Halloo 29:25 - Kafa Linguistics Project

²⁵ Dechara maaddoona Yaaqobi ciinniꞌi, Liyi bi tunoon ariihe. Ebich Yaaqobi Labaanin “Amoyich ebin taach shuunenne? Neech ta maddeto, Raaheelicha iyaa toone? Amoyich taan dawushinne?” iye.

Halloo 29:25 ပူးပေါင်းရင်းမြစ်များ

Halloo 12:18

Ebich Farooni Abraamin ceekkiiꞌi ishichiye: “Ebi shaahe mooyon amoyich ta toommooch tuniinne? Ne mechee bi tunoon amoyich taach getaachine?

Halloo 20:9

Aroochee Abimeleeki Abrahamin ceekkiiꞌi ishichiye: “Ebi no toommooch ne tuniiti mooyo amoone? Neech amoon ta gondetenane ebi shaahe naxo taannaa ta taatee showoonooch bi kindemmoyich ne tuniito? Iberoon tun bedaani mooyoniye ta toommooch ne tuniito” iye.

Halloo 26:10

Abimeleeki wochiꞌi, “Ebiyoommi mooyon no toommooch tuniiya bedaano neene. No ashi daggoochee ikkoo ne mecheen yechito gaata, no toommooch gondoon shakkiyesho toon neene?” iye.

Halloo 29:16

Labaanich gutte maache bushiisheenaꞌo beetinaꞌone; qaabbeechi shigo Liyi, guucheechoo Raaheeline.

Halloo 29:24

Labaaniyoo bi gonnee Zilifin gonnee tuniiꞌi Liyich immitone.

Halloo 29:26

Labaaniyoo wochiꞌi, “Qaabbee beetaa guucheen shaakkiyoo, no showee doyoo toonoone.

Halloo 31:26

Labaani Yaaqob waan hammii ishichiye: “Amoyich ebin tuniinne? Taan dawushihine. Ta maache bushiishoon ginoona keccetinaꞌoommon tuniyaꞌa gashehine.

Halloo 31:7

Tunebaani ta shumaayoyich aashire wottoon bi heciyoon shaddiibee taan dawushiye; tunetaa ta toommooch gonde mooyon bi deebemmoyich Yeeri daaggaanoone.

Shaahiyoo 11:31

Cadiqe asho showee toommoochaa bi shuunee gatiyoon danemmo bi tunegaata, axaaxechonaa xuꞌechona amooniye bi tunemmo!

Maatiyoosi 7:12

Ebich ‘Asho taach tuniibe’ iꞌi ittoshi shunniibeeto bullin, ittoshiyoo wotta ebiyoommon bare ashich tuniibote. Ebin tuniyoona Muusichi Sheeroonaa keemechinaꞌona dojjiton ceechemmo ittoshine” iye.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

1 Qorontoosi 3:13

bi qelli qelloona hakketo am shaahoo gaata bekkemmone. Doono Yesuusi nalliya wotteree bi woyemmi aabooba, qaaqqoona miixeyemmone; are aabooba ikkikkoochi hago am shaahoo gaata qaaqqoo haattiree bekkiyemmone.

Yaaꞌoo 3:19

“Ta shunnaabeeti asho bullin kaaraa ciiccaabeeto taane; sheeraanoo beeto taane. Illa gaamiton tunebe; axaaxee gommoocheenoo Yeer waan wottebe.

Woraaferasheenaꞌo 1:7

Adon Bezeeqiyoo “Boonoshi kishee indecheenaꞌonaa baatee indecheenaꞌona kucheti shabe taateenaꞌo ta madee ooyoon maciibee echetinaꞌone. Ebi boonoshi toommooch ta tuniitoommon, Yeeri ta toommooch tuniitone” iye. Biinoo Yerusaalem daammiyeete. Biyoo aroochaa qitiye.

Ruuti 4:11

Ebi iitee xaaꞌooch koteti geeneenaꞌonaa bare asheenaꞌo bullina ishichiyeete: “Eeha, miixoo noone. Doono Yeeri ne woraashiti ureen no qaabbechi Yaaqobich meeti bushiishoon shiyeti Raaheelinaa Liyinoommon tuniibe. Doono Yeeri Efiraati yaroochee neen gaanniibe. Beetilehemi katemooch ne shigo aricheto tunebe.

1 Saameeli 28:12

Ureyoo Saameelin ceeggaa tiijjiyan; biinoo beeggaꞌa, oogeti qaaroona cookiyan. Saaꞌoolinoo “Ne, Saaꞌooli tunaachaa, amoyich taan dawushinne?” iyan.