Halloo 28:5 - Kafa Linguistics Project

⁵ Yisaaqiyoo Yaaqobin daachiihe. Biyoo tiyiꞌi, biinnaa bi manoo Esayinochi iyoo tuneti, Araamee asho Batuꞌeelichi bushoo Labaani beeti Mesopotaamee showooch hammiye.

Halloo 28:5 ပူးပေါင်းရင်းမြစ်များ

Halloo 22:23

Batuꞌeeliyoo Ribiqin shiyihe. Ebi shimitte anaami bushiishoon Abrahami manoo Nakoori bi mechee Milik waanee shiyihe.

Halloo 24:54

Ebiyee gubb, uroonaa biinna tookkii beetinaꞌona maa uchiyeete; aroochee qeyiyeete. Maaddoona boonoshi tiyitoyee gubb, uroo boonoshich, “Ta doono waan ta wottemmoyich, taan daaggi deenote” iye.

Halloo 25:20

Yisaaqiyoo bi shiijjeti aabbe natona, Ribiqin shaaggiye; Ribiqi Mesopotaamee showooch beeti Araamee asho Batuꞌeelichi busheenaa Araamee asho Labaanichi maneenane.

Halloo 27:43

Andoo ta bushoocho, neech ta gettaa beeton tuniibe. Karaan beeti ta manoo Labaan waan kaate maxxebe.

Halloo 28:2

Tiyiree Mesopotaamee showooch beeti ne indinihoo Batuꞌeel waan hambe. Aroochee ne iyoo Labaanichi maache bushiishoo daggoochee mecheen shaage.

Halloo 29:1

Yaaqobi Beeteelee tiyiꞌi, aabi-keyo waan beeti asheenaꞌo showooch hammii shaggiye.

Halloo 29:12

Yaaqobiyoo bi nihoo xiboonaa Ribiqichi bushoona bi tunoon Raaheelich gettiye. Raaheeliyoo woccaa hammaa bi nihoyich ebi mooyon gettahan.

Halloo 31:24

Aroobee xum Yeeri Araamee asho Labaanina gumona daneꞌi ishichiye: “Ne qelloon ariibe! Yaaqobich deꞌoon tuneba gondoon, ikke mooyonona wochiyaahine” iye.

Halloo 35:27

Yaaqobiyoo and Kebirooni getteeti Qiriyaat Aribi gaꞌooch beeti Mamiri gorooch, bi nihoo Yisaaq waan wottee waahe. Ebi xaaꞌoo ebiyee aaf Abrahaminaa Yisaaqina beebee echeti xaaꞌoone.

Hiziqeeli 27:16

“ ‘Wodde qiico neech bi beetoyich, Sooriyee asheenaꞌo neenna tookkii giixee beeheete; ne qiiceenaꞌonoo maarigidoona, damere tahoona, bi toommooch shashiitaa shippeti qoreddoona, muttee tuppoochee shippeti qoreddoona, dooqoona, wottoo ceelle inqoona shaddii beeheete.

Hosee'i 12:12

Yaaqobi Sooriyee showooch aallee hammiye; Israꞌeeli mechee danoyich maddehe; mecheen danoyich bagoon qiddehe.

Yibbaatoo 26:5

“Newoo ne Nuggishoo Doono Yeeri aafooch ishichi gettemmo neene: ‘Qaabbechi ta nihoo yallyallimiibee echeti Araamee ashoone. Giisheche bi ashoona tookkii Gibits hammiꞌi arooch kotehe. Aroochaa aricheto, giidechonaa meetona tuneti aagetoon tunehe.