6 Ureyoo ebi michi aafo mamoyich shaawiibeeto, ciinoyich dakiibeeto, ariyoon imoyichoo gaaweto bi tunoon ciinnahan; ebi michi aafoochee daammaa maahan; wotta bi kenoyichoo immahan; aroo maahe.
Addaamiyoo “Taanna tookki bi tunemmoyich taach ne immeti ure, aree ebi michi aafoochee kuxxaꞌa bi imenane ta maato” iye.
Addaamichoo ishichiye: “Ne mechee qaaroon waayaꞌa, ‘Aroochee maayaahine’ ta iti michi aafoochee ne maatoyich, showoo ne naboona uppeto tunebe; ne kasho beemmi wottoon, aayiree aroochee maayemmo neene.
Ebiyee gubb, bi doono Phoxifaari mechee Yooseefin ciinnaa bi shunnetoyich, “Tookki qebone” iyaa echahan.
Yeerichi bushiisheenaꞌo, asheenaꞌochi maache bushiisheenaꞌo mallet gaaweenaꞌo boonoshi tunoon beeggiꞌi, boonoshi shunnii shunnitinaꞌon daammii shaaggiyeete.
Ikke areddoon, showoo womikkoo wotteechaa, Daawiti bi qeenoochee tiyiꞌi taatee kechi toommooch kechiye. Biyoo aroochaa okk hach shaꞌeebee ikke ure bi achoon machaa bi beetaa, beeggiye. Ureyoo oogeton mallet gaawe ureene.
Ebich Yeer asho biinna tookkii wotteꞌi, bi kexoochee koshon maahe; aaconoo uchiye.
“ ‘Bare gaboona maache busheen ciinaache’ iyaꞌa, ta aafoona tookkaa wogoon giyeto taane.
“Ashi bushoocho, kashkuxoon ne shunnaabeeti mooyon naxoona daammemmo taane; newoo muushene eeppaahine; ne acimoonoo ukkiyaahine.
‘Israꞌeelee macceenaꞌoyich, Nuggishoo Doono Yeeri ishichiye: Ittoshi yebeneebeeti, kashkuxoon ittoshi shunniibeeti, wottoo ittoshi mullee emiroo tuneti ta yaafee kexo eeꞌemmoyich tuniyemmo taane; Yerusaalem echeti ittoshi anaami bushiisheenaꞌonaa maache bushiisheenaꞌona goraadoona dihemminaꞌone.
Doono Yeeri ishichiye: “Ashi bushoocho, boonoshi emiroonaa oogoonon tuneti, kashkuxoon boonoshi shunnii beetonaa boonoshi mullee emiroona tuneti, boonoshi gibeneebeeti yaafee kexon, boonoshi anaami bushiishoonaa maache bushiishoononoo ta tiijjiyooba,
“Tunebaani boonoshi Addaamichoommon wogoon happitinaꞌone. Ebi aroochaa taach gibeneyoon qajjitinaꞌone.
Tunebaani and ta waanee waayebote! Maacheen ciinniꞌi qaatito bulli bi mulloona biinna tookkii shunoon maatone.
Wotta dacheeꞌa Yeerichi getoon shaaddeti, maachealli Addaami toonoone.
Kecceti qiiceenaꞌo daggoochee Shinaaree showoochee waati ikke macecikkiti gaaboon, gutte balle sheqeelee birewoonaa aache sheqeelee nuuppheti aachoonon ciinnaꞌa dakiyoye; eboshin daammoye. Ebi qiicoon, birewoon dechiich geddaa ta duukkaanee maac showooch duukkaꞌa aachito taane” iye.
Biyoo shabaatte qemi gaaree aabo bullin bi aafooch eeppahan; oogichaa biin bi duꞌitoyich, ciiroochaa shabaattinnee qemooba biich gettiye. Biyoo hammaa ebi turitee biishon bi showee asheenaꞌoyich gettahan.