Halloo 26:7 - Kafa Linguistics Project

⁷ Arooba are showeexi asheenaꞌo Yisaaqin bi mechechon boonoshi echemmona, “Ta maneene” iye. Bi ishichito, “ ‘Ta mecheene’ ta getigaata, Ribiqi mallet gaawe ure bi tunetoyich, biicha getiree hini showeexi asheenaꞌo taan wuxemminaꞌone” ii bi shattitoyichiye.

Halloo 26:7 ပူးပေါင်းရင်းမြစ်များ

Halloo 12:11

Gibitsee showooch giya katinniichii, bi mechee Saarayich ishichiye: “Ikke mooyon neech getone; mallet gaawe ne tunoon ariibeeto taane.

Halloo 12:13

Ebich ne naboona taach bi gaawemmonaa ta kasho wodemmonoyich, ‘Bi manee taane’ gete” iye.

Halloo 12:15

Faroonichi iraasheenaꞌo beeggiꞌi, ureen Farooni aafoochaa worganee naadiyeete; ebina ureen taatoochi mechee bi tunemmoyich, bi kexooch daammiyeete.

Halloo 20:11

Abrahamiyoo Abimeleekich ishichiye: “ ‘Hiniich Yeerin shattiibeeti asho aalloone; asheenaꞌo ta mecheyicha getiree taan wuxemminaꞌone’ iyaa ta gabitoyichiye.

Halloo 20:2

bi mechee Saarin “Ta maneene” ii beehe. Ebich Geraaree taatoo Abimeleeki wochiiꞌi, Saarin shaagga daammiye.

Halloo 20:5

Taach, ‘Ta maneene’ ito bi toone? Wotta aree bi alla ‘Ta manoone’ getaaneene? Ebin ta tuniito, xalle mulloonane; ta shuuneti gonde mooyo aalloone” iye.

Halloo 24:16

Busheyoo oogeton mallet gaaweenaa batt shaakkeyaani gidiideenane. Aachi oppo beetooch kindiyan; aaconoo bi qondoona ceechaꞌa shaaggaa kechahan.

Halloo 26:6

Ebich Yisaaqi Geraaree showooch kotehe.

Halloo 26:8

Yisaaqi meeti aaboon arooch bi kotetoyee gubb, ikke areddoon Filsixeemee taatoo Abimeleeki bi kechi mallee kelloochaa dugilla ciinniꞌi, Yisaaqinaa bi mecheena tekkii kaachii boonoshi beetaa beeggiye.

Halloo 29:17

Liyi aaf gishiishe bi tunemmona, Raaheeli damoon keqqichaabeeti, mallet gaawe busheene.

Shaahiyoo 29:25

Ashoon shato shaachooch yechoone; tunebaani Doono Yeerin gibeneebeeto, diggoona beeyemmone.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Efesooni 5:25

Keneenaꞌote, Kiristoosi kittinnee guuphon bi shunoommon, biicha iꞌi bi kashoon beshii bi imoommon, ebiyoommon ittoshi mecheenaꞌon shunote.

Qolaasiyaasi 3:9

Wonnee geene ashoon bi shuunoona tookkii shoottiꞌi, andire ashoon ittoshi tahetoyich ittoshinaa ittoshina kootoon yibbaateyaahote.