Halloo 24:7 - Kafa Linguistics Project

⁷ Ta nihoo kexoochee, ta shiijjee showoochee taan kichiti, ‘Hini showoon ne shiijjereenaꞌoyich immemmo taane’ ii wogee gibenikkiti shimaajji Nuggishoo Doono Yeeri, bi maraakoon ne aaf daachiyemmone; ta bushoyichoo mecheen aroochee deebemmo neene.

Halloo 24:7 ပူးပေါင်းရင်းမြစ်များ

Halloo 13:15

Ne ciinnaabeeti showoo bullin neennaa ne shiijjereenaꞌonoyich immemmo taane; bulli yemeenoon ittoshicho tunemmone.

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

Halloo 16:7

Doono Yeerichi maraakoo barahooch beeti, ikke aachi xuuphee gaꞌoochaa Haggaarina danehe. Ebi aachi xuupho beeto, Shuuri barahooch daammiibeeti gommoochiye.

Halloo 17:8

Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.

Halloo 21:17

Yeeri bushoochi eefon waayehe. Yeerichi maraakoo shimaayoochaa Haggaarin ceeggiꞌi ishichiye: “Haggaare, akkitine? Yeeriyoo ne bushoo eeppiti eefon waayetone. Ebich shattaahine.

Halloo 22:11

Tunebaani Doono Yeerichi maraakoo shimaayoochaa “Abrahamo, Abrahamo!” ii ceeggiye. Abrahamiyoo eekkehe.

Halloo 24:40

“Ta doono taach wochii ishichiye: ‘Bulli aaboon bi getoyich deꞌa ta iti Doono Yeeri bi maraakoon neenna tookki daachiyemmone; ne gommonoo neech kaachemmone; ta bushoyichoo ta xibeenaꞌo waanee, ta nihoo kexoochee mecheen deebemmo neene.

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Iziri 1:2

Faariisee taatoo Qiroosi ishichiye: “Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone.

Shoddo 103:20

Bi qaaroonoo ceechiibeeti, bi gettii beeton waayaabeeti, hakkechi maraakeenaꞌote, Doono Yeerin diiribote.

Shoddo 136:26

Shimaajji Nuggishoyich galletoon giddiibote; bulli yemeenoon shoodechone.

Shoddo 32:8

Doono Yeeri ishichiye: “Neen dojjemmo taane; ne hammemmi gommon neech bekkiyemmo taane; neen ciiccemmo taane; neen quyemmo taane.

Shoddo 34:7

Doono Yeerin shattii beetinaꞌochi guudoona bi maraakoo kotemmone; boonoshinoo wodiyemmone.

Shoddo 73:24

Ne ciicoona taan yaabihine; ciiroochaa, oogoona taan daammemmo neene.

Keyo 13:5

Doono Yeeri neech imma, ne qaabbechinaꞌoyich wogeꞌi bi gibenikkiti, ejjoonaa eeyona xuupphiibeeti showoo, ebiyoo Kanaaneenaꞌocho, Hiteenaꞌocho, Amooreenaꞌocho, Hiweenaꞌochonaa Yebuseenaꞌochona tuneti showooch, neen bi giijjiyooba, ebi baaroon, hini Abiibi agenooch nati natona baaribe.

Keyo 32:13

Ne guuninaꞌo Abrahamin, Yisaaqinaa Israꞌeelinon shalligibe. Boonoshich, ‘Ittoshi shiijjereenaꞌon shimaayeexi xojjenoochoommon meechemmo taane; imma ta gibenikkiti hini showoo bullin ittoshi shiijjereenaꞌoyich immemmo taane; bulli yemeenoon boonoshi hajjoo tunemmone’ iyaꞌa neenna ne wogeti wogoon shalligibe” iye.

Keyo 33:2

Maraakoon ne aaf shiichiiree, Kanaaneenaꞌon, Amooreenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon yoohi kichemmo taane.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Yoonaasi 1:9

Biyoo “Ta Hibiree asho taane. Baharoonaa showoonon halliti, shimaajji Nuggishoo Doono Yeerichiye ta goyinnaabeeto” iye.

Haddoo 11:12

Dichindee bushoon tiqqoommon ta sheenooch tiqqeree, boonoshi qaabbechinaꞌoyich wogaꞌa ne gibenikkiti showooch ta giijjemmoyich ne gettaabeeto, iberoochaa eboshi bullin taane yeqqefeto? Boonoshi bullin taane shiyeto?

Haddoo 14:16

‘Doono Yeeri boonoshich imma bi wogeti showooch giijjoon bi mawiitoyich, ebi asheenaꞌon barahoochaa wuxiye’ geti yibbaatemminaꞌone.

Haddoo 14:30

Ittoshich imma ta wogeti showooch Yefuuni bushoo Kaaleebinaa Nuuni bushoo Yaasinoyee besh, ittoshi daggoochee ikkolla giyaachemmone.

Haddoo 32:11

‘Iberoon gettoye; boonoshi ceeni mulloona taan dabboo boonoshi qajjitoyich, Gibitsee kechiti, boonoshi eeno hiye natonaa ebiyee damboona tuneti asheenaꞌoochee ikkolla Abrahamich, Yisaaqinaa Yaaqobinoyich imma ta wogeti showoon beegaachemmone.

Mishiraachechinaꞌo 7:5

Hiniichoo ikke ciix bede iristoonolla biich imaanoone. Tunebaani Abrahamich bushoo shiijjeyaan beetaa, ‘Hini showoon neennaa ne hillooch shiijjemmi ne yaroonoyich immemmo taane’ iꞌi gibenikkiye.

Yibbaatoo 1:8

Ittoshich ta immaabeeti showoo ebiyoche, Doono Yeeri ta, ittoshi qaabbechi Abrahamich, Yisaaqinaa Yaaqobinoyich, boonoshi shiijjereenaꞌoyichoo imma ta wogeti, ebi showoon hami woraashibote’ itone” iye.

Yibbaatoo 34:4

Aroochee Doono Yeeri Muusich ishichiye: “ ‘Ittoshi shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showoo ebine. Ne aafoona baach ne beeggemmoyich tuniito taane; tunebaani arooch giyaachemmo neene” iye.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?

Hibireena'o 11:9

Yeeri gibenikkaa bi hammiti showooch iibboo tuneꞌi duukkaanooch beehe; ebi Yeeri gibenikkiti gibenoon biinna tookkii qoodeyecho tuneti bi bushoo Yisaaqinaa bi bushoochi bushoo Yaaqobina tookkii shiqqoo tuneꞌi, Yeeri toommooch mullee tooꞌiyoona ebi are showooch kotehe.

Yaasi 1:6

“Kupphebe, maac kuxo tunebe. Boonoshi qaabbechinaꞌoyich imma ta wogeti showoon hini asheenaꞌo woraashemmoyich tuniyemmo neene.

Yaasi 24:3

Tawoo ittoshi qaabbechi Abrahamin Efiraaxisee bekk beeti showoochee deebaa, Kanaanee showoo bulli daggooch biin yaabiyoye; bi shiijjereenaꞌon meechiyoye; Yisaaqinoo biich immehoye.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Woraaferasheenaꞌo 2:1

Doono Yeerichi maraakoo Galigalee Bokiim hammiꞌi Israꞌeeleenaꞌoyich ishichiye: “Gibitsee ittoshin kichaꞌa, ittoshi qaabbechinaꞌoyich imma ta wogeti showooch ittoshin deeboye. Tawoo ‘Ittoshina tookkaa ta giyeti wogoon happaachemmo taane.