Halloo 32:26 - Kafa Linguistics Project

²⁶ Arooba uro ishichiye: “Hariya gaargaaritone; ebich taan ne gawukkaa hambona” iye. Yaaqobiyoo “Tuneyaache! Taan ne diiraanoon neen gawukkaache” iye.

Halloo 32:26 ပူးပေါင်းရင်းမြစ်များ

Halloo 32:25

Are uro Yaaqobina qiicceꞌi wochoon hakkaachemmo bi tunoon ariiꞌi, Yaaqobichi gallee qumbaafoon yechiye. Qiiccoochaa Yaaqobichi gallo holliye.

Halloo 32:27

Uroo “Ne shigo konine?” iye. Biyoo “Yaaqobine” iye.

1 Kiinoo 4:10

Yaabeetsiyoo, “Taan diiribe; ta showoon gamichibe; taanna tookki tunebe; qaakkemmi gonde mooyoocheenoo taan quyebe” iꞌi Israꞌeelee Nuggishoo Yeer waan corootiye. Yeeriyoo bi qolleton biich immiye.

Shoddo 67:1

Yeeri noon maaribe; noonoo diiribe; bi aafoon no toommooch biriibe.

Keyo 32:10

Eke ne qayaa, kupphe ta kaaroon boonoshi toommooch kindii aaxxiiree, boonoshin aalliibona. Aroochee neennaa ne shiijjereenaꞌonon oogeti aagetoon tuniyemmo taane” iye.

Solomooni 3:4

Boonoshiyee giishechoon bekk beshaꞌa, ta shunnaa beeton daneho; biin manjiyaa yecheho; ta indee kexooch, taan bi shiyeti gatooch, biin ta deebemmi wottoon, gawukkaane taane.

Solomooni 7:5

Ne qello, Qermeloosi guudoochoommon, gidoon neech tajjitone; phaqqiibeeti naalle ne qelli yilloo aaꞌi dameroone; taatoo ne qelli yilloona mullo manjetone.

Isiyaasi 45:11

Israꞌeelee Yaafoo tuneti, biinoo halliti Doono Yeeri ishichiye: “Ta bushiisheenaꞌochon taan echehote? Ta kishee shuuneechon ciinnii beetona echoon hakkehote?

Isiyaasi 64:7

Ne aafoon no waanee ne wochitoyich, no axaaxee daggooch noon ne qajjetoyich, ne waan corootiibeeto aalloone; neenna yesheya qaawiibeeto aalloone.

Hosee'i 12:4

Maraakoona tookkii qiicceꞌinoo beshiye. Diiroon danoyich eeppiꞌi qollehe. Beeteelaa Yeerina danehe. Aroochaanoo Yeeri biinna yibbaatehe.

Roomi 8:37

Illa noon shunniti Kiristoosina ebi mooyinaꞌo bulli toommooch wudoon danoona, kochii wochii beetinaꞌoyee beshoo noone.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

Yibbaatoo 9:14

Ne qayaa boonoshin hidi aalliibona; boonoshi shigoonoo showee toommoochee aalliibona. Neennaa ne shiijjeroonon boonoshiyee beshe meetonaa giidechona tuneti aagetoon tuniyemmo taane’ iye.

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.