Halloo 22:17 - Kafa Linguistics Project

¹⁷ iberoon neen diiremmo taane; ne shiijjereenaꞌonoo shimaajji xojjenoochoommon, baharee gasheexi qacoochoommonoo meechemmo taane. Ne shiijjereenaꞌo boonoshi etteenaꞌochi katemeenaꞌon koyi yeshiree hajjemminaꞌone.

Halloo 22:17 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 13:16

Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.

Halloo 15:5

Maach biin kichiꞌi, “Eke kaama shimaajj ciine; xojjeneenaꞌon haddaa ciichoon ne hakkigaata haddibe. Ebiyoommon ne shiijjereenaꞌo haddaa ciyaaneenaꞌo tunemminaꞌone” iye.

Halloo 17:6

Ne shiijjereenaꞌon oogichi meechiree, aageteenaꞌo tuniyemmo taane; boonoshi daggoocheenoo taateenaꞌo tunemminaꞌo beetinaꞌone.

Halloo 24:60

Deenniibee Ribiqin ishichii diiriyeete: “Haane no maneene, humaa xumeenaꞌochi indeen tunebe. Ne shiyemmi bushiishoochi shiijjereenaꞌo boonoshi etteenaꞌochi katemeenaꞌon koyi yeshiree hajjibeete” iyeete.

Halloo 25:11

Abrahami qititoyee gubb, Yeeri Abrahami bushoo Yisaaqin diiriye. Arooba Yisaaqi Lahayi Rooꞌi aachi oppee gaꞌoochiye bi beeto.

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 26:4

Ne shiijjereenaꞌon shimaajji xojjenoochoommon meechemmo taane; hini showoo bullin ne shiijjereenaꞌoyich immemmo taane; showee toommeexi aageteenaꞌo bulli ne shiijjereenaꞌochi gommona diireyemminaꞌone.

Halloo 28:3

Beshe Hakkechi Nuggishoo neen diiribe; shiyi shiijjereree meeti aagetoon ne tunemmoyich tuniibe; ne shiijjereenaꞌonoo meechibe.

Halloo 28:4

Yeeri Abrahamich bi immiti, newoo and iibboo tunaꞌa ne beeti hini showoon iristo tuniiree neech bi immemmoyich, Abrahamich bi immiti diiroon neennaa ne shiijjereenaꞌonoyich imbe” iye.

Halloo 32:12

Tunebaani ne taan ‘Neech gaawe mooyon tuniyemmo taane; ne shiijjereenaꞌon haddaa ciyaani baharee gasheexi qacoochoommon meechemmo taane’ ito neene” iye.

Halloo 32:13

Aroobee xum Yaaqobi arooch qeyiye. Maaddoona tiyii bi manoo Esayich bi immemmi mattaayoon, biich beeti gijjeenaꞌo daggoochee bariiꞌi kichiye.

2 Saameeli 17:11

“Ebich ta boyemmo ebiniye: Daanee Beershaab beddaahaa beeti, baharee gasheexi qacoommon woddeti Israꞌeeleenaꞌo bulli ne waan kiceebeete. Ne qelloona newoo, boonoshina tookki koyooch hambe.

1 Taateenaꞌo 4:20

Yihudee asheenaꞌonaa Israꞌeeleenaꞌona baharee gasheexi qacoochoommon meettiyeete; maa uchiibee emiroona beeheete.

1 Taateenaꞌo 9:26

Taatoo Solomooni Edoomee showooch Ceelle baharee gashooch, Elaati gaꞌooch beeti Etsiyoon Geberi katemoochaa markabeenaꞌon shuunehe.

1 Kiinoo 27:23

Doono Yeeri Israꞌeeleenaꞌon shimaajji xojjenoochoommon woddiyemmo bi tunoon bi gibenikkitoyich, Daawiti hiye natonaa hiye natoyee deshoonon haddaanoone.

2 Kiinoo 1:9

Nuggishoo Doono Yeero, ta nihoo Daawitich ne gibenikkiti gibenoon ceechibe. Showee toommeexi qacoochoommon woddeti asheenaꞌo toommooch taan taatiito neene.

