi 7:1

Tunebaani timeeti mooyon aalliyoo qayona Israꞌeeleenaꞌo Doono Yeerich gibeneyoon qajjiyeete. Yihudi yoodoochee tuneti, Zaari bushoo, Zabidi bushoo, Karimi bushoo Akaani timeeti mooyoochee bi daammitoyich, Doono Yeeri kaaro Israꞌeeleenaꞌo toommooch aaxxehe.

Yaasi 7:13

“Tibe! Asheenaꞌo yaafeyemmoyich tuniibe. Boonoshichoo ishichibe: ‘Israꞌeelee Nuggishoo Doono Yeeri ishichiye: “Israꞌeeleenaꞌote, timeeti mooyo ittoshi daggooch bi beetoyich, ebin ittoshi wokkiimmi wottoon, ittoshi etteenaꞌona tookki koyoon hakkaachemmo ittoshine” iye. Ebich, yaachich ittoshi qelloon qanniiree yaafeebote.

Yaasi 7:21

Kecceti qiiceenaꞌo daggoochee Shinaaree showoochee waati ikke macecikkiti gaaboon, gutte balle sheqeelee birewoonaa aache sheqeelee nuuppheti aachoonon ciinnaꞌa dakiyoye; eboshin daammoye. Ebi qiicoon, birewoon dechiich geddaa ta duukkaanee maac showooch duukkaꞌa aachito taane” iye.