Halloo 32:14 - Kafa Linguistics Project

¹⁴ Ebiyoo gutte balle maache emmisheenaꞌo, hiye emmishee baaddeenaꞌo, gutte balle maache bageenaꞌo, hiye bagee baaddeenaꞌo,

Halloo 32:14 ပူးပေါင်းရင်းမြစ်များ

Halloo 30:43

Ebiyoommi gommona Yaaqobi oogeti gaannechon tunehe; meeti bagoonaa emmishoonon, gaaleenaa kuroonon, ebiyoommon wotta meeti gonneenaa guunonon danehe.

Halloo 31:10

“Emmisheenaꞌo helliibeeti goorooch, shuggeebeeti emmishee baaddeenaꞌochi qeddo koorecho, buroonaa kushaakushoona bi tunoon gumona beeggeho.

Halloo 31:16

Yeeri no nihoo waanee tiijjii neech bi immiti gijjoo bulli noochonaa no bushiishoochonane. Ebich Yeeri neech gettito bullin tuniibe” iyeete.

Halloo 31:9

Ebina Yeeri ittoshi nihoo gijjeenaꞌon tiijjii taach immiye.

Halloo 32:13

Aroobee xum Yaaqobi arooch qeyiye. Maaddoona tiyii bi manoo Esayich bi immemmi mattaayoon, biich beeti gijjeenaꞌo daggoochee bariiꞌi kichiye.

Halloo 32:15

xaachiibeeti shaashe gaaleenaꞌo boonoshi bushiishoona tookkii, aabbe miinji indeenaꞌo, aashire gatteenaꞌo, hiye maache kureenaꞌonaa aashire anaami kureenaꞌonane.

Halloo 33:11

Yeeri bi deꞌittinoona taach qaawiibeeto bullin ceechiꞌi immitone. Doogena neech ta giddiiti mattaayoon deꞌe” iye. Yaaqobi qollee iritiitaa, Esayi ebi mattaayoon deqqiye.

Halloo 43:11

Arooba boonoshi nihoo Israꞌeeli boonoshich ishichiye: “Mooyo ebi tunegaata, ebin tuniibote; hini showooch daneebeeti, beshe gaawe mooyoochee giisheche huuteebeeti attoon, giisheche eeyon, shittoon, hareboonaa hini showooch daneebeeti michi aafoonoochee ittoshi mollexxooch gedote. Mattaayoon tuniiree are uroyich daami imbote.

Iyoobi 1:3

Biichoo shabaatte hume bago, keejje hume gaalee, uuche balle kashee gattoonaa uuche balle maache kureenaꞌona beetinaꞌone; wotta meeti guuninaꞌo biich beetinaꞌone. Aabi-keyo waan beeti asheenaꞌoyee beshoon oogeti gaannechi uroone.

Iyoobi 42:12

Doono Yeeriyoo Iyoobichi gubbi beemon aafichoyee beshoon diiriye. Biyoo aaraa awudde hume bagoon, shiritte hume gaaleen, hume kashee gattoonaa hume maache kureenaꞌonon hajjiye.

Shaahiyoo 17:8

Ikkikke asheenaꞌoyich xucco kaayoon kaayiyoommone; boonoshi hammimmo bulliichaa mooyo boonoshich kaamehe.

Yibbaatoo 8:18

Gaannoon ne danemmoyich neech giidoon immiibeeti ne Nuggishoo Doono Yeerin batteyaahine. Ebin bi tuniibeeto, ne qaabbechinaꞌoyich bi wogeti wogoon ceechoyichiye; ebinoo hanaach beddaahaa tunii beetone.

1 Saameeli 25:2

Kaaleebi yaroo tuneti, Naabaali getteebeeti ikke uro beehe. Biyoo Maꞌoonee ashoone. Biichoo Qermeloosi gaꞌooch showoo beetone. Oogeti gaannechi uroone. Keejje hume bagoonaa ikke hume emmishoona biich beetone. Bi mecheechi shigo Abigeli getteehe. Biyoo gaawe malletechi, wottoo shalligechi ureene. Tunebaani bi keno maacmanje, qoci gondee uroone. Ebi uro Qermeloosaa bi bageenaꞌochi eexon cakkii beehe.