Halloo 27:40 - Kafa Linguistics Project

⁴⁰ Ginoona beeyemmo neene; ne manoyichoo hajjeyemmo neene. Tunebaani bi toommooch ne tiyihooba, bi waanjoon ne qettoochee duppemmo neene” iye.

Halloo 27:40 ပူးပေါင်းရင်းမြစ်များ

Halloo 25:23

Doono Yeeriyoo biich ishichiye: “Ne maacoochee shiijjemmi, gutte aageteenaꞌo tunemmi bushiisheenaꞌo gubb boonoshinaa boonoshina shixemmi aageteenaꞌon tunemminaꞌone; ikkoo baroyee beshe giidecho tunemmone; qaabboo guuchoyich hajjeyemmone” iye.

Halloo 27:29

Aageteenaꞌo neech hajjeebeete; aagetee asheenaꞌo neech goyinnebeete. Ne maneenaꞌo toommooch doonon tunebe. Ne indee shiyetinaꞌo neech yiti goyinnebeete. Neen uppimmo koniyoona uppeto tunebe; neen diirimmo koniyoona diireeto tunebe” iye.

Halloo 32:6

Wocheyechinaꞌo hammii, wottee waaꞌi, Yaaqobich “Ne manoo Esay waan hammeto noone; biyoo neenna daneya waa beetone. Biinna tookkii awudde balle asheenaꞌo waa beetinaꞌone” iyeete.

Halloo 33:9

Esayiyoo “Ta manoocho, taach ta hajjoo meeto beetone; neecho neech tunebe” iye.

2 Saameeli 8:14

Edoomee showoo bulliich bi ginee kaamboon kotiihe. Edoomeenaꞌo bulliyoo biich hajjeeheete. Doono Yeeriyoo Daawiti bi hammito aabiichaanona, wudoon bi danemmoyich tuniihe.

2 Taateenaꞌo 14:10

Edoomin kochaa ne wochitoyich ne mulloona geecito neene. Ne daneti oogo neech beddiye; ne kexooch kasheree kotebe. Neennaa Yihudee asheenaꞌona iritooch dihemmoyich ne qaawaabeeto, amoyichiye?” iye.

2 Taateenaꞌo 14:7

Biyoo Kiikki bamboo gettee beetoochaa aashire hume Edoomee asheenaꞌon wuxiye. Selaahi katemoon kochii yechiꞌi, bi shigoon Yoqiteeli iꞌi shigiihe. Hanaach beddaahaa ebi shigoona ceekkee beetone.

2 Kiinoo 21:10

Ebina Edoomeenaꞌo Yihudee asheenaꞌo toommooch hanaach beddaahaa hukkeꞌiniye boonoshi beeto. Yehoraami bi qaabbechinaꞌochi Nuggishoo Doono Yeerin bi qajjitoyich, Libini katemee asheenaꞌo ebiyooba bi toommooch hukkoon tiijjiyeete.

2 Kiinoo 21:8

Yehoraami taatee yemeenooch Edoomeenaꞌo Yihudee asheenaꞌo toommooch hukkoon tiijjiꞌi, boonoshi qellee taatoon taatiiheete.

Shoddo 60:8

Moꞌabi ta aachi machee qiicoone; Edoomi taacho bi tunoon bekkiyoyich, ta caammoon duppemmo taane; Filsixeemi toommooch wudee danoona ililemmo taane” iye.

Maatiyoosi 10:34

“Ta waato, showee toommooch diggoon deeboyich ittoshich shaahaaye; ta waato ginoonalli diggoon deeboyich toonoone.