Halloo 24:15 - Kafa Linguistics Project

¹⁵ Uro batt ishin gettii ciichaan bi beetaa, Ribiqi qondoon bi gogooch shaaggaꞌa bekkech xepheriihan. Ribiqi Abrahami manoo Nakoori bi mechee Milik waanee bi shiyiti bi bushoo Batuꞌeeli busheene.

Halloo 24:15 ပူးပေါင်းရင်းမြစ်များ

Halloo 11:27

Taarichi shiijjereenaꞌo eboshine: Taari Abraamin, Nakoorinaa Haraaninon shiyihe. Haraaniyoo Looxin shiyihe.

Halloo 11:29

Abraaminaa Nakoorina mecheenaꞌon shaaggiyeete. Abraami mechee Saarayi getteehan. Nakoori mechee wotta Miliki getteehan. Miliki Haraani busheene. Haraaniyoo Milikinaa Isikinochi nihoone.

Halloo 21:14

Abrahamiyoo bi dechara maaddoona tiyiye; shohoonaa aaco ceenniti mollexxoonon Haggaarich immiye; bi gogoochoo shaakkiiꞌi bi bushoona tookkii kichii daachiihe. Biyoo kechaa hammahan; Beershaabi barahoochoo yallyallimiyan.

Halloo 24:14

Illa ‘Ne qondoon kindiiree ebi aacoochee taach ne imaa uyona’ ta getaa, ‘Uye; ne gaaleenaꞌoyichoo wotta kiti uchemmi taane’ immi bushee, aree ne guuno Yisaaqich ne kaacceti tunebuye. Ebina ta doonoyich ne shoodoon ne bekkiyoon ariyemmo taane” iye.

Halloo 24:24

Busheyoo wochaꞌa, “Nakoorichi bushoo Batuꞌeeli bushee taane; ta nihondeyoo Milikine.

Halloo 24:45

“Tawoo ebin ta mulloona corootaabee ciichaan ta beetaa, Ribiqi qondoon bi gogooch shaaggaꞌa, waa aachi oppooch kindaa kittahane. Tawoo ‘Aacon taach ne imaa uyona’ iyoye.

Halloo 25:20

Yisaaqiyoo bi shiijjeti aabbe natona, Ribiqin shaaggiye; Ribiqi Mesopotaamee showooch beeti Araamee asho Batuꞌeelichi busheenaa Araamee asho Labaanichi maneenane.

Halloo 29:5

“Nakoori bushoochi bushoo Labaanin ariihote?” iye. Boonoshiyoo “Eeha, ariihone” iyeete.

Halloo 29:9

Yaaqobi asheenaꞌona tookkii yibbaatooch bi beetaa, Raaheeli, qiddee bi tunetoyich, bi nihoochi bageenaꞌona tookkaa arooch shaggahan.

Shoddo 34:15

Doono Yeeri aafo cadiqeenaꞌo waan ciinnii beetone; bi waamo boonoshi cookoon ellehe.

Shoddo 65:2

Corootoon waayaa beetocho, meeno taheto bulli ne waan woyemmone.

Keyo 2:16

Ikke Miidiyamee qeeshoyich shabaatte maache bushiisheenaꞌo beeheete; eboshiyoo aachi oppo beetooch waaꞌi boonoshi nihoochi bageenaꞌonaa emmisheenaꞌonoyich aacon uchiya, aacon goonooch kittii ceechiyeete.

Shaahiyoo 31:27

Bi kechi asheenaꞌon gaawichaꞌa shiimahan; shuuna biishe tuneyaachan.

Isiyaasi 58:9

Aroochee ittoshi ceegaa, Doono Yeeri ta eekkemmo taane; cookemmo ittoshine; tawoo ‘Hini tawoche’ gettemmo taane. Ittoshiyoo xuꞌee waanjoon ittoshi wokkiigaata, ashoon kishoona koyonaa gonde yibbaatoonon ittoshi qayigaata,

Isiyaasi 65:24

Taan boonoshi ceegoyee shiichi wochemmo taane; batt yibbaate boonoshi beetaa waayemmo taane.

Ruuti 2:17

Ruuti womikka beddaahaa ebi budoochee buttahan. Bi butteti sheqoon buchaꞌa, keejje qunna bedoon danahan.

Ruuti 2:2

Ikke areddoon Moꞌabechee Ruuti Naꞌoomin “Eke maayo qecceebeeti xaaꞌooch hamiree, gaawe aafoona taan ciinnimmi ashi budoochee maayoon buttebone” iyan. Naꞌoomiyoo “Ta busheene, hambe” iyan.