Halloo 31:30 - Kafa Linguistics Project

³⁰ Ebin ne tuniito, ne nihoo kexon ne sharaatetoyich bi tunoon ariibeeto taane. Tunebaani ta goyinnaabeeti, ta shahalleenaꞌon amoyich gaajjenne?” iye.

Halloo 31:30 ပူးပေါင်းရင်းမြစ်များ

Halloo 31:19

Bi bageenaꞌo eexon cagga Labaani hammiichaa, Raaheeli bi nihoo terafimeenaꞌon gaajjahan.

Halloo 31:31

Yaaqobiyoo Labaanich wochii ishichiye: “Ebin ta tuniito, ne maache bushiishoon bogiree echiyemmo taach ne shaahaa, shattaꞌaniye.

Halloo 35:2

Ebich Yaaqobi bi kechi asheenaꞌonaa biinna tookkii beetinaꞌo bullinoyich ishichiye: “Ittoshi waan beeti dallaawe nuggisheenaꞌon ittoshi waanee wokkiibote; xallebote; ittoshi tahoon shaddibote.

2 Saameeli 5:21

Filsixeemeenaꞌo boonoshi shahalleenaꞌon arooch duppiichii hammitinaꞌone. Daawitinaa bi asheenaꞌona eboshin shaaggiꞌi daammiyeete.

Keyo 12:12

“Tawoo aroobee xum Gibitsee showee daggoona beshemmo taane; ashoochee gutenee bushiishoon, gijjoochee shiichii shiijjeti qaabboo bullin wuxemmo taane; Gibitseenaꞌo goyinneebeeti nuggisheenaꞌo bulli toommooch nallemmo taane. Ta, Doono Yeeri taane.

Isiyaasi 37:19

boonoshi nuggisheenaꞌochi misilonoo qaaqqooch duppiꞌi michitinaꞌone; mixonaa xaqqoonoochee shuuneeti, ashi kishee shuuneenaꞌoani, nuggisheenaꞌo tuno boonoshi qajjitoyich, aalletinaꞌone.

Erimiyaasi 10:11

Ittoshiyoo boonoshich: “Shimaayoonaa showoonon hallaani ebi nuggisheenaꞌo showoonaa shimaayoyee deshinoochee aallemminaꞌone” gettemmo ittoshine.

Erimiyaasi 43:12

Biyoo Gibitsee nuggisheenaꞌo kexinaꞌooch qaaqqoon tuchemmone; michemmone; boonoshi nuggisheenaꞌon keci daammemmone; qiddoo daroon bi xappoommon Gibitsee showoon biichooch daakkemmone; boonoshi waanee diggoona kechemmone.

Hiziqeeli 21:21

Baabloonee taatoo gommi gutte kaattooch neexeechi bi hammemmi gommon xiishoyich shangeenaꞌon tiikkiibee, terafimeenaꞌon echiibee, mareccoon maacibee, qaaxemmone.

Haddoo 10:30

Tunebaani Hobaabi Muusich, “Ta hamaache; ta hajjee showoonaa ta xibeenaꞌona waaniye wotteree ta hammemmo” iye.

Haddoo 33:4

Arooba Gibitseenaꞌo Doono Yeeri boonoshi daggoochee wuxiti boonoshi gutenee bushiisheenaꞌochi dubenoon duukkii beeheete. Wotta Doono Yeeriyoo boonoshi nuggisheenaꞌo toommooch nallitone.

Yaasi 24:2

Yaasiyoo asheenaꞌo bullich ishichiye: “Israꞌeelee Nuggishoo Doono Yeeri ishichiye: ‘Wonna ittoshi qaabbechinaꞌo Efiraaxisi aachee beqach beeheete; bare nuggisheenaꞌoyichoo goyinnee maddee beeheete; boonoshi daggoochee ikkoo, Abrahaminaa Nakoorinochi nihoo Taarine.

Woraaferasheenaꞌo 18:17

qeeshoo ebi koyoyich cuyee qanniti shiritte balle asheenaꞌona tookkii neexeꞌi bi beetaa, showoon qiidooch hammiti uuche asheenaꞌo kexooch giyiꞌi qiicaa shuuneeti shahalloon, efoodoon, terafimeenaꞌonaa qaaqqooch wociitaa shuuneeti shahalloonon daammiyeete.

Woraaferasheenaꞌo 18:24

Biyoo wochiꞌi, “ ‘Akkiꞌaane?’ ittoshi ii beeto, ebi ama getone? Ta shuuneti ta nuggisheenaꞌonaa ta qeeshoonon yechiꞌi hammito ittoshine. Illa taach echeti amee mooyo beete?” iye.

Woraaferasheenaꞌo 6:31

Tunebaani Yoꞌaashi biinna tookkii hayeebeeti asheenaꞌoyich ishichiye: “Ittoshi Baꞌaaloyich taggeeniye ittoshi beeto? Biin wodiiya qiicceeniye ittoshi beeto? Biich taggeebeeto bi beegaata, yaachi maadda beddaahaa qitibe. Baꞌaalo iberoon nuggishoo bi gaata, ebi happeeto bi deejjee gudo bi tunetoyich, bi qellich bi taggebe” iye.