Halloo 30:1 - Kafa Linguistics Project

¹ Raaheeli Yaaqobich ikke bushoonolla shiyaane bi tunetoyich, bi maneen qanaatahan. Ebich Yaaqobin “Bushoon taach imbe; ebi tuno qayigaata, qitemmi taane” iyan.

Halloo 30:1 ပူးပေါင်းရင်းမြစ်များ

Halloo 29:31

Doono Yeeriyoo Liyi shucheyaane bi tunoon beeggiꞌi, bushoon bi shiyemmoyich, bi maacoon qechiye; tunebaani Raaheeli xaafeene.

Halloo 37:11

Bi maneenaꞌo biin qanaateheete; tunebaani bi nihoo ebi mooyon bi maacoona yechiye.

1 Taateenaꞌo 19:4

Biyoo ikke heeyi gommon barahee daggoona hammiye. Aroochee ikke michi baatooch koteechii, “Doono Yeero, taach beddiye. Ta qaabbechinaꞌoyee beshaano taane. Ta kasheen daambe” iꞌi qollehe.

Iyoobi 13:19

Taanna taggemmo konine? Gondeto ta tunegaata, qaareyaanoon cikkibee qitibone.

Iyoobi 3:11

“Wondoo ta shiijjehooba, qicceshoo getona! Ta indee maacoochee ta kechehooba, qitishoo getona!

Iyoobi 5:2

Ippo yeexere ashoon wuxiye; qanaato mullaalli ashoon wuxiye.

Shoddo 106:16

Kaambooch beechii, Muusina, Doono Yeerich yaafeeti Haroonina, qanaateheete.

Shaahiyoo 14:30

Mullee diggo ashittinoyich iiwittinoon immiye; tunebaani qanaato shaawushoon maabeeti biiyoommone.

Shaahiyoo 30:16

eboshiyoo maasho, shiyaani maaco, aaco miyaani showoonaa beddiye getaani qaaqqoonane.

Dojjecho 4:4

Wottoo aayonaa shuunee ariyoona asho bi giyoon qanaatoochee tiyitona bi tuniibeeto tunoon beeggeho; ebiyoo wotta duubo, yongoon yookkii dabboommone.

Haddoo 11:15

Taan ebin ne tuniyoyee, ne aafoochaa gidoon ta danegaata, ta toommooch tunemmi iritoon ta beegoyee, taan wuxibe” iye.

Haddoo 11:29

Tunebaani Muusi biich, “Ta naboyich qaaqqaꞌaane? Doono Yeer asheenaꞌo bulli keemechinaꞌo boonoshi tunemmo gaata, Doono Yeeriyoo bi Ayaanoon boonoshi toommooch bi kindiimmo gaatoona, taach emiroone” iye.

Yowannisi 4:3

Yesuusi ebin ariiꞌi, Yihudee showoochee tiyii Galiilee showooch wottee hammiye.

2 Qorontoosi 7:10

Yeerichi daaggoommon tuneebeeti ayinoo axaaxee gommoochee Yeer waan wochoona wodooch shakkii beetone. Ebich “Aakkiya ebin tuniitote?” getteyaache. Tunebaani hini alemeexi ashi ayinoo qitooch shakkii beetone.

Galaati 5:21

ashi wodoon shixo, masho, qelloon battiibeeti duubo, eboshinoo shaahiibeeti mooyone. Shiichaꞌa ittoshich ta gettetoommon, ebiyoommi mooyon tunii beetinaꞌo Yeerichi shimaajji taatittineen woraashaachemminaꞌone.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

Yaaqobi 3:14

Tunebaani kupphe qanaatoonaa beshi bekkeya getona ittoshi mullooch bi beegaata, ariyechon shaahiree geeciyaahote; iberee toommoochoo koottaahote.

Yaaqobi 4:5

Yaafe Macaafoochaa “Yeeri no mullooch bi kotiiti Yaafe Ayaano qanaatoona qaatii beetone” getaa kooreeto duuboon getteeto ittoshich shaahii beete?

1 Saameeli 1:10

Haanniyoo bi kasho caammetoyich oogichaa eeppaabee Doono Yeer waan corootiyan.