Halloo 27:43 - Kafa Linguistics Project

⁴³ Andoo ta bushoocho, neech ta gettaa beeton tuniibe. Karaan beeti ta manoo Labaan waan kaate maxxebe.

Halloo 27:43 ပူးပေါင်းရင်းမြစ်များ

Halloo 11:31

Taari, bi bushoo Abraamin, bi bushoochi bushoo, Haraanichi bushoo Looxin, Abraami mechee, bi naamechee Saarayinoo yechiꞌi, Kanaanee showooch hamma, Kalideenaꞌo showooch beeti, Uuri katemoochee kechiye. Tunebaani Karaan shaggiꞌi, arooch koteheete.

Halloo 24:29

Ribiqich Labaani getteebeeti manoo beetone; biyoo bi manee geddeti muddeexi aachoonaa kisheexi aachee shagaamoonon bi beeggitoyich, wotta bi manee Ribiqi uro gettiton bi getaa bi waayetoyich, uro beetooch afaafinoona woccii hammiye. Uro aachi oppee gaꞌooch gaaleenaꞌona tookkii neexeꞌi bi beetaa danehe.

Halloo 25:20

Yisaaqiyoo bi shiijjeti aabbe natona, Ribiqin shaaggiye; Ribiqi Mesopotaamee showooch beeti Araamee asho Batuꞌeelichi busheenaa Araamee asho Labaanichi maneenane.

Halloo 27:13

Bi indeyoo wochaꞌa, “Ta bushoocho, ebi ufo ta toommooch tunebe. Aaxxiyaahine; ta getteton baach waayebe. Hamiree taach deebe” iyan.

Halloo 27:42

Ribiqi bi qaabbe bushoo Esayi gabiti gaboon waayahan; guuche bi bushoo Yaaqobinoo ceekkiyaꞌa ishichiyan: “Ne manoo Esayi neen wuxiya bi gabitoyich and kashetone.

Halloo 27:8

And ta bushoocho, neech ta gettaabeeti mooyon waayebe.

Halloo 28:10

Yaaqobi Beershaabee tiyiꞌi, Karaan waan hammiye.

Halloo 28:5

Yisaaqiyoo Yaaqobin daachiihe. Biyoo tiyiꞌi, biinnaa bi manoo Esayinochi iyoo tuneti, Araamee asho Batuꞌeelichi bushoo Labaani beeti Mesopotaamee showooch hammiye.

Halloo 28:7

Yaaqobiyoo bi nihoonaa bi indeenochi getoon waayeꞌi, Mesopotaamee showooch bi hamonoo Esayi waayehe.

Halloo 35:1

Aroyee gubb Yeeri Yaaqobich ishichiye: “Tiyiree Beeteel hambe; aroochoo kotebe. Ne manoo Esayi aafoochee ne maxxehooba, neech bekketi Yeeri taach deejjee gudoon shuunebe” iye.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Erimiyaasi 35:14

Rekaabichi bushoo Yonadaabichi yareenaꞌo uyoon boonoshi uyaachemmoyich bi gettito ceenniye; boonoshi qaabbechoyich deꞌa boonoshi itoyich hanaach beddaahaa uyaaneenaꞌone; ta ittoshich wochii wochii gettehoye; tunebaani waayeyaano ittoshine.

Mishiraachechinaꞌo 5:29

Pheexiroosinaa bare mishiraachechinaꞌona wochiꞌi ishichiyeete: “Ashich deꞌa no getoyee Yeerich deꞌa no geto tunibede mooyone.