Halloo 21:21 - Kafa Linguistics Project

²¹ Bi beemi xaaꞌoon Faraani barahooch tuniihe. Bi indeyoo Gibitsee showoochee mecheen deebaa biich shaakkiihan.

Halloo 21:21 ပူးပေါင်းရင်းမြစ်များ

Halloo 14:6

Wotta Seyiri guudinaꞌooch beeti Hooreenaꞌon barahee gashooch beeti El Faraan beddaahaa yookkiꞌi, kochii wochiyeete.

Halloo 16:3

Abraamiyoo bi mechee Saarayi getteton waayehe. Abraami aashire naton Kanaanee showooch bi kotetoyee gubb, bi mechee Saarayi bi gonnee, Gibitsee ashe Haggaarin mechee bi tunemmoyich, bi keno Abraamich immahan.

Halloo 25:18

Ishmaꞌeelichi shiijjereenaꞌo boonoshi beeyi xaaꞌoon, Hawilinaa Shuurina gutte daggooch tuniiheete. Ebi xaaꞌoo beeto, Gibitsaa aabi-keyo waan, Asooree showooch daammiibeeti gommoochiye. Bare Abrahami shiijjereenaꞌo waanee wokkii shixeyoona beeheete.

Halloo 27:46

Aroochee Ribiqi Yisaaqich “Esayi shaaggiti Hitee maacheenaꞌochi naboona beemo taach caammitone. Yaaqobiyoo wotta hini showeexi Hitee maache bushiishoo daggoochee mecheen shaaggemmo bi tunegaata, qitoo taach gaawiye” iyan.

1 Taateenaꞌo 11:18

Boonoshiyoo Miidiyamee showoochee tiyii, Faraanee barahooch hammiyeete. Faraanee barahoochee giisheche asheenaꞌon yechii, Gibitsee showooch, Gibitsee taatoo Faroon waan waaheete. Biyoo Hadaadich kexonaa maayoonon daaggiye; showoonoo biich immiye.

2 Kiinoo 24:3

Yoyaadiyoo gutte mecheen bi shaaggemmoyich tuniihe; biyoo maache bushiishoonaa anaami bushiishoonon shiyihe.

Erimiyaasi 29:6

mecheen shaagote; anaami bushiisheenaꞌonaa maache bushiisheenaꞌonon shibote; ittoshi anaami bushiisheenaꞌonaa maache bushiisheenaꞌonon shaakkiibote; boonoshiyoo anaami bushