Halloo 3:24 - Kafa Linguistics Project

²⁴ Ashoonoo kichii yookkiye; kashee mixo waan daammiibeeti gommon quyemmi kiruubeenaꞌonaa qaaqqee booddoon taheti, haabuubo guuddiibeeti goraadoonon, Eden beeti mixinaꞌoochaa aabi-keyo waan kotiihe.

Halloo 3:24 ပူးပေါင်းရင်းမြစ်များ

Halloo 3:23

Ebich asho showoochee bi danetoyich, are showoon bi gochemmoyich, Nuggishoo Doono Yeeri biin Edeni bechee daggoochee kichiye.

Halloo 4:1

Aroyee gubb Addaami bi mechee Hewaanina danehe. Biyoo xifaꞌa Qayeelin shiyahan. Hewaaniyoo “Anaami bushoon Doono Yeer waanee danete” iyan.

Halloo 4:14

Ebiyoche, hanaach ta showoochee taan yookketine; ne aafoocheenoo wokkete; showee toommo bulliich ta kexon waaxi gooyi, yallyallimi beeyemmo taane. Illa taan danemmi asho koniyoona taan wuxemmone” iye.

Shoddo 104:4

Yongoon ne wocheeyechon, conjiibeeti qaaqqoon ne maddechon tuniihine.

Shoddo 80:1

Israꞌeelee Qiddoocho, Yooseefi shiijjeroon bagoochoommon yaabaa beetocho, no qolloon waayebe. Kiruubeenaꞌochi toommooch kotaabeetocho, aaxxe bekkebe!

Shoddo 99:1

Doono Yeeri taatehe; macceenaꞌoo qewebeete; kiruubeenaꞌochi toommeexi bi taatee qeenooch kotehe; showoo shuuribe.

Keyo 25:2

“Wojjoon taach boonoshi deebemmoyich, Israꞌeeleenaꞌoyich gete. Mulloochee tiijjiꞌi imma qaawiti asho bulli waanee wojjoon deꞌe.

Hiziqeeli 10:1

Ciinnaa ta iyaa, ebiyoche kiruubeenaꞌochi qelloyee tookk beeti gumoyee tookk, sapiiroochee shuuneeti taatee qeenoommi mooyo beete.

Hiziqeeli 31:11

bi neexee genjoona bi mullo geecitoyich, bi shuunetoommon bi toommooch bi shuunemmoyich, aageteenaꞌo daggoochee giidechochi kishooch beshiyaꞌa biin immeto taane; biinoo yookketo taane.

Haddoo 22:23

Kureyoo Doono Yeerichi maraakoo goraadoon kaaccii bi kishooch yechiꞌi gommooch beeton beeggahan. Aroochee gommoyee bara wottaꞌa goyee daggooch giyahan. Balaamiyoo gommo waan wochoyich kureen yexxiye.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Hibireena'o 1:7

Yeeri maraakeenaꞌochon gettiibee, “Bi maraakeenaꞌon yongoomminaꞌon, bi wocheyechinaꞌonoo conjiibeeti qaaqqoomminaꞌon, tuniyemmone” iye.

Yaasi 5:13

Yaasi Yaariki katinooch beechii, kaama ciinniꞌi, goraadoon kaaccii yechiti, bi aafooch neexeebeeti ikke uroon beeggiye. Yaasiyoo uro waan giddeꞌi, “No daggeexo neenashi, no etteenaꞌo daggeexo neene?” iꞌi echehe.

1 Saameeli 4:4

Ebich ginee naayinaꞌo Shilooha asheenaꞌon wocheheete. Kiruubeenaꞌoyee tookk tuneꞌi taateebeeti, Beshe Mawe Doono Yeerichi wogee taabootoon aroochee deebiyeete. Eelichi gutte bushiisheenaꞌo, Hoofininaa Finihaasina, Yeerichi wogee taabootoona tookkii arooch waaheete.