Halloo 24:50 - Kafa Linguistics Project

⁵⁰ Arooba Labaaninaa Batuꞌeelina ishichiyeete: “Hini mooyo Doono Yeer waanee bi tunetoyich, okk hach no gettemmi amolla aalloone.

Halloo 24:50 ပူးပေါင်းရင်းမြစ်များ

Halloo 24:15

Uro batt ishin gettii ciichaan bi beetaa, Ribiqi qondoon bi gogooch shaaggaꞌa bekkech xepheriihan. Ribiqi Abrahami manoo Nakoori bi mechee Milik waanee bi shiyiti bi bushoo Batuꞌeeli busheene.

Halloo 24:28

Busheyoo kexooch woccaa shaggaꞌa, bi indeenaa arooch beetinaꞌonoyich ebi tuneti mooyo bullin gettahan.

Halloo 24:51

Ribiqi ebiyoche, yeshiree hambe. Doono Yeeri gettitoommon, ne doonochi bushoyich mechee tunebuye” iyeete.

Halloo 24:53

Aroochee birewoonaa aachoonoochee shuuneeti shasheenaꞌon, tahoonoo kichii Ribiqich immiye; wotta aaxxe gatiyechi qiiceenaꞌon bi manoonaa bi indeenoyich immiye.

Halloo 24:55

Busheechi manoonaa indeena tiyiꞌi, “Bushee ikke aashire qeyi bedoonona noonna tookki beebuye; aroyee gubb hambuye” iyeete.

Halloo 24:60

Deenniibee Ribiqin ishichii diiriyeete: “Haane no maneene, humaa xumeenaꞌochi indeen tunebe. Ne shiyemmi bushiishoochi shiijjereenaꞌo boonoshi etteenaꞌochi katemeenaꞌon koyi yeshiree hajjibeete” iyeete.

Halloo 31:24

Aroobee xum Yeeri Araamee asho Labaanina gumona daneꞌi ishichiye: “Ne qelloon ariibe! Yaaqobich deꞌoon tuneba gondoon, ikke mooyonona wochiyaahine” iye.

Halloo 31:29

Gonde mooyon ittoshi toommooch tuniyoon hakkesho ta ahaana, yiichi xum ne nihoo Nuggishoo gumona taanna daneꞌi, ‘Ne qelloon ariibe! Yaaqobich deꞌoon tuneba gondoon, ikke mooyonona wochiyaahine’ iye.

2 Saameeli 13:22

Abisoloomi Aminoonich gondoon tuneba deꞌoon, amoonolla qaareyaanoone. Ebiyoo bi maneen giidoona bi yechitoyich, Aminoonin bi shixxitoyichiye.

1 Taateenaꞌo 12:15

Doono Yeeri Shiloohee asho Akiyina, Nebaaxi bushoo Yeroboꞌamich bi gettiti qaaroon ceechoyich, Doono Yeer waanaa maacheto bi tunetoyich, taatoo asheenaꞌo mooyon waayeyaanoone.

1 Taateenaꞌo 12:24

Doono Yeeri ishichiye: ‘Ebi mooyo ta waanee bi tunetoyich, ittoshi xibeenaꞌo tuneti Israꞌeeleenaꞌon koyoyich hammaahote; asho bi ikkikkoona bi kexi kexooch wottebe’ itone gete” iye. Boonoshiyoo Doono Yeerichi qaaroon waayeheete; Doono Yeeri gettitoommon, boonoshi kexi kexooch wotteheete.

Shoddo 118:23

Hini Doono Yeeri shuunoone; ebiyoo no aafooch worganikkitone.

Maatiyoosi 21:42

Yesuusi boonoshich ishichiye: “ ‘Gimbenyeenaꞌo hoxee duppiti xaqqo, aroo kexon deggii neechiti giimbee guummon tunetone. Ebinoo Doono Yeeri tuniitone; hini mooyo no beeggich worganikkito tunetone’ ii beeton Yaafe Macaafoochee cir shemmeyaachote?

Mishiraachechinaꞌo 11:17

Illa Doono Yeeri no mulloon Yesuus Kiristoosi toommooch tooꞌiiti nooch bi immitoommon are wojjoon boonoshich wotta bi imigaata, Yeerin ‘Aakkiya boonoshich immenne?’ getoyich ta koni taane?” iye.