Halloo 3:16 - Kafa Linguistics Project

¹⁶ Ureyichoo ishichiye: “Ne xifehooba xuuxoon, bushoon ne shiyiyooboo maaxoon, oogichi neech woddiyemmo taane; tunetaa ne qaatoo ne keno waan tunemmone; biyoo neyee damboo tunemmone” iye.

Halloo 3:16 ပူးပေါင်းရင်းမြစ်များ

Halloo 4:7

Gaaweton ne shuuneto gaata, ne aafo biresho toone? Tunebaani gaaweton tuniyoo ne qayigaata, axaaxoo ne kellooch ottitone; bi qaatoo neen hajjemmone; tunebaani ne bi toommooch taatebe” iye.

1 Kiinoo 4:9

Yaabeetsi getteebeeti ikke uro beehe; biyoo bi maneenaꞌo oogiibeeti uroone. Bi indee, “Oogichaa maaxoo manjaꞌa biin shiyeti taane” iyaꞌa bi shigoon Yaabeetsi iyan.

Asteeri 1:20

Aroochee taatoochi awaajjo gamini bi showoo bulliich getteemmona, maacheenaꞌo bulli gaannecho woyee girecho getaanoon, boonoshi keneenaꞌon oogiyemminaꞌone” iye.

Shoddo 48:6

Aroochaa shattii qeweheete; maaxoo manjeti ureen shaahiyeete.

Isiyaasi 13:8

Keqqemminaꞌone; maaxoo manjeti ureechoommon shoodde qaakkemminaꞌone; boonoshinaa boonoshina keqqoona ciineyemminaꞌone; yeelloona boonoshi baroo qaaqqoon shaahemmone.

Isiyaasi 21:3

Ebich ta shimetoo kuxehe; maaxoo maanjaabeeti ureen shaahiyo; ta waayeti mooyoyich keqqiyo; ta beeggeti mooyoyichoo ta aafo shaawiye.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Erimiyaasi 13:21

Ne xibeenaꞌo boonoshi tunemmoyich xephona ne yechetinaꞌo guuddii wotteꞌi neen boonoshi hajjigaata, ama getishiye ne gettemmo? Shiyemmi maachechoommon maaxoo neen maataachehe?

Erimiyaasi 22:23

Libanoos kotetinaꞌote! Yigee mixona hakketi kexooch beetinaꞌote! Maaxoo manjeti maachechoommon xuuxo ittoshin yeshiyooba am shaahoon dordollehote.

Erimiyaasi 4:31

Maaxoo manjeti, batti batti bushoon shiya maaceraabeeti maachechi qaaroommi qaaroon waayehoye; ebiyoo Tsiyooni kashee guuteyee qaaroone; bi kishoon yaggiichaa “Taach woowo! Ashoon wuxii beetinaꞌo aafooch mullo baalleeti taane” ii beetine.

Erimiyaasi 49:24

Damaasiqee katemoo niretone; wocoyichoo gubb wottetone; qewo biin yechitone; maaxoo manjeti maachechoommon xuuxoonaa maaxoona biin yechitone.

Erimiyaasi 6:24

Ebi woroon waayeto noone; no mochoo niretone; shiyaabeeti maacheen maaxoo mamoommon xuuxo noon yechitone.

Haddoo 30:13

Bi keno bi mookketi mookkoon woyee bi qelloon giishiyoyich bi wogeti wogo bullin echiyoon woyee manjiyoon hakkiye.

Yowannisi 16:21

Shiyemmi ure maaxoo biin maammona maacerahane; tunebaani bushoon bi shiyetoyee gubb, bushoo hini alemooch bi shiijjetoyich emiraꞌa, aafi bi xuuxoon battahan.

1 Qorontoosi 11:3

Anaamo bullichi shimbo Kiristoosi, maachechi shimbo anaamo, Kiristoosichi shimbo Yeeri tunoon ittoshi ariyemmoyich shunnoye.

1 Qorontoosi 14:34

maacheenaꞌo kittinneenaꞌochi kicee daggoochaa cikki kotebeete; yibbaato boonoshich daaggeyaanoone. Sheerooch bi kooreetoommon, hajjeebeete.

1 Qorontoosi 7:4

Mechee bi ashittinoon ta hajjoone gettaayuye; bi ashittino bi kenoochone. Kenoo ebiyoommon wotta bi ashittinoon ta hajjoone gettaaye; bi ashittino bi mechechone.

Qolaasiyaasi 3:18

Mecheenaꞌote, Doono waanaa tun bede mooyo bi tunetoyich ittoshi keneenaꞌoyich hajjeebote.

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.

1 Ximootiyoosi 2:13

Ebichi naboo, batti batt halleeto Addaami tunetoyichiye; aroochee Hewaani halleetine.

1 Ximootiyoosi 2:15

Tunebaani maachee bi mulloon Kiristoosi toommooch tooꞌiiꞌa, kittinneenaꞌon shunnaꞌa, dagg tate gaawe shuriyoona bi qelloon xallittinoona bi quyegaata, bushoon shimona wodemmine.