Halloo 21:22 - Kafa Linguistics Project

²² Ikke areddoon Abimeleeki bi ginee iraashoo Fikoolina tookkii Abraham waan hammiꞌi ishichiye: “Ne tuniyaabeeti mooyo bullina Yeeri neenna tookkii beetone.

Halloo 21:22 ပူးပေါင်းရင်းမြစ်များ

Halloo 20:14

Aroochee Abimeleeki bagoon, miimon, gonneenaa guunonon Abrahamich immiye; bi mechee Saarinoo wochiye.

Halloo 20:17

Doono Yeeri Abrahami mechee Saarichi naboona Abimeleeki kexooch beeti maacheenaꞌo bushoon boonoshi shiyaachemmoyich, boonoshi maacoon dookkitone. Ebich Abrahami Yeer waan corootiye. Yeeriyoo Abimeleekin wodiihe; wotta wochinnoon bushoon boonoshi shiyemmoyich, bi mecheenaa bi gonneenaꞌonochi maacoon qechiye.

Halloo 20:2

bi mechee Saarin “Ta maneene” ii beehe. Ebich Geraaree taatoo Abimeleeki wochiiꞌi, Saarin shaagga daammiye.

Halloo 26:26

Abimeleeki, bi mikkirechi Ahuzaatinaa bi ginee iraashoo Fikoolina tookkii Geraaree showoochee Yisaaq waan waahe.

Halloo 26:28

Boonoshiyoo ishichiyeete: “Iberoon Doono Yeeri neenna tookkii beemon beeggeto noone; ebich ‘Neennaa noonna daggooch wogo gibe. Ne toommooch gondoon shuuneyaanoon, gaawe mooyon baach tuniyaabee diggoona no showoochee ne kechemmoyich no tuniitoommon, ebiyoommon wotta gondoon no toommooch ne shuuneyaachemmoyich neenna tookki wogoon gibone’ iyaꞌaniye. And Doono Yeerina diireeto neene” iyeete.

Halloo 28:15

Waayebe; ta neenna tookkaa beeto taane; ne hammaabeeti xaaꞌoo bulliich neen quyemmo taane; hini showooch neen wochiree deebemmo taane; ta getteto bullin neech ta tuniimmi wottoon, ciroona neen qayaachemmo taane” iye.

Halloo 30:27

Labaaniyoo “Eke ikke mooyon neech getona. Doono Yeeri ne naboona taan bi diiroon ta nuggisheenaꞌo taach bekkiitinaꞌone.

Halloo 31:5

Boonoshichoo ishichiye: “Ittoshi nihoo taan aafichoommon gaawe aafoona ciinni bi qayon ariito taane. Tunetaa ta nihoo Nuggishoo tayee baraanoone.

2 Saameeli 24:7

Aroochee deshi-waan beeti, xaqqee uxerechi Xiroosi katemooch, Hiwee showoonaa Kanaanee showoonooch beeti katemeenaꞌo bulliich hammiyeete. Ciiroochaa Yihudee showoochaa deshi-waan beeti Beershaab shaggiyeete.

2 Kiinoo 1:1

Daawiti bushoo Solomooni, bi Nuggishoo Doono Yeeri biinna tookkii tuneꞌi oogeton aricheton biin bi tuniitoyich, bi taatittinoon manjiihe.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 8:10

Yeeri noonna tookkii bi tunetoyich, koceebotalli ittoshich kaameyaachemmone; yibbaatebotalli ittoshi yibbaatoo manjaachemmone.

Zakaariyaasi 8:23

Beshe Mawe Doono Yeeri ishichiye: “Ebiyooba baribare noonoona yibbaateebeeti aageteenaꞌoochee, aashire asheenaꞌo ikke Ayihudo waan waa, bi qoreddee caappoon yeshiichi, ‘Yeeri ittoshina tookkii beeto bi tunoon no waayetoyich ittoshina tookki hambone’ gettemminaꞌone” iye.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

1 Qorontoosi 14:25

Ebina bi mullooch aacheeti mooyo xalla bekkemmone; biyoo “Iberoon Yeeri ittoshi daggooch beetone” getibee yitiree Yeerich goyinnemmone.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

Yaasi 3:7

Doono Yeeriyoo Yaasich ishichiye: “Muusina tookkii ta tunetoommon, ebiyoommon neenna tookkii ta tunoon boonoshi ariyemmoyich, hanaachiyee tiijjiree, Israꞌeeleenaꞌo bulli aafooch neen oogiyemmo taane.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.

1 Saameeli 24:22

Daawitiyoo ebin Saaꞌoolich wogehe. Aroochee Saaꞌooli bi kexooch wottehe. Daawitinaa bi asheenaꞌona aafi boonoshi aashee xaaꞌooch wotteheete.

1 Saameeli 3:19

Saameeliyoo diccii oogehe. Doono Yeeri biinna tookkii tuneꞌi, bi yibbaateti mooyo bulli ceennemmoyich tunii beehe.