Halloo 27:29 - Kafa Linguistics Project

²⁹ Aageteenaꞌo neech hajjeebeete; aagetee asheenaꞌo neech goyinnebeete. Ne maneenaꞌo toommooch doonon tunebe. Ne indee shiyetinaꞌo neech yiti goyinnebeete. Neen uppimmo koniyoona uppeto tunebe; neen diirimmo koniyoona diireeto tunebe” iye.

Halloo 27:29 ပူးပေါင်းရင်းမြစ်များ

Halloo 12:3

Neen diirimmon diiremmo taane; neen uppimmon uppemmo taane; showee toommooch beeti ashi yareenaꞌo bulli neenna diireyemminaꞌone” iye.

Halloo 25:33

Yaaqobiyoo “Eke shiichiree taach wogeechibe” iye. Ebich Esayi wogeꞌi, bi qaabbittinoon Yaaqobich kemmiye.

Halloo 27:30

Yisaaqi Yaaqobin diirii bi ciichitoyee gubb, Yaaqobi bi nihoo Yisaaq waanee kechii hammiye. Bekkech areegaata, Esayi kubboochee waa giyiye.

Halloo 27:37

Yisaaqiyoo wochii Esayich ishichiye: “Ebiyoche, ne toommooch biin doonjiito taane; bi maneenaꞌo bulli biich hajjeyemmoyich, maayoonaa woyinee uyoona biich abbetemmoyich diirito taane. Ta bushoocho, illa neech amoon hallibote?” iye.

Halloo 27:40

Ginoona beeyemmo neene; ne manoyichoo hajjeyemmo neene. Tunebaani bi toommooch ne tiyihooba, bi waanjoon ne qettoochee duppemmo neene” iye.

Halloo 37:10

Ebi bi gumon wotta bi nihoyich bi maacee, bi nihoo “Ebi ama geti gumone? Iberoon taannaa ne indeena, ne maneenaꞌoo ne aafooch yitiree neech goyinnehone?” ii kaarehe.

Halloo 37:7

No bulli budoochaa teepphoon qiraa beehone. Ta qiriti qiroo gellimmii neexehe; ittoshi qiriti qireenaꞌo taachochi guudoona neexeechii, biich goyinneheete” iye.

Halloo 9:27

Yeeri Yafeetin gamichibe! Sheemina tookki diggoona beebe; Kanaani biichoo guuno tunebe” iye.

1 Taateenaꞌo 22:47

Ebiyooba Edoomee showooch taatoo aalloone; showoon qeejjiibeeto, Yihudee taatoo iraashiiti iraashoone.

1 Taateenaꞌo 4:21

Solomooni qeejjiibeeto, Efiraaxisi aacoochee tiijjiꞌi Filsixeemee showooch beddaahaa, aroochee wotta Gibitsee daarooch beddaahaa beeti taatittinee showeenaꞌo bulliniye. Ebi showeenaꞌooch beeti asheenaꞌo Solomooni kashoona bi beeti yemeeno bulliich biich hajjeeꞌi, gibiroon deebii beeheete.

1 Kiinoo 5:2

Yihudi bi maneenaꞌo daggoochee kuppho, bi yaroo, iraasheenaꞌo kechiibeeti yaroo bi tunetaanoona gutenee bushittinee aalloo (gooroo) Yooseefichone.

Shoddo 72:8

Baharoochee baharooch beddaahaa, Efiraaxisi aacoochee showee tuggooch beddaahaa, qeejjibe.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 60:12

Neech maddeyaani aageteenaꞌonaa taatee showeenaꞌona aallemminaꞌone; ciroona hidaa aallemminaꞌone.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Haddoo 23:8

Yeeri ufaanoon, aabichi ufote? Doono Yeeri ufaanoon, aabichi ufote?

Haddoo 24:18

Edoomin koyi wochemmone; bi etto Seyirinoo koyi yechemmone; Israꞌeeli kupphe kupphe hammemmone.

Haddoo 24:9

Daaheroochoommon miqqetone; daaherechoommonoo showooch qeyitone; biin shuurikkemmo, konine? “Neen diirimmo bulli diireeto tunebe; neen uppimmo bulli uppeto tunebe” iye.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maatiyoosi 25:45

“Arooba ‘Iberoon ittoshich gettoye: Bulliyee desho tuneti eboshi daggoochee ikkoyichona ittoshi tuniyee qayo taach tuniyee qayone’ getiree wochemmone.

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.