Halloo 28:15 - Kafa Linguistics Project

¹⁵ Waayebe; ta neenna tookkaa beeto taane; ne hammaabeeti xaaꞌoo bulliich neen quyemmo taane; hini showooch neen wochiree deebemmo taane; ta getteto bullin neech ta tuniimmi wottoon, ciroona neen qayaachemmo taane” iye.

Halloo 28:15 ပူးပေါင်းရင်းမြစ်များ

Halloo 21:20

Yeeriyoo ebi bushoona tookkii tunehe; bushoo dicciye. Bi beemonoo barahooch tuniihe; aricheti aaddoon tunehe.

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 26:3

Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

Halloo 30:25

Raaheeli Yooseefin bi shiyetoyee gubb, Yaaqobi Labaanich ishichiye: “Aaf ta waati ta kexonaa ta showoonooch wotteree ta hammemmoyich daaggibe.

Halloo 31:13

Ne qoyaa qeyeti xaqqoon tiijjaa giimboochoommon neechaa, zayitoon huuttaꞌa ne mookketi, Beeteelaa neech bekketi Yeeri taane. And tiyi hini showoon gawukkiree, ne shiijjeti showooch wotte hambe’ itone” iye.

Halloo 31:3

Arooba Doono Yeeri Yaaqobin “Ne nihoo showooch, ne xibeenaꞌo waan wotteree hambe. Ta neenna tookki tunemmo taane” iye.

Halloo 31:5

Boonoshichoo ishichiye: “Ittoshi nihoo taan aafichoommon gaawe aafoona ciinni bi qayon ariito taane. Tunetaa ta nihoo Nuggishoo tayee baraanoone.

Halloo 32:9

Arooba Yaaqobi ishichii corootiye: “Ta nihinihoo Abrahamichi Nuggishoo Yeero, ta nihoo Yisaaqichi Nuggishoo Yeero, ‘Ne showoonaa ne xibeenaꞌona waan wotteree hambe. Tawoo neech gaawe mooyon tuniyemmo taane’ iti Doono Yeero,

Halloo 35:3

Ittoshi tiyaa Beeteel keyone. Ta iriteehooba, ta qolloon waayeti, ta hammeti gommo bulliich taanna tookkii tuneti Yeerich aroochaa deejjee gudoon shuunemmo taane” iye.

Halloo 39:2

Doono Yeeriyoo Yooseefina tookkii bi tunetoyich, bi doono Gibitsee asho kexooch bi beetaa, mooyo bulli biich kaamehe.

Halloo 39:21

Doono Yeeri biinna tookkii tunee beehe; bi shoodoonoo biich bekkiihe; cuyee kechi ukkiroo aafoochaa gidoon bi danemmoyich tuniihe.

Halloo 46:4

Neenna tookki Gibits kindemmo taane; aroochee wochiree ne shiijjereenaꞌon kichemmo taane. Halla bi alla neen guuccemmo Yooseefine” iye.

Halloo 48:16

gonde mooyo bulliichee taan wodiiti Maraakoo, aroo hini bushiishoon diiribe. Boonoshiyoo ta shigoona, ta nihinihoo Abrahaminaa ta nihoo Yisaaqinochi shigoona ceekkebeete; showee toommooch shiijje shiijjere meeteete” iye.

Halloo 48:21

Ebiyee gubb, Israꞌeeli Yooseefich ishichiye: “Ta qitemmi aabo shaggitone; tunebaani Yeeri ittoshina tookki tunemmone; ittoshi qaabbechinaꞌo showooch ittoshin wochi daammemmone.

1 Taateenaꞌo 8:57

No Nuggishoo Doono Yeeri no qaabbechinaꞌona tookkii bi tunoommon, noonna tookki tunebe. Noon qajjaaye; noon duppaaye.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:7

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 91:11

Ne gommo bulliichaa neen boonoshi quyemmoyich, bi maraakeenaꞌoyich getiree ne waan deejjemmone.

Keyo 13:11

“Doono Yeeri neennaa ne qaabbechinaꞌonoyich bi wogetoommon, Kanaaneenaꞌo showooch neen giijjiꞌi boonoshi showoon neech bi imiyooba,

Keyo 3:12

Yeeriyoo “Ta neenna tookki tunemmo taane. Neen wochaa daachiito ta tunee malletoo, ebine: Asheenaꞌon Gibitsee ne kichitoyee gubb, hini guudi toommoochaa taach goyinne maddemmo ittoshine” iye.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 8:10

Yeeri noonna tookkii bi tunetoyich, koceebotalli ittoshich kaameyaachemmone; yibbaatebotalli ittoshi yibbaatoo manjaachemmone.

Erimiyaasi 1:19

Neenna koyemminaꞌone; tunebaani neen wodiyoyich neenna tookkii ta tunetoyich ne toommooch wudoo daneyaachemminaꞌone” iye Doono Yeeri.

Erimiyaasi 16:15

Tunebaani ‘Israꞌeeleenaꞌon dambi-waaninaa bi yookkiti showoo bullinoochee wochii deebiti beeyechi Doono Yeeri beege’ getteyemmone; tawoo boonoshi qaabbechinaꞌoyich ta immeti boonoshi showooch boonoshin wochemmo taane” iye.

Leweenaꞌo 26:42

ebiyooba Yaaqobina tookkaa, Yisaaqinaa Abrahamina tookkaa ta giyeti ta wogoon shalligemmo taane; showoonoo shalligemmo taane.

Leweenaꞌo 26:45

Aagetee asheenaꞌo ciinnii beetaa, boonoshi Nuggishoo tunoyich Gibitsee kichaa ta deebeti boonoshi qaabbechinaꞌona tookkaa ta giyeti wogoon shalligemmo taane. Ta, Doono Yeeri taane itone’ gete” iye.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Haddoo 6:24

“Doono Yeeri neen diiribe; neen quyebe;

Maatiyoosi 18:20

Ebiyoo guttoo woyee keemo tuneꞌi ta shigoona boonoshi kicee beetooch boonoshina tookkaa ta beetoyichiye” iye.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

Yibbaatoo 30:3

ne Nuggishoo Doono Yeeri neen wochinnoon gaanniyemmone; neech ariqqemmone; aageteenaꞌo bulli daggooch neen bi shaccitoochee, wochiree neen kicemmone.

Yibbaatoo 31:6

Kupphebote; maaci kuxo tunebote. Boonoshin shati keqqiyaahote. Ne Nuggishoo Doono Yeeri neenna tookkii hammii beetone; neen dufaachemmone; neenoo qayaachemmone” iye.

Yibbaatoo 31:8

Doono Yeeri ne aafooch shiichemmone; neenna tookkishoo tunemmone. Neen dufaachemmone; neenoo qayaachemmone. Shattaahine; keqqishoo gettaahine” iye.

Yibbaatoo 7:9

Ebich ne Nuggishoo Doono Yeeri baach Nuggishoo bi tunoon, gibeneeti Nuggishoo bi tunoonoo batteyaahine. Biin shunnii beetinaꞌonaa bi getoon quyee beetinaꞌonoyich hume shiijjerooch beddaahaa, bi wogoon ceechemmone; kuxeyaani bi shunoonoo bekkiyemmone.

1 Ximootiyoosi 4:8

Iiwittinoon danoyich ashittinoon kupphiyee dojjoo giisheche mooyoyich gaaccemmone; tunebaani Yeerich diireeti kittinnittinee qocoona beemoyich qellee dojjoo, and hini showee toommooch no beeti beemonaa gubbichoo shimaajji kexooch no beeyemmi beemonoyich gibenikkiibeeto bi tunetoyich, mooyo bullich gaaccemmone.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich:

Woraaferasheenaꞌo 6:16

Doono Yeeriyoo wochiꞌi, “Iberoon ta neenna tookki tunemmo taane. Miidiyameenaꞌon ikke ashoon wuxoommon wuxi aalliyemmo neene” iye.