Halloo 3:17 - Kafa Linguistics Project

¹⁷ Addaamichoo ishichiye: “Ne mechee qaaroon waayaꞌa, ‘Aroochee maayaahine’ ta iti michi aafoochee ne maatoyich, showoo ne naboona uppeto tunebe; ne kasho beemmi wottoon, aayiree aroochee maayemmo neene.

Halloo 3:17 ပူးပေါင်းရင်းမြစ်များ

Halloo 3:11

Doono Yeeriyoo “Shokkaachoo ne tunoon konine neech gettito? ‘Aroochee maayaahine’ ta iti michi aafoochee maatine?” iye.

Halloo 3:18

Showoo angixonaa guccinonon colliyemmone; showoo colliiton maayemmo neene.

Halloo 3:6

Ureyoo ebi michi aafo mamoyich shaawiibeeto, ciinoyich dakiibeeto, ariyoon imoyichoo gaaweto bi tunoon ciinnahan; ebi michi aafoochee daammaa maahan; wotta bi kenoyichoo immahan; aroo maahe.

Halloo 5:29

“Doono Yeeri uppiti showee toommooch no kishoona aajjaa no shuunaabeeti magge shuunoo bulliichee noon kashiyemmone” ii bi bushoo shigoon, Noohi iye.

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

Iyoobi 14:1

“Maachee maacoochee shiijjeti ashi eeno, qaminonaa xuuxoona ceennitonane.

Iyoobi 21:17

“Gonde ashi qaaqqoo tahaa, beeggii ariihote? Boonoshi toommooch naxo kindii beete? Yeeri ippoona boonoshin qaaꞌi iritooch duppii beete?

Shoddo 127:2

Maaddii timonaa yagiꞌi tokketoona manjeyemmi koshoyich aayo gaacaalloone; Doono Yeeri bi shunnii beetinaꞌoyich, tokketooch boonoshi beetaa qanniihe.

Dojjecho 2:11

Ta shuuneti shuunoo bullin, shuunaa danoyichoo ta aajjeti aayo bullinoo gabaꞌa bulliyona duubo bi tunoon, yongoon yookkii dabboommo bi tunoonoo ariiho. Hini showee toommooch gaacechi amee mooyolla aalloone.

Dojjecho 2:17

Hini showee toommooch tuneebeeti mooyo taan bi maggetoyich, kashoon shixxeho; bulliyona duubo, yongoon yookkii dabboommone.

Dojjecho 5:17

Bi yemeeno bullin manderoo, eefo, ippo, biiyoonaa ayinoona biin giishi beeyemmone.

Maatiyoosi 22:12

Biich ishichiye: ‘Ta xiboocho, gaaree tahoon taheyaanoon aabichaꞌa gaaree kexooch giyenne?’ iye. Uroo cikkii qajjiye.

Maatiyoosi 25:45

“Arooba ‘Iberoon ittoshich gettoye: Bulliyee desho tuneti eboshi daggoochee ikkoyichona ittoshi tuniyee qayo taach tuniyee qayone’ getiree wochemmone.

Luqaasi 19:22

“Arooba doono tiyiꞌi, ‘Hini gonde wochee bushoocho! Ta shoohaanoochee qeccaabeeti, ta bushaanoochee shafiraabeeti, maacmanje asho ta tunoon ariitine? Ishigaata, ne getteti ne noonoo ne toommooch nallitone.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Roomi 3:19

Asho bulli noonoo bi wochaachemmoyich, alemo bulli toommooch Yeeri nallemmoyich, Muusichi Sheerooch kooreeto bulli ebi are sheeroyich hajjee beetinaꞌoyich gettiibeeto bi tunoon ariyaabeeto noone.

Hibireena'o 6:8

tunebaani angixonaa guccinonon bi colliigaata, gaacaalleene; Yeerina uppeyaniye bi ii beeto; ciiroochaanoo qaaqqoona miccemmine.