Halloo 26:3 - Kafa Linguistics Project

³ Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

Halloo 26:3 ပူးပေါင်းရင်းမြစ်များ

Halloo 12:7

Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.

Halloo 13:15

Ne ciinnaabeeti showoo bullin neennaa ne shiijjereenaꞌonoyich immemmo taane; bulli yemeenoon ittoshicho tunemmone.

Halloo 13:17

Hini showoon neech immemmo taane. And tiyiree, ebi showoo bullin guudi beege” iye.

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

Halloo 17:19

Yeeriyoo biich ishichiye: “Ebi tuneyaache. Iberoon ne mechee Saari anaami bushoon neech shiyemmine. Bi shigoonoo, Yisaaqi geti shigiyemmo neene. Ta wogoon biinnaa biyee gubbi bi shiijjereenaꞌoyich bulli yemeenee wogoon tuniiree manjiyemmo taane.

Halloo 17:8

Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.

Halloo 20:1

Abrahami aroochee tiyii, Negeebi barahoo waan hammii, Qadeeshinaa Shuurinochi gutte daggooch kotehe. Giisheche yemeenoon Geraaree showooch koteꞌi beebee,

Halloo 25:11

Abrahami qititoyee gubb, Yeeri Abrahami bushoo Yisaaqin diiriye. Arooba Yisaaqi Lahayi Rooꞌi aachi oppee gaꞌoochiye bi beeto.

Halloo 26:12

Yisaaqiyoo are showooch beebee, maayoon shookkiye. Doono Yeeri biin bi diiritoyich, aroobee natooba balle kishoon danehe.

Halloo 26:14

Bagoonaa emmishoona, miimonaa gaddireteenaꞌona biich oogeton meettiyeete. Ebich Filsixeemee asheenaꞌo qanaateheete;

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 28:13

Doono Yeeriyoo ebi daqqellee tookk neexee beehe; ishichiinoo iye: “Ne nihinihoo Abrahamichi Nuggishoo, ne nihoo Yisaaqichi Nuggishoo, Doono Yeeri taane. Hini ne qeyaabeeti showoon neennaa ne shiijjereenaꞌonoyich immemmo taane.

Halloo 28:15

Waayebe; ta neenna tookkaa beeto taane; ne hammaabeeti xaaꞌoo bulliich neen quyemmo taane; hini showooch neen wochiree deebemmo taane; ta getteto bullin neech ta tuniimmi wottoon, ciroona neen qayaachemmo taane” iye.

Halloo 31:3

Arooba Doono Yeeri Yaaqobin “Ne nihoo showooch, ne xibeenaꞌo waan wotteree hambe. Ta neenna tookki tunemmo taane” iye.

Halloo 35:12

Abrahaminaa Yisaaqinoyich ta immeti showoon neech immemmo taane; neyee gubbi ne shiijjereenaꞌoyichoo hini showoon immemmo taane” iye.

Halloo 39:2

Doono Yeeriyoo Yooseefina tookkii bi tunetoyich, bi doono Gibitsee asho kexooch bi beetaa, mooyo bulli biich kaamehe.

Halloo 39:21

Doono Yeeri biinna tookkii tunee beehe; bi shoodoonoo biich bekkiihe; cuyee kechi ukkiroo aafoochaa gidoon bi danemmoyich tuniihe.

Halloo 48:21

Ebiyee gubb, Israꞌeeli Yooseefich ishichiye: “Ta qitemmi aabo shaggitone; tunebaani Yeeri ittoshina tookki tunemmone; ittoshi qaabbechinaꞌo showooch ittoshin wochi daammemmone.

Halloo 50:24

Yooseefiyoo bi maneenaꞌoyich ishichiye: “Ta and qita beddeto taane. Yeeri iberoon ittoshin gaacheya woyemmone; hini showoochee ittoshin kichemmone. Abrahamich, Yisaaqinaa Yaaqobinoyich bi wogeti showooch ittoshin giijjemmone” iye.

1 Kiinoo 16:16

Abrahamina tookkii bi giyiti wogoon, Yisaaqich bi gibenikkiti gibenoon, batteyaache.

Shoddo 105:8

Bi giyiti wogoon bulli yemeenooch, bi gettiti qaaroonoo hume shiijjerooch beddaahaa, batteyaache.

Shoddo 105:9

Abrahamina tookkii bi giyiti wogoon, Yisaaqich bi gibenikkiti gibenoon batteyaache.

Shoddo 32:8

Doono Yeeri ishichiye: “Neen dojjemmo taane; ne hammemmi gommon neech bekkiyemmo taane; neen ciiccemmo taane; neen quyemmo taane.

Shoddo 39:12

“Doono Yeero, ne aafooch iibboo ta tunetoyich, ta qaabbechinaꞌochoommon shiqqoo ta tunetoyich, ta qolloon waayebe; ta cookoon ellebe; ta eefon cikki qajjaahine.

Keyo 2:24

Yeeriyoo gaashilliibee boonoshi cookiti cookoon waayehe; Abrahamich, Yisaaqinaa Yaaqobinoyich bi wogeti wogoon gabiye.

Keyo 3:12

Yeeriyoo “Ta neenna tookki tunemmo taane. Neen wochaa daachiito ta tunee malletoo, ebine: Asheenaꞌon Gibitsee ne kichitoyee gubb, hini guudi toommoochaa taach goyinne maddemmo ittoshine” iye.

Keyo 6:4

Iibbittinoona boonoshi beebee echeti Kanaanee showoon boonoshich imoyich wogeto taane.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Keyo 6:8

Abrahamich, Yisaaqinaa Yaaqobinoyich imma ta wogeti showooch ittoshin giijjemmo taane; ittoshi hajjoon tuniiree ittoshich immemmo taane. Ta, Doono Yeeri taane’ itone gete” iye.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 43:5

Ta neenna tookkaa ta tunetoyich shattaahine; aabi-keyo waanee, aabi-gimo waaneenoo, ne shiijjereenaꞌon kici deebemmo taane.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Yibbaatoo 1:8

Ittoshich ta immaabeeti showoo ebiyoche, Doono Yeeri ta, ittoshi qaabbechi Abrahamich, Yisaaqinaa Yaaqobinoyich, boonoshi shiijjereenaꞌoyichoo imma ta wogeti, ebi showoon hami woraashibote’ itone” iye.

Yibbaatoo 34:4

Aroochee Doono Yeeri Muusich ishichiye: “ ‘Ittoshi shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showoo ebine. Ne aafoona baach ne beeggemmoyich tuniito taane; tunebaani arooch giyaachemmo neene” iye.

Filipphisiyoosi 4:9

Ittoshich ta dojjitonaa ittoshich beshii ta immetonon, ittoshi waayeti ta qaaroon, ittoshi beeggiti ta shuunoon, eboshi bullin shuunee toommooch heechiibote. Arooboo diggee Nuggishoo ittoshina tookki tunemmone.

Hibireena'o 11:9

Yeeri gibenikkaa bi hammiti showooch iibboo tuneꞌi duukkaanooch beehe; ebi Yeeri gibenikkiti gibenoon biinna tookkii qoodeyecho tuneti bi bushoo Yisaaqinaa bi bushoochi bushoo Yaaqobina tookkii shiqqoo tuneꞌi, Yeeri toommooch mullee tooꞌiyoona ebi are showooch kotehe.

Hibireena'o 6:17

Ebich Yeeri gibenikkiti mooyon danemminaꞌoyich, bi gabiti gaboon shaddaachemmo bi tunoon xalla bekkiiya bi qaawitoyich, bi gibenikkiti gibenee toommooch wogoon daakkiye.