Halloo 31:28 - Kafa Linguistics Project

²⁸ Ta maache bushiishoonaa boonoshi bushiishoonon shumi diggiiree ta deennemmoyich, amoyich bajjenne? Ebi ne shuuneti shuunoo tate shuunoo toonoone.

Halloo 31:28 ပူးပေါင်းရင်းမြစ်များ

Halloo 29:13

Labaaniyoo bi manee bushoo Yaaqobi womon waayeꞌi, biinna daneya afaafinoona woccii waahe. Tiqqeꞌinoo shummiye; kexooch daammii giijjiye. Yaaqobiyoo tuneti mooyo bullin Labaanich gettiye.

Halloo 31:13

Ne qoyaa qeyeti xaqqoon tiijjaa giimboochoommon neechaa, zayitoon huuttaꞌa ne mookketi, Beeteelaa neech bekketi Yeeri taane. And tiyi hini showoon gawukkiree, ne shiijjeti showooch wotte hambe’ itone” iye.

Halloo 31:24

Aroobee xum Yeeri Araamee asho Labaanina gumona daneꞌi ishichiye: “Ne qelloon ariibe! Yaaqobich deꞌoon tuneba gondoon, ikke mooyonona wochiyaahine” iye.

Halloo 31:29

Gonde mooyon ittoshi toommooch tuniyoon hakkesho ta ahaana, yiichi xum ne nihoo Nuggishoo gumona taanna daneꞌi, ‘Ne qelloon ariibe! Yaaqobich deꞌoon tuneba gondoon, ikke mooyonona wochiyaahine’ iye.

Halloo 31:3

Arooba Doono Yeeri Yaaqobin “Ne nihoo showooch, ne xibeenaꞌo waan wotteree hambe. Ta neenna tookki tunemmo taane” iye.

Halloo 31:55

Labaaniyoo maaddoona tiyiꞌi, bi maache bushiishoonaa boonoshi bushiishoonon shummii diiriye. Aroochee bi showooch wottee hammiye.

Halloo 32:1

Yaaqobi gommon qaxirii bi beetaa Yeerichi maraakeenaꞌo biinna daneheete.

1 Taateenaꞌo 19:20

Elisayi gatteenaꞌon duppiichii Eliyaasin dabbii wocciye. Aroochee, “Ta nihoonaa ta indeenon diggii shumiree keyone; aroyee gubb neen dabbemmo taane” iye. Eliyaasiyoo, “Wotteree hambe; neen amo hallitote?” iye.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

Keyo 4:27

Ebiyooba Doono Yeeri Haroonich “Muusina danoyich barahooch hambe” itone. Biyoo tiyii hammiꞌi, Yeerichi guudoochaa Muusina danehe; daneꞌi shummiye.

Mishiraachechinaꞌo 20:37

Bulli oogichii eefeebee Phawuloosin qettoona tiqqeꞌi shummiyeete;

1 Qorontoosi 2:14

Yaafe Ayaano biich aalli asho Yeerichi Yaafe Ayaanee mooyon duubo bi tunii beetoyich, danoon hakkaache; shalligoonoo hakkaache; shalligoon hakkoo bi qajjiibeeto, ebi moochi gaacoon maqqiꞌi ariyoon hakkemmo, Yaafe Ayaano biich beeti asho baach bi tunetoyichiye.

Ruuti 1:14

Boonoshiyoo wochinnoon oogichii eefeheete. Ebina Orifi bi amaateen diggiyaa shummaꞌa wottahan. Tunebaani Ruuti bi amaatee waan giddahan.

Ruuti 1:9

Doono Yeeri ittoshi shaaggimmi keno kexoochaa ittoshin kashiibe” iyan. Ebina boonoshin diggii shummahan. Boonoshiyoo oogichii eefeheete.

1 Saameeli 13:13

Saameeliyoo Saaꞌoolich ishichiye: “Tun bedaani mooyoniye ne tuniito. Ne tuniyemmoyich ne Nuggishoo Doono Yeeri gettiti getoon tuniyaano neene. Ebin ne tuniito gaata, Doono Yeeri ne shiijjeroo Israꞌeeleenaꞌo toommooch bulli yemeenoon bi taatemmoyich tuniyeshone.