Halloo 23:2 - Kafa Linguistics Project

² Kanaanee showooch beeti Qiriyaat Aribaa, ebiyoo Kebiroonaa qitiyan. Abrahami oogeton eeppii muushenehe.

Halloo 23:2 ပူးပေါင်းရင်းမြစ်များ

Halloo 13:18

Ebich Abraami bi duukkaanoon waaxxiꞌi tiyii qaxiriye. Hammiꞌinoo Kebirooni gaꞌooch beeti, Mamirichi gorooch shaggiꞌi, arooch kotehe. Aroochoo Doono Yeerich deejjee gudoon shuunehe.

Halloo 23:1

Saari balli hiyaa shabaatta nattaachaa,

Halloo 23:19

Aroyee gubb Abrahami Kanaanee showooch, Kebirooni getteeti Mamirichi goroochaa aabi-keyo waan, Makifeli budooch beeti xaqqee gofee maacooch, bi mechee Saarichi cahoon duukkiye.

Halloo 24:67

Arooba Yisaaqi Ribiqin yechii bi indee Saari duukkaanooch giijjiye; biichoo mecheen tunehan; biinoo oogichii shunniye. Yisaaqiyoo bi indee qitaa bi muusheneti muushenoochee goggehe.

Halloo 27:41

Bi nihoo Yaaqobin bi diiritoyich, Esayi Yaaqobin shixxiye. Esayi bi mulloona “Ta nihoo and qitiya bedditone. Eefoyee gubb ta manoo Yaaqobin wuxemmo taane” ii gabiye.

Halloo 35:27

Yaaqobiyoo and Kebirooni getteeti Qiriyaat Aribi gaꞌooch beeti Mamiri gorooch, bi nihoo Yisaaq waan wottee waahe. Ebi xaaꞌoo ebiyee aaf Abrahaminaa Yisaaqina beebee echeti xaaꞌoone.

Halloo 37:14

Yaaqobiyoo Yooseefin “Hamiree ne maneenaꞌonaa boonoshi quyeebeeti gijjeenaꞌonochi diggoon beegiree wobe” ii Kebirooni bamboochee wochee daachiihe. Yooseefiyoo Shekeem hammii shaggiye.

Halloo 50:1

Arooba Yooseefi bi nihoo cahee toommooch guufeꞌi eeppiye; shummiinoo iye.

Halloo 50:10

Yoordaanoosi aachee beqach, maayo bucheebeeti Axaad shaggiichii, boonoshi qaaroon oogichiꞌi caagee eeppiyeete. Yooseefiyoo bi nihoyich shabaatte qemon arooch goppii kotehe.

2 Saameeli 1:12

Saaꞌoolinaa bi bushoo Yonaataaninoyich, Doono Yeerichi asheenaꞌoyichoo, ebi geto Israꞌeeleenaꞌoyich, ayinii eeppiyeete; xumemmi wottoonoo coomiyeete. Ebiyoo boonoshi qitito ginoochaa bi tunetoyichiye.

2 Saameeli 1:17

Daawitiyoo Saaꞌoolinaa bi bushoo Yonaataaninoyich ebi shooshoon shooshehe.

2 Saameeli 2:11

Daawiti Kebiroon beechii Yihudee yoodeenaꞌo toommooch bi taateto, shabaatte nattaa qatone.

2 Saameeli 5:3

Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Taatoo Daawitiyoo Kebiroonaa Doono Yeeri aafoochaa boonoshina tookkii wogoon giyiye. Boonoshiyoo Daawiti shimbooch zayitoon huuttiꞌi, Israꞌeelee showooch biin taatiiheete.

2 Saameeli 5:5

Kebiroon beechii, Yihudee showooch shabaatte nattaa shiritte agenoon taatehe; wotta Yerusaalem beechii, Israꞌeelee showoo bullinaa Yihudee showoo bullinooch shaashaa keejje naton taatehe.

1 Kiinoo 6:57

Haroonichi shiijjereenaꞌoyich icheti katemeenaꞌo boonoshi guudoona beeti miinji gaddoona tookkii: Shoobi katemoo tuneti Kebirooni, Libini, Yatiiri, Eshiteemi, Hileeni, Debiiri, Ashaaninaa Beet Shemeeshinane.

2 Kiinoo 35:25

Erimiyaasiyoo Yosiyaasich shooshehe. Shoosheebeeti anaaminaꞌo bullinaa maacheenaꞌo bullina hanaach beddaahaa ebi shooshoon shoosheebee Yosiyaasin shalligii beetinaꞌone. Ebiyoo Israꞌeeleenaꞌoyich doyoo tuneꞌi, Shooshee macaafooch kooreetone.

Nehimi 11:25

Yihudi yoodee asheenaꞌoochee ikkikkeenaꞌo boonoshi katemoonaa goyoonooch, ebiyoo Qiriyaat Aribi katemoonaa bi guudoona beeti gafoonooch, Diibooni katemoonaa bi guudoona beeti gafoonooch, Yeqabiseeli katemoonaa bi guudoona beeti gafoonooch koteheete.

Erimiyaasi 22:10

Yihudee asheenaꞌote! Wotteyaachemmo bi tunetoyich, bi shiijjeti showoonoo beegaachemmo bi tunetoyich, Yosiyaasichi bushoo Shaluumich caammeree eefotalli Yosiyaasich eeppaahote; bi qitoyichoo ayiniyaahote.

Erimiyaasi 22:18

Ebich Doono Yeeri Yihudee taatoo Yosiyaasichi bushoo Yoyaqiimichon ishichii beetone: “ ‘Ye ta manoocho, ye ta maneene!’ getibee, biich shoosheyaachemminaꞌone; woyee ‘Ye ta doonocho, ye ta oogoocho!’ getibee biich shoosheyaachemminaꞌone;

Haddoo 13:22

Negeebi barahoona beshee hammiꞌi, Kebiroon shaggiyeete. Anaaqee yareenaꞌo tuneti Ahimaani, Sheshaayinaa Talimayina arooch beetinaꞌone. Kebirooni katemoo shuuneeto, Gibits beeti Tsoꞌaani katemoo shuuneyoyee shabaatte naton shiichiꞌiniye.

Haddoo 20:29

Asheenaꞌo bulli Harooni qitoon ariiꞌi, shaashe qemon biich goppii eeppiyeete.

Yowannisi 11:31

Biin goggiiya tookkii kexooch koteebeeti Ayihudeenaꞌo Maariyami afaafinoona tiyaa bi hamon beeggiꞌi, “Maashoochaa eeppaniye tiyaa bi hammeto” iꞌi kechii biin dabbiyeete.

Yowannisi 11:35

Yesuusi acimoon ukkiye.

Mishiraachechinaꞌo 8:2

Ikkikke Yeerich qeyiti asheenaꞌo Isxifanoosin duukkiyeete; ooge eefonoo eeppiyeete.

Yibbaatoo 34:8

Israꞌeeleenaꞌo Muusich shaashe qemon Moꞌabee gaddoochaa eeppiyeete. Muusich boonoshi eeppiti eefi aabo beshehe.

Yaasi 10:39

Katemoon, bi taatoonaa bi guudeexi, gishiishi katemeenaꞌonon kochii yechiyeete; are katemeenaꞌooch beeto bullin goraadoona wuxii ciroona aalliiheete; ikke ashoonolla echiyaaneenaꞌone. Yaasi, Kebirooni toommooch, Libininaa bi taatoonochi toommooch bi tuniitoommon, ebiyoommon hini are Debiirinaa bi taatoonochi toommooch tuniihe.

Yaasi 15:13

Yaasi, Doono Yeeri biich gettitoommon, Yihudi yoodee qoodoochee qoodiꞌi Qiriyaat Aribi getteeti Kebiroonin Yefuuni bushoo Kaaleebich immiye. Aribi Anaaqichi nihoone.

Yaasi 20:7

Ebich geppechi Nifitaalee showee daggooch, Galiilee showooch beeti Qedeeshin, geppechi Efreemee showooch beeti Shekeemin, geppechi Yihudee showooch beeti Kebirooni getteeti Qiriyaat Aribin bariiheete.

Yaasi 21:11

Geppechi Yihudee showooch beeti, Kebirooni getteeti Qiriyaat Aribinaa bi guudoona beeti miinji gaddoonane. Aribi Anaaqichi qaabbechi nihoone.

Woraaferasheenaꞌo 1:10

Boonoshiyoo Kebiroon koteti Kanaaneenaꞌon kocha hammiyeete. Aroochaa Sheshaayi, Ahimaaninaa Talimayinochi shiijjereenaꞌon kochii wochiyeete. Kebirooni arooba Qiriyaat Aribi getteehe.

1 Saameeli 20:31

Iseyi bushoo hini showee toommooch kashoona bi beegaata, newoo tuneb ne taatittino gappaachemmone. Qitecho bi tunetoyich, wocheree ta waan deebe” iye.

1 Saameeli 25:1

Saameeli qitiye. Israꞌeeleenaꞌo bulli kiceeꞌi biich eeppiyeete. Bi kexo beeti Raama biin duukkiyeete. Aroochee Daawiti tiyiꞌi desh Faraani barahooch hammiye.

1 Saameeli 28:3

Aroyee aaf Saameeli qititone. Israꞌeeleenaꞌo bulliyoo biich eeppiꞌi, bi hajjee katemoo tuneti Raama biin duukkitinaꞌone. Saaꞌooliyoo qititi ashoona tookkii yibbaatee beetinaꞌonaa allaameenaꞌonon Israꞌeelee showoochee boonoshi aallemmoyich tuniitone.