Halloo 24:61 - Kafa Linguistics Project

⁶¹ Ribiqinaa bi naayinaꞌona gaaleenaꞌon yebbeꞌi, uroon dabbii qaxiriyeete. Uroo Ribiqin yechii hammiye.

Halloo 24:61 ပူးပေါင်းရင်းမြစ်များ

Halloo 2:24

Ebich asho bi nihoonaa bi indeenon qayiichi, bi mecheena tookki ikkoo tunemmone; gutteenaꞌoo ikke meeno tunemminaꞌone.

Halloo 24:60

Deenniibee Ribiqin ishichii diiriyeete: “Haane no maneene, humaa xumeenaꞌochi indeen tunebe. Ne shiyemmi bushiishoochi shiijjereenaꞌo boonoshi etteenaꞌochi katemeenaꞌon koyi yeshiree hajjibeete” iyeete.

Halloo 24:62

Ebiyooba Yisaaqi, Lahayi Rooꞌi getteebeeti aachi oppo beetoochee waaꞌi, Negeebiye koteꞌi bi beeto.

Halloo 31:34

Raaheeliyoo ebi shahalleenaꞌon gaalee koree dechiich aachaachaa, aree toommooch kotahan. Labaani duukkaanoo bullin bosheꞌi amoonolla muccehe.

Asteeri 8:10

Mordokiyoosiyoo koorichoon taatoo Yekisesi shigoona kooriiꞌi, taatoo kisheexi axxaamittoona dukkehe. Taatee kexooch shiijjeti, gaawichii wocciibeeti haresheenaꞌon yookkiibeeti wocheyechinaꞌo kishoona ebi kooricheenaꞌon daachiihe.

Asteeri 8:14

Ebich taatee kexeexi haresheenaꞌon yebbeti wocheyechinaꞌo taatoo getaa, afaafinoona kechii hammiyeete; awaajjoo wotta inde katemoo Suusaa getteehe.

Shoddo 45:10

Ta busheene; ne waamon gaꞌiiree gaawichi ellebe; ne asheenaꞌonaa ne nihoo kexonon battebe.

Woraaferasheenaꞌo 5:30

‘Kecceyemmi mooyon daneꞌi qoodeen toone boonoshi beeto? Ikke maachee woyee guttee ikkikke ashich shaggemmine; kecoochee qalemoona muureeti tahoon Siseerich, kecoochee qalemoona muureechii bi toommooch shashiitaa shippeti tahoon, qalemoona muureechii bi toommooch shashiitaa shippeti gutte tahoon ta qettooch ta karemmoyich yechiꞌi toone bi waabeeto?’ iyan.

1 Saameeli 25:42

Afaafinoona tiyaa kuroon yebbahan. Bi naayinaꞌo tuneti uuche maache bushiisheenaꞌon dabbiyaꞌa Daawiti wocheti asheenaꞌona tookkaa hammahan. Daawitichoo mecheen tunehan.

1 Saameeli 30:17

Daawitiyoo showee haroochee tiijjiꞌi xumemmi wottoon boonoshin kochiye. Gaaleen yebbeꞌi muricciti awudde balle gurimaasheenaꞌoyee besh, boonoshi daggoochee muriccito aalloone.