Halloo 26:28 - Kafa Linguistics Project

^28-29 Boonoshiyoo ishichiyeete: “Iberoon Doono Yeeri neenna tookkii beemon beeggeto noone; ebich ‘Neennaa noonna daggooch wogo gibe. Ne toommooch gondoon shuuneyaanoon, gaawe mooyon baach tuniyaabee diggoona no showoochee ne kechemmoyich no tuniitoommon, ebiyoommon wotta gondoon no toommooch ne shuuneyaachemmoyich neenna tookki wogoon gibone’ iyaꞌaniye. And Doono Yeerina diireeto neene” iyeete.

Halloo 26:28 ပူးပေါင်းရင်းမြစ်များ

Halloo 24:41

Ta wogiiti wogoochee ne shiweyemmo, ta xibeenaꞌo waan hammaꞌa busheen ne qolletaa, imaachone ii boonoshi bayigaata baachiye’ iye.

Halloo 31:44

Eke ne waataa wogoon gibone. Ebi wogo neennaa taanna daggooch miixoo tunebe” iye.

Halloo 39:3

Doono Yeeri Yooseefina tookkii bi tunoonaa bi shuunoo bullin biich kaachito bi tunoonon Phoxifaari beeggiye.

Halloo 39:5

Yooseefin bi ukkiriiti aaboochee tiijjiꞌi, Doono Yeeri Gibitsee asho Phoxifaari kexon Yooseefichi naboona diiriye. Doono Yeeri bi kexonaa bi budonooch beeti mooyo bullin diiriye.

2 Kiinoo 1:1

Daawiti bushoo Solomooni, bi Nuggishoo Doono Yeeri biinna tookkii tuneꞌi oogeton aricheton biin bi tuniitoyich, bi taatittinoon manjiihe.

2 Kiinoo 15:9

Bi Nuggishoo Doono Yeeri biinna tookkii beemon beeggiꞌi, Israꞌeeleenaꞌoochee meeti asheenaꞌo bi waan waa kotetinaꞌone. Ebina Yihudee asheenaꞌon, Biiniyaamee asheenaꞌon, ebiyoommon wotta Efreemi yoodoochee, Minaasi yoodoonaa Simooni yoodoonoochee waaꞌi biinna tookkii beetinaꞌon kiciye.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 61:6

Ittoshiyoo, Doono Yeerichi qeesheenaꞌonaa no Nuggishoochi maddechinaꞌona getaa ceekkemmo ittoshine; aageteenaꞌo gaannoon maayemmo ittoshine; boonoshi yaaphoona geecemmo ittoshine.

Isiyaasi 61:9

Boonoshi shiijjereenaꞌo aageteenaꞌo daggooch, boonoshi yareenaꞌo asheenaꞌo daggooch arichetinaꞌo tunemminaꞌone; boonoshin beeggimmo bulli, Doono Yeeri taanna diireetinaꞌo boonoshi tunoon ariyemmone” iye.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

1 Qorontoosi 14:25

Ebina bi mullooch aacheeti mooyo xalla bekkemmone; biyoo “Iberoon Yeeri ittoshi daggooch beetone” getibee yitiree Yeerich goyinnemmone.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

Hibireena'o 6:16

Asheenaꞌo boonoshi wogee beegaata, boonoshiyee beshoochi shigoona wogeheete; boonoshi yibbaatoon wogoona manjiiꞌi boonoshi daggooch beeti hayo bullin wokkiiheete.

Yaasi 3:7

Doono Yeeriyoo Yaasich ishichiye: “Muusina tookkii ta tunetoommon, ebiyoommon neenna tookkii ta tunoon boonoshi ariyemmoyich, hanaachiyee tiijjiree, Israꞌeeleenaꞌo bulli aafooch neen oogiyemmo taane.

1 Saameeli 11:1

Ebiyee gubb, Amoonee taatoo Nahaashi Gilaadee showooch beeti Yabeesh hammiꞌi, katemoon giichiye. Yabeeshi asheenaꞌo bulli biich “Noonna tookki wogoon gibe; nowoo neech hajjeyemmo noone” iyeete.

1 Saameeli 18:28

Saaꞌooli Doono Yeeri Daawitina tookkii bi tunoon, wotta bi bushee Mikaali Daawitin shunon xiishii ariihe.