Halloo 24:27 - Kafa Linguistics Project

²⁷ ishichiinoo iye: “Gibeneeto tuneꞌi bi shoodoon ta doono waanee wokkiyaani, ta doono Abrahami Nuggishoo, Doono Yeeri, galleteebe; taanoo ta doonochi xibeenaꞌo kexooch yaabiye” iye.

Halloo 24:27 ပူးပေါင်းရင်းမြစ်များ

Halloo 13:8

Ebich Abraami Looxich ishichiye: “Neennaa taanna xiboo noone. No daggooch, ne qiddeenaꞌonaa ta qiddeenaꞌona daggoochoo kaaro beeyaaye.

Halloo 14:20

Ne etteenaꞌon ne kishooch beshii immiti, Beshe Nuggishoo Yeeri diireebe” iye. Abraamiyoo kecoochee bi daneto bulliichee aashiroochee ikke beeroon biich immiye.

Halloo 24:12

Aroochee uro ishichii corootiye: “Ta doono Abrahami Nuggishoo, Doono Yeero, hanaach ta gommon kaachibe. Ta doono Abrahamich ne shoodoon bekkiibe.

Halloo 24:21

Aacon bi kittaa beetaa, uro Doono Yeeri bi gommon kaachito bi tunoonaa tunee qayonon ariyoyich, minnakanna getaanoon, cikkii busheen manjii ciinnii beehe.

Halloo 24:42

“Tawoo waa aachi oppo beetooch hanaach shaggaꞌa, ishichaa Doono Yeer waan corootiyo: ‘Ta doono Abrahamichi Nuggishoo, Doono Yeero, hanaach ta gommon kaachibe.

Halloo 24:48

Aroochee yittaꞌa, Doono Yeerich goyinneho; ta doonochi xiboo busheen bi bushoyich ta daammemmoyich kaame gommon taach bekkiiꞌi, taan yaabiti Abrahamichi Nuggishoo, Doono Yeerin galletoye.

Halloo 32:10

ne gibeneyoona ne guuno taach ne tuniiti deꞌittino bullich beddeti asho toono taane. Yoordaanoosin ta kimiyooba, ta kishooch ta yecheti gumbeyee besh amolla taach aalloone; tunebaani and gutte kuxi ashoonaa gijjoonon yecheto taane.

Halloo 32:11

Ta manoo Esayichi kishoochee taan ne wodiyemmoyich neen qollehoye. Biyoo waaree, ‘Taan, ebi indeenaꞌonoo boonoshi bushiishoona tookki wuxi aalliyemmone’ iyaa shatteto taane.

Halloo 9:26

Daakkiinoo ishichiye: “Sheemichi Nuggishoo, Doono Yeeri diireebe! Kanaani Sheemich guuno tunebe!

2 Saameeli 18:28

Ahimaaziyoo taatoo waan cookiibee, “Mooyo bulli kaametone” iye. Aroochee baroona showooch guufeechii ishichiye: “Taatoo ta doono toommooch tiyiti asheenaꞌon beshiiꞌi immiti, ne Nuggishoo Doono Yeeri galleteebe” iye.

Shoddo 100:5

Ebiyoo Doono Yeeri deꞌo bi tunetoyichiye; biyoo bulli yemeenoon shoodechone; bulli shiijjerooch beddaahaa gibeneetone.

Shoddo 68:19

Qemi qemona no shaagoon shaaggiibeeti, Doono galleteebe; Nuggishoo noon wodiyechone.

Shoddo 98:3

Israꞌeeleenaꞌoyich bi gibenikkiti, bi shoodoonaa gibeneyoonon shalligitone; showee tuggooch beddaahaa beeti asho bulli, Yeerichi wudoon beeggitone.

Keyo 18:10

Ishichiinoo iye: “Gibitseenaꞌo kishoonaa Farooni kishoonoochee ittoshin wodiiti Doono Yeerich galleto bede.

Keyo 2:11

Muusi bi oogetoyee gubb, ikke areddoon bi asheenaꞌo tuneti Hibireenaꞌo beeti xaaꞌooch hammiꞌi, magge shuunoon giidoona yeshaa aajjii shuunee boonoshi beetaa ciinniye. Gibitsee asho bi asheenaꞌoochee ikke Hibiroon yechii yexxii bi beetaa beeggiye.

Keyo 2:13

Bi dechara wottee bi waahaa, gutte Hibireenaꞌo boonoshinaa boonoshina kaaree beetaa beeggiye. Biyoo “Amoyichiye ne hajjee xiboon ne yexxaabeeto?” iꞌi xuqqiti uroon echehe.

Keyo 34:6

Doono Yeeriyoo ishichii bi shigoon awaajjiibee, Muusi aafoona beshehe: “Ta, Doono Yeeri, Doono Yeeri taane; tawoo ariqqechonaa deꞌoona, kaataa kaareyaano, ta shoodoonaa ta gibeneyoona woddeti Nuggishoo taane.

Shaahiyoo 3:6

Ne gommo bullina biin ariibe; biyoo ne gommon neech kaachemmone.

Shaahiyoo 8:20

Ta shaꞌaabeeto cadiqee gommonane; ta boocho dayinnetee boochoone.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Luqaasi 1:68

“Israꞌeelee Nuggishoo Doono Yeeri galleteebe! Wonna yaafeeti keemechinaꞌochi noonoona bi gettitoommon, bi aagetoon wodiyoyich waaꞌi boonoshi qoodoon qocciichii biishetone; biich maddeebeeti Daawiti yaroochee giidechi wodiyechon nooch tiijjitone.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

Ruuti 4:14

Genneenaꞌo Naꞌoomich ishichiyeete: “Neen degi qeejjemmi bushoochi bushoon neech immiti Doono Yeeri galleteebe! Yeeri hini bushoon Israꞌeelee showooch aricheti ashoon tuniibe!

1 Saameeli 25:32

Daawitiyoo Abigelich ishichiye: “Hanaach taanna tookki ne danemmoyich neen deejjiti, Israꞌeelee Nuggishoo Doono Yeeri diireebe.

1 Saameeli 25:39

Daawiti Naabaali qitoon bi waayehooba, ishichiye: “Naabaali taan bi naaggiti naagoyich nichoon kichiti, wotta bi guuno ta, gonde mooyon ta tuniyaachemmoyich taan quyeti, Doono Yeeri galleteebe. Doono Yeeri Naabaali shuuneti gondoon bi toommooch wochitone” iye. Daawitiyoo Abigelin shaagga wocheyechinaꞌon bi waan daachiihe.