Nehimi 9:23

Boonoshi shiijjeroon shimaajji xojjenoochoommon meechihine. Giyiree boonoshi woraashemmoyich boonoshi qaabbechinaꞌoyich ne getteti showooch boonoshin giijjihine.

Keyo 32:13

Ne guuninaꞌo Abrahamin, Yisaaqinaa Israꞌeelinon shalligibe. Boonoshich, ‘Ittoshi shiijjereenaꞌon shimaayeexi xojjenoochoommon meechemmo taane; imma ta gibenikkiti hini showoo bullin ittoshi shiijjereenaꞌoyich immemmo taane; bulli yemeenoon boonoshi hajjoo tunemmone’ iyaꞌa neenna ne wogeti wogoon shalligibe” iye.

Isiyaasi 48:19

Ne shiijjeroo haddaa ciireyaani, baharee gasheexi qacoommon tuneshone; boonoshi shigo ciroona ta aafoochee, kuxeree aalleyaacheshone” iye.

Erimiyaasi 32:22

boonoshich imoyich boonoshi qaabbechinaꞌoyich wogoon ne giyeti, ejjoonaa eeyonon xuupphiibeeti hini showoon boonoshich immehine;

Erimiyaasi 33:22

Ta guuno Daawitichi yaroonaa taach maddeebeeti Leweenaꞌo tuneti qeesheenaꞌonon haddaa hakkeyaani xojjenoomminaꞌonaa qeellee hakkeyaani baharee gasheexi qacoomminaꞌonon tuniyemmo taane” iye.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Hosee'i 2:1

“Ebich, anaami ittoshi maneenaꞌon ‘Ami’ maache ittoshi maneenaꞌon ‘Ruhaami’ getote!

Mikiyaasi 1:9

Shamaari wodaachemmi mayon mayetone; Yihudee showoo ebiyoommon mayeree xuuxemmone. Ta asheenaꞌo beeyi xaaꞌoo tuneti, Yerusaalem beddaahaa bedditone.

Roomi 4:13

Abrahaminaa bi yareenaꞌonoyich “Alemoon woraashemmo ittoshine” iꞌi Yeeri gibenikkitone. Ebi gibenoon Yeeri gibenikkito, Abrahami Yeeri toommooch mulloon bi tooꞌiyoona bi cadiqitoyichalli, Muusichi Sheeroon ceechii bi quyetoyich toonoone.

Roomi 9:27

Keemechi Isiyaasi bi macaafoochaa “Israꞌeeleenaꞌo baharee gasheexi qacoommon boonoshi woddeteenona, giishecheenaꞌo baach wodemminaꞌone.

1 Qorontoosi 15:57

Tunebaani no Doono Yesuus Kiristoosina wudoon danee giidoon nooch immiibeeti Yeerich galleto bede.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Yibbaatoo 1:10

Ittoshi Nuggishoo Doono Yeeri ittoshi shiijjeroon meechitone. And shimaayeexi xojjeno meetoommon meettito ittoshine.

Yibbaatoo 1:11

No qaabbechinaꞌochi Nuggishoo Doono Yeeri andoo ittoshin hume wottoon daakki meechibe; ittoshich bi gibenikkitoommon, ittoshin diiribe.

Yibbaatoo 10:22

Ne qaabbechinaꞌo Gibits boonoshi hammito, shabe asheenaꞌo baach tuneꞌiniye. Tunebaani and ne Nuggishoo Doono Yeeri shimaayeexi xojjenoochoommon, neen meechitone” iye.

Yibbaatoo 13:18

Doono Yeeri ebin bi tuniyemmo, hanaach ittoshich ta gettaabeeti, ittoshi Nuggishoo Doono Yeerichi qaaroon waayeꞌi bi geto bullin ceechii ittoshi quyegaata, bi aafoochoo tato tuneti mooyon ittoshi tunii gaatane” iye.

Yibbaatoo 21:19

bushoochi nihoonaa indeena bi beeti katemooch beeti geeneenaꞌo waan, katemee kellooch beeti addibaabooch biin daambeete.

Hibireena'o 11:12

Ebich wotta qititoommi asho shaahiti ikke uro Abraham waanee boonoshi haddoo shimaajji xojjenoommo, haddee ciyaani baharee gasheexi qacoommo tuneti asheenaꞌo shiijjeheete.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.