Halloo 27:28 - Kafa Linguistics Project

²⁸ Yeeri shimaajji shuxoon, showee qeemon, beshaa beshiti maayoonaa woyinee uyoonon neech imbe.

Halloo 27:28 ပူးပေါင်းရင်းမြစ်များ

Halloo 27:37

Yisaaqiyoo wochii Esayich ishichiye: “Ebiyoche, ne toommooch biin doonjiito taane; bi maneenaꞌo bulli biich hajjeyemmoyich, maayoonaa woyinee uyoona biich abbetemmoyich diirito taane. Ta bushoocho, illa neech amoon hallibote?” iye.

Halloo 27:39

Yisaaqiyoo wochiꞌi ishichiye: “Ne beeyemmo, qeemi showoochee, shimaajji shuxoocheenoo wohireeshiye.

Halloo 45:18

Ittoshi nihoonaa ittoshi kechi asheenaꞌonon yeshiree, Gibits ta waan wobote. Tawoo Gibitsee showoochee bulliyee beshe gaawe xaaꞌoon ittoshich immemmo taane; hini showeexi gaawe maayoon maayemmo ittoshine’ gete.

Halloo 49:20

“Aseerichi showoo gaawe maayoon shakkiyemmone; taatoyich tunemmi maayoon giddiyemmone.

Halloo 49:25

Ne nihoo Nuggishoo, biyoo neen gaacheebeeti, Beshe Hakkechi Nuggishoo, damba shimaayoochee daneebeeti abbetoona, showee deshi duchoochee daneebeeti diiroona, bushiishoona, gijjoonoo neen diiremmone.

2 Saameeli 1:21

“Ebi Giliboꞌi geppeenaꞌote! Ittoshi toommooch doshoo (caagibano) kindaaye; amiyoo dihaaye! Buuroyich tunemmi maayoon shakkiyemmi goyee budo aallebe! Ebi aroochaa giidechinaꞌochi gaachoo qalliꞌi duppetone; Saaꞌoolichi gaachoo ebiyee damba zayitoona huutteyaachemmone.

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

1 Taateenaꞌo 5:11

Solomooniyoo Kiraami kechi asheenaꞌoyich hiye hume xaanee teepphoonaa zayitee michi aafoochee hiicheti, awudde balle hume neetiree zayitoonon immiye; ebinoo kuxaanoon nati natona Kiraamich immii beehe.

2 Kiinoo 2:10

Shuunoon shuuneebeeti ne asheenaꞌoyich hiye hume xaanee teepphoon, hiye hume xaanee sheqoon, awudde balle hume neetiree woyinee uyoonaa awudde balle hume neetiree zayitoonon immemmo taane” iye.

Shoddo 104:15

Ashi mulloon emirikkiibeeti woyinoon, achoon pherphelliibeeti huutoon, kupphiibeeti maayoon qanniihe.

Shoddo 133:3

Hermooni guudi toommooch kindiibeeti doshoo (caagibano), Tsiyooni guudi toommooch kindoommone. Ebiyoo Doono Yeeri bi diiroon, kashoonoo bulli yemeenoon arooch bi tuniitoyichiye.

Shoddo 36:8

Ne kexeexi beshaa beshe maayoochee gifiroon maaheete; emirikkiibeeti ne aacoochee boonoshi uchemmoyich tuniihine.

Shaahiyoo 19:12

Taatoochi kaaro daaheree cidoommone; tunebaani bi aafoochaa gidoon dano, mocee toommeexi keetoommone.

Shaahiyoo 3:20

Bi ariyoona aacinaꞌo ufeheete; qubeenaꞌoo amiyon dichiyeete.

Isiyaasi 45:8

“Shimaayeenaꞌote, cadiqoon dambee kindiibote; gumeenaꞌo amiyochoommon dichibeete; showoo qecheebe; wodoonaa cadiqoona collebe; Doono Yeeri ta ebin hallito taane.

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Yoꞌeeli 2:19

Boonoshichoo ishichiye: “Maayoon, woyinee uyoonaa zayitoonon ittoshich immemmo taane; ittoshiyoo michemmo ittoshine. Ebiyee bekk, aageteenaꞌo daggoochaa, ittoshi cooneyemmoyich tuniyaachemmo taane.

Mikiyaasi 5:7

Curo tuneꞌi echeti Israꞌeeleenaꞌo meeti aageteenaꞌo daggooch, dicciibeeti mocee toommooch Doono Yeer waanee kindiibeeti doshoommon (caagibanoommon), kucheebeeti amiyoommon tunemminaꞌone. Boonoshiyoo boonoshi gibenemmo Yeerinalli ashoon toonoone.

Zakaariyaasi 8:12

“Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.

Zakaariyaasi 9:17

Am shaahoon malletee gaaweheete! Arooch beeti maayoonaa woyinee uyoona, gurimaashe anaaminaꞌonaa maacheenaꞌonon uummiyemmone.

Haddoo 13:20

showoo qeemo woyee bukoo bi tunoon, mixo arooch beemonaa aalloononoo beegote. Kuppheree are showeexi manjeebeeti michi aafoochee yeshiree wobote” iye. Gooroo woyino batt gaangiibeeti gooroone.

Haddoo 18:12

“Doono Yeeri taach boonoshi giddiibeeti maayi cilloochee gaawe zayito bullin, gaawe woyinoonaa maayo bullinon neech immeto taane.

Roomi 11:17

Tunebaani becheeti zayitee mixoochee ikkikke ateenaꞌo boonoshi xooꞌetaa, kubbeexi zayitee michi atoochee tuneti ne, becheeti zayitee michi ateenaꞌo daggooch giyaa xaaqqeeꞌa boonoshina tookkaa michi xepphoochee kechiibeeti mooyo bulliichee qoodeyecho tuneto neene.

Yibbaatoo 32:2

Ta doyoo amiyochoommon ufebe; ta yibbaatoo doshoochoommon kindibe; colleebeeti mocee toommooch dudiibeeti amiyochoommon, mocee toommooch amichi kuchoochoommon kindibe.

Yibbaatoo 33:13

Yooseefi yoodoochon ishichiye: “Doono Yeeri boonoshi showoon, shimaayoochee doshoon (caagibanoon) kindiyoona, showee dechiichee aacon xuuphiyoona, diiribe.

Yibbaatoo 33:28

Ebina Israꞌeeli diggoona, Yaaqobichi sheeyo keqqaalloon, maayoonaa woyinee uyoona ceenniti, shimaayoo doshoon (caagibanoon) kindiibeeti showooch beehe.

Yibbaatoo 7:13

Biyoo neen shunnemmone; diirishoo gettemmone; neech imoyich ne qaabbechinaꞌoyich wogeꞌi bi gibenikkiti showoochaa meeti bushiishoon neech imona shiyi shiijjereree ne meettemmoyich tuniyemmone; ne goyoon, ebiyoo maayoon, woyinee qomboonaa zayitee mixonon diiremmone; ne miimon, ne bagoonaa ne emmishoonon diiremmone.

Hibireena'o 11:20

Yisaaqi wotta mulloon Yeeri toommooch tooꞌiiꞌi, batt woyemmi mooyichon gettiibee Yaaqobinaa Esayinon diiriye.

Yaasi 5:6

Gibitsee kechiti, ginee koyoyich bedditi anaaminaꞌo bulli Doono Yeerich deꞌa getaaneenaꞌo boonoshi tunetoyich, eboshi qitii ciiremmi wottoon, Israꞌeeleenaꞌo barahooch aabbe naton qaxirii beeheete. Ebiyoo Doono Yeeri nooch imma boonoshi qaabbechinaꞌoyich wogoon bi giyiti, ejjoonaa eeyona xuupphiibeeti showoon boonoshi beegaachemmoyich, bi wogetoyichiye.