Halloo 22:2 - Kafa Linguistics Project

² Yeeriyoo “Ne shuni bushoon, ikke mixxe ne bushoo Yisaaqin, yeshiree, Mooriyee showooch hambe. Neech ta bekkiyemmi ikke guudi toommoochaa deejjoon tuniiree michi taach deejjibe” iye.

Halloo 22:2 ပူးပေါင်းရင်းမြစ်များ

Halloo 17:19

Yeeriyoo biich ishichiye: “Ebi tuneyaache. Iberoon ne mechee Saari anaami bushoon neech shiyemmine. Bi shigoonoo, Yisaaqi geti shigiyemmo neene. Ta wogoon biinnaa biyee gubbi bi shiijjereenaꞌoyich bulli yemeenee wogoon tuniiree manjiyemmo taane.

Halloo 21:12

Tunebaani Yeeri Abrahamich ishichiye: “Bushoyichoo tuneba, ne gonnech duꞌeyaahine. Ne shiijjereenaꞌo ceekkemmo Yisaaqina bi tunetoyich, Saari neech getteto bullin waayebe.

Halloo 21:3

Abrahamiyoo Saari biich shiyeti bushoon, Yisaaqi ii shigiihe;

Halloo 22:12

Maraakoo “Bushoochi achooch shaggaahine. Bi toommooch amoonolla halliyaahine. Ne bushoon, ikke mixxe ne bushoon, taach woonaano ne tunetoyich, Yeerin shattaabeeto ne tunoon and ariito taane” iye.

Halloo 22:16

ishichiye: “Doono Yeeri ta ishichaꞌa taanna wogaabeeto taane: Ebi mooyon ne tuniitoyich, ne bushoon, ikke mixxe ne bushoon, taach woonaano ne tunetoyich,

Halloo 22:3

Abrahamiyoo maaddoona tiyiye. Deejjoo miccemmi mixon baddee kiciye; ebinoo kuree toommooch xaaniye. Bi bushoo Yisaaqinaa gutte gaddireteenaꞌonon biinna tookkii yechiꞌi, Yeeri biich bi gettiti xaaꞌooch hammiye.

Halloo 22:9

Yeeri gettiti xaaꞌoochoo shaggiyeete. Abrahamiyoo arooch deejjee gudoon shuunehe; baddetaa waati mixonoo arooch qeenniye. Bi bushoo Yisaaqichi kishoonaa baatoonon cuchiꞌi, deejjee gudooch bi qeenniti michi toommooch qeejjiye.

Halloo 8:20

Noohi bi kechitoyee gubb, Doono Yeerich deejjee gudoon shuunehe; xalle gijjeenaꞌonaa xalle kafeenaꞌo bullinoochee daammiye; guurii, ebi are deejjee gudoochaa michiꞌi, Doono Yeerich deejjiye.

2 Taateenaꞌo 3:27

Ebiyooba bi xaaꞌooch kereeree taatemmi bi gutenee bushoon daammii, katemee uxeree toommoochaa micciibeeti deejjoo tuniiꞌi deejjiye. Israꞌeeleenaꞌo toommoochoo ooge kaaro waahe. Aroochee qajjii wotteꞌi, boonoshi hajjee showooch hammiyeete.

2 Kiinoo 3:1

Yerusaalem, Doono Yeeri bi nihoo Daawitina daneti Mooriyi guudooch, Yebusee asho Orinaanichi maayi buchi xaaꞌooch, Daawiti qanniiti xaaꞌooch Doono Yeerichi yaafee kexon Solomooni wonniye.

Mikiyaasi 6:7

Doono Yeeri hume bagee baaddoon woyee aashire hume woce aacoommi zayitoon ta giddiitaa ebina emirehe? Ta xuꞌoonaa ta axaaxoonoyich deejjoyich ta gutenee bushoon giddiibote?

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Roomi 5:8

Tunebaani Yeeri am shaahoon noon bi shunnito gaata xalla bekkiitone: Batt axaaxecho tunaꞌa no beetaa, Kiristoosi noocha iꞌi qititone.

Roomi 8:32

Yeeri bi hajjee Bushoyich ariqqeyaanoon no bullicha iꞌi beshii immiye; ebich wotta biinna tookki bulli mooyon nooch wojjemmone.

Hibireena'o 11:17

Yeeri “Abrahami eke taach bi qemon beegona” iꞌi, “Ikke ne bushoon taach deejjoon tuniiree deejjibe” bi iyooba, Abrahami Yeeri toommooch mulloon tooꞌiyoona “Yisaaqichi shiijjeroona ceekkemmo neene” iꞌi Yeeri gibenikkiti ebi are ikke bi bushoon Yeerich giddiihe.

Woraaferasheenaꞌo 11:31

boonoshin kochaa wochaꞌa ta kexooch ta wottehooba, taanna daneya ta kexoochee maach kechimmoo koniyoona Doono Yeeri neech tunemmone; tawoo micciibeeti deejjoon tuniiree ebi aroon giddiyemmo taane” iye.

Woraaferasheenaꞌo 11:39

Gutte agenoyee gubb, bi nihoo waan wottaꞌa waahan. Biyoo bi mookketoommon tuniihe. Busheyoo anaamona tookkaa qeyaa ariyaaneene. Aroyee gubb, ebi mooyo Israꞌeelee showooch doyoo tuneꞌi,