Halloo 29:13 - Kafa Linguistics Project

¹³ Labaaniyoo bi manee bushoo Yaaqobi womon waayeꞌi, biinna daneya afaafinoona woccii waahe. Tiqqeꞌinoo shummiye; kexooch daammii giijjiye. Yaaqobiyoo tuneti mooyo bullin Labaanich gettiye.

Halloo 29:13 ပူးပေါင်းရင်းမြစ်များ

Halloo 24:29

Ribiqich Labaani getteebeeti manoo beetone; biyoo bi manee geddeti muddeexi aachoonaa kisheexi aachee shagaamoonon bi beeggitoyich, wotta bi manee Ribiqi uro gettiton bi getaa bi waayetoyich, uro beetooch afaafinoona woccii hammiye. Uro aachi oppee gaꞌooch gaaleenaꞌona tookkii neexeꞌi bi beetaa danehe.

Halloo 24:31

Labaaniyoo uroyich ishichiye: “Haano, Doono Yeerina diireetocho, hach kexooch wobe. Amoyichiye hini maaxooch ne neexaabeeto? Tawoo ittoshi kashemmi xaaꞌoonaa gaaleenaꞌo qeyemmi xaaꞌoonon qanniito taane” iye.

Halloo 24:32

Ebich uro kexooch hammiꞌi giyiye. Gaaleenaꞌochi xaanoo biichehe; boonoshi maayemmi gaferoo ichehe. Uroonaa biinna tookkii beeti asheenaꞌonoyich baatee aaco giddehe.

Halloo 33:4

Esayi Yaaqobina daneya wocciye; qettoona tiqqeꞌi shummiye; eefeenoo iyeete.

Halloo 45:15

Yooseefi eeppiibee bi maneenaꞌo bullin shummiye. Ebiyee gubb, bi maneenaꞌo biinna tookkii yibbaatooch giyiyeete.

2 Saameeli 19:39

Aroochee asheenaꞌo bulli Yoordaanoosin kimmiyeete. Taatoo kimmiye. Taatoo, Barizilayin shummiye; diiriinoo iye. Barizilayiyoo bi kexooch wottehe.

Keyo 18:7

Ebich Muusi bi abboona daneya kechiye; yittii goyinnee diggiiꞌi shummiye; aroochee boonoshinaa boonoshina ikkoo baroochi diggittinoon gaawichii echee waayetoyee gubb, Muusichi duukkaanooch giyiyeete.

Keyo 4:27

Ebiyooba Doono Yeeri Haroonich “Muusina danoyich barahooch hambe” itone. Biyoo tiyii hammiꞌi, Yeerichi guudoochaa Muusina danehe; daneꞌi shummiye.

Luqaasi 7:45

Ne taan shumaano neene; tunebaani hini ure batti batt ta giyahaa, bi shummeti ta baatoon and beddaahaa qayaaneene.

Mishiraachechinaꞌo 20:37

Bulli oogichii eefeebee Phawuloosin qettoona tiqqeꞌi shummiyeete;

Roomi 16:16

Yaafeeti gommona shumeyoona ittoshinaa ittoshina ikkoo baroon diggiibe. Kiristoosichi kittinnee guuphi asheenaꞌo bulli ittoshin diggii beetinaꞌone.

Qolaasiyaasi 4:5

Yeeri ittoshich immiibeeti gommo bullina Kiristoosichon miixebee Kiristoosi toommooch mulloon tooꞌiyaani asheenaꞌo daggooch ariyoona shaꞌebote.