Halloo 32:31 - Kafa Linguistics Project

³¹ Phiniꞌeelin beshee bi hammaahaa, showoo harii aabe kechahan. Biyoo bi gallo hollitoyich, hekkelleebee hammiye.

Halloo 32:31 ပူးပေါင်းရင်းမြစ်များ

Halloo 16:13

Haggaariyoo, “Iberoon taan beeggiibeeti Yeerin ta aafoona beeggaꞌa, kashoona beehote?” iyaa, biinna yibbaateti Doono Yeerin “El Rooꞌi” iyan.

Halloo 19:15

Showoo hariya gaargaariye. Maraakeenaꞌo Looxich “Kaate tibe! Ne mecheenaa hiniich beeti, ne gutte maache bushiishoonon yeshiree keye. Katemeexi asheenaꞌo toommooch shaggemmi naxoona hidaa ittoshi aalleyaachemmoyich keyote” iibee afaafinikkiyeete.

Halloo 19:23

Looxi Tsoꞌar bi shaggimmona, showoo harii aabo kechitone.

Halloo 32:25

Are uro Yaaqobina qiicceꞌi wochoon hakkaachemmo bi tunoon ariiꞌi, Yaaqobichi gallee qumbaafoon yechiye. Qiiccoochaa Yaaqobichi gallo holliye.

Halloo 32:32

Ebich Israꞌeeleenaꞌo hanaach beddaahaa gallee qumbaafee toommooch beeti biddee meenon maataaneenaꞌone. Ebiyoo Yaaqobichi gallee qumbaafee maqqoon bi yechitoyichiye.

1 Taateenaꞌo 12:25

Aroochee Yeroboꞌami geppechi Efreemee showooch beeti Shekeem mishigoon shuuneꞌi arooch kotehe; wotta aroochee kechii hammii, Phiniꞌeel mishigoon shuunehe.

1 Taateenaꞌo 18:26

Boonoshich icheti wuron daammiꞌi qanniiheete. Haroochee aabee daggemmi wottoon, “Baꞌaaloocho, no qolloon waayebe” iibee boonoshi nuggishoochi shigoon ceeggiyeete. Tunebaani qaareto, boonoshi qolloonoo waayeto aalloone. Boonoshi shuuneti deejjee gudee gaꞌoochaanoo yubbeheete.

Shoddo 38:17

And dihooch beddeto taane; ta biiyo ta waanee kuxeyaache itone.

Keyo 24:10

Israꞌeelee Nuggishoon beeggiyeete. Bi baatee dechiich birooba shimaayoo xalloommon xalleti, sapiiree aaxxe xaqqoochee shuuneeti, godoommi mooyo beetone.

Keyo 24:11

Tunebaani Yeeri ebi Israꞌeelee ukkireenaꞌon naxeyaanoone; boonoshiyoo Yeerin beeggiyeete; aroochee maa uchiyeete.

Isiyaasi 6:5

Tawoo, “Ta noonoo eeꞌeti asho taane; ta beetoo, boonoshi noonoo eeꞌeti asheenaꞌo daggoochiye. Taatoo, Beshe Mawe Doono Yeerin ta aafoona ta beeggetoyich, aalleto taane; taach woowo!” iyo.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

2 Qorontoosi 12:7

Ebi taach bekketi, worganikkiti wodde mooyinaꞌona ta geecaachemmoyich, ta meenon angixochoommon kochii shooddiibeeti, ebiyoo taan guripphiibeeti Sheexaanee wocheyecho taach ichehe; bi ichetoo, beshoon ta geecaachemmoyichiye.

2 Qorontoosi 12:9

Tunebaani aroo wochiꞌi, “Ta wojjoo neech beddiye; ta giidoo kupphiiree bi shuunemmo, hakka guutoo tunoonaniye” iye. Ebich Kiristoosichi giidoo ta toommooch yiiremmoyich, aabiyeenona beshiiree oogeti emiroona hakka guutoo ta tunoona geecemmo taane.

Yibbaatoo 5:24

Taachoo ishichiyeete: ‘No Nuggishoo Doono Yeeri bi oogoonaa oogee yiiroonon nooch bekkiitone; bi qaaroonoo qaaqqee daggoochee waayeto noone; Doono Yeeri biich yibbaateechaa, asho kashoona beemon hakkemmo bi tunoon hanaach beeggeto noone.

Yibbaatoo 5:26

Meeno taheti ashi daggoochee qaaqqee daggoochaa tuneꞌi beeyechi Nuggishoo Yeeri yibbaatetaa no waayoommon waayeechii, kashoona beemon hakkito, konine?

Woraaferasheenaꞌo 6:22

Geediyooniyoo bi beeggito Doono Yeerichi maraakoo bi tunoon ariiꞌi, “Nuggishoo Doono Yeero, baroona danaꞌa Doono Yeerichi maraakoon beeggeto taane; illa taach woowo!” iye.

Woraaferasheenaꞌo 6:23

Tunebaani Doono Yeeri biich “Diggoo neech tunebe; shattaahine; qitaachemmo neene” iye.

Woraaferasheenaꞌo 8:8

Aroochee Phiniꞌeel shaggiꞌi, are katemeexi asheenaꞌoyich ebiyoommon gettiye. Phiniꞌeeli asheenaꞌo wotta Sukooti asheenaꞌo wochitoommon biich wochiyeete.