Halloo 3:19 - Kafa Linguistics Project

¹⁹ Showoochee halleeto neene; ebich showooch wottemmo neene; ne kecheti showooch ne wottemmi wottoon, aayi caajjeree koshon maayemmo neene” iye.

Halloo 3:19 ပူးပေါင်းရင်းမြစ်များ

Halloo 18:27

Abrahamiyoo wochiye; ishichiinoo iye: “Ta Doonocho, hini showoochee halleeti ta neenna tookkii yibbaateya aafoon ta kupphetoyich, taan maaribe.

Halloo 2:7

Aroochee Nuggishoo Doono Yeeri showee buttoochee ashoon hachiye; ebi are ashi muddoonoo bi kashee hiinnoon huggiye; asho kashechon tunehe.

Halloo 23:4

“Ta ittoshi daggooch dallaawoonaa shiqqoona taane. Ittoshi showee daggoochee maashee xaaꞌoon taach ittoshi kemaa, arooch ta mecheechi cahoon duuhona” iye.

Halloo 3:18

Showoo angixonaa guccinonon colliyemmone; showoo colliiton maayemmo neene.

Halloo 5:5

Addaami yiixiye ballaa shaasha nattiichii qitiye.

Iyoobi 1:21

Biyoo ishichiye: “Shokkaachoon ta indee maacoochee kecheto taane; shokkaachoon wotteree hammemmo taane. Doono Yeeri immiye; Doono Yeeriyoo tiijjii daammiye; bi shigo galleteebe” iye.

Iyoobi 10:9

Nuuqqee qiicoochoommon taan ne shuunoon batteyaahine; and taan wochiree buttoon tuniyane ne iyaabeeto?

Iyoobi 19:26

biiyo ta qeddoon bi ciichitaanona, kashoona beechi Yeerin beeggemmo taane.

Iyoobi 21:26

Boonoshi guttiyona qitii duukkeheete; hipperoo boonoshi qeddoon bullehe.

Iyoobi 34:15

meeno taheto bulli ikkotteree aalleshone; ashi yaroo wochinnoon showa wotteshone.

Iyoobi 4:19

Ishigaata, nuuqqoochee shuuneeti, butto buricoommon buriceebeeti, pilo niroommon niroo tuneti ashoon gibenehe?

Shoddo 103:14

Amoochee no shuuneeto gaata bi arii beetone; showoo no tunoonoo gabii beetone.

Shoddo 104:23

Asho bi shuunooch hammiye; xumemmi wottoon arooch heechiye.

Shoddo 104:29

Boonoshiyee ne barimmona keqqiyeete; boonoshi hiinnoon ne daammemmona qitiyeete; boonoshi halleeti showa wotteheete.

Shoddo 127:2

Maaddii timonaa yagiꞌi tokketoona manjeyemmi koshoyich aayo gaacaalloone; Doono Yeeri bi shunnii beetinaꞌoyich, tokketooch boonoshi beetaa qanniihe.

Shoddo 22:15

Ta giidoo shuuqqii gochoon shaahiye; ta heciyoo ta killooch xaaqqeehe; qitee buttooch taan duppehine.

Shoddo 22:29

Showee toommooch beeti michitinaꞌo bulli biich goyinnemminaꞌone; maash hammechinaꞌo, kashoona beemoyich hakkoo muccetinaꞌo bi aafooch goyinnemminaꞌone.

Shoddo 90:3

Ashoon showa wochihine; “Ashi bushiisheenaꞌote, ittoshi xaaꞌooch wottebote” iyine.

Shaahiyoo 21:16

Shalligee gommoochee muriccimmi asho, qite asheenaꞌo kiceetooch tooqqemmone.

Dojjecho 1:13

Showee toommooch shuuneebeeti mooyo bullin shalligoona qaawaa haattoyich ta mulloon qanniiho. Ebi, ashi bushiisheenaꞌo aajjemmoyich Yeeri immiti magge shuunoone.

Dojjecho 1:3

Asho hini showee toommoochaa bi aajjiibeeti aayoochee, bi danemmi gaaco amoone?

Dojjecho 12:7

showoo bi showa wotteyaan beetaa, kashe biin halliti Nuggishoo Yeer waan wotteyaan beetaa, neen Halliton gabibe!

Dojjecho 3:20

Bulliyona ikke xaaꞌooch hammemmone. Bulliyona halleeto showoochee bi tunetoyich, showooch wottemmone.

Dojjecho 5:15

Asho bi indee maacoochee shokkaachoon shiijjehe; shokkaachoon bi shiijjetoommon shokkaachoon wottee hammiye. Bi aajjiti mooyoochee amoonolla yechii hamaache.

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

1 Qorontoosi 15:47

Wonnee asho showoochee halleetone; showee ashoone. Guttinnee asho shimaayoochee kinditone.

Efesooni 4:28

Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

1 Tasaloonqi 2:9

No maneenaꞌote! No aayonaa no yulloona ittoshich batteyaanoone; ikke amee mooyonona ittoshi toommooch shaagoon tuneyaanoon, xumoonaa areddoonon shuunaabee Yeerichi mishiraachee qaaroon ittoshich gettehone.

2 Tasaloonqi 3:10

Wotta ittoshina tookkaa no beehoobolla, “Shuunee shuunoon shunaano maayaaye” iyaꞌa getteto noone.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.