Halloo 32:20 - Kafa Linguistics Project

²⁰ Wotta ‘Ne guuno Yaaqobi no gubb waa beetone’ geton batteyaahote” iye. Yaaqobi ebin bi tuniito, “Esayi taanna danoyee shiichii ta mattaayoo biich shagigaata, diqqich bi kaaro aqqetaa gaawe aafoona taan ciinnemmone” iꞌiniye.

Halloo 32:20 ပူးပေါင်းရင်းမြစ်များ

Halloo 32:19

Ebiyoommon guttinnoyich, keejjinnoyich, gijjeenaꞌon gashee daammii beetinaꞌo bullichoo ishichii gettiye. “Esayina ittoshi danegaata, ebin getote.

Halloo 32:21

Ebich Yaaqobi mattaayoon biyee shiichii daachiihe; tunebaani aroo are bi beeti xaaꞌooch qeyiye.

Halloo 43:11

Arooba boonoshi nihoo Israꞌeeli boonoshich ishichiye: “Mooyo ebi tunegaata, ebin tuniibote; hini showooch daneebeeti, beshe gaawe mooyoochee giisheche huuteebeeti attoon, giisheche eeyon, shittoon, hareboonaa hini showooch daneebeeti michi aafoonoochee ittoshi mollexxooch gedote. Mattaayoon tuniiree are uroyich daami imbote.

1 Taateenaꞌo 20:31

Bi naayinaꞌoo biich, “Israꞌeelee taateenaꞌo maarechinaꞌo boonoshi tunoon waayeto noone. No shimetooch dookoon marixxiree, no qettoochoo woderoon caaciree, Israꞌeelee taatoo waan hambone. Diqqich ne kasheen wodiyemmone” iyeete.

Shaahiyoo 15:18

Ippechi asho kaaroon booddiye; tunebaani haaꞌiyechi asho kaaroon aqqiihe.

Shaahiyoo 16:14

Taatoochi kaaro qitee wochee bushoommone; tunebaani mullechi asho ebi kaaroon aqqiihe.

Shaahiyoo 18:16

Wojjoo, immechoyich gommon qechiye; ogoogeenaꞌo aafoochoo katichiye.

Shaahiyoo 21:14

Aashoona icheti mooyo kaaroon aqqiihe; shoopphooch duuqqeeti xucco kupphe kaaroon aqqiihe.

Shaahiyoo 6:35

Amee nummoonona deꞌon qaawaachemmone; wojjee woddoo bi ippoon aqqaayaachemmone.

Yoonaasi 3:9

Diqqich Yeeri nooch ariqqeree bi kaaree shiixxoochee wottemmo tunemmone; nowoo qitaanoon wodemmo noone” ii beetone.

2 Ximootiyoosi 2:25

Bi dojjiibeeti mooyon happiya qiiccee beetinaꞌon shiimoona dojjibee ciice. Diqq Yeeri iberoon boonoshi ariyemmoyich, axaaxee gommoocheenoo bi waan boonoshi wottemmoyich bi daaggigaata,

1 Saameeli 6:5

Gaabee misileenaꞌon, ittoshi showoon aalliibeeti iicceenaꞌochi misileenaꞌonoo shuuneree Israꞌeelee Nuggishoyich oogoon imbote. Ebin ittoshi tuniigaata, diqqich ittoshin, ittoshi nuggisheenaꞌonaa ittoshi showoonon naxoon qajjemmo tunemmone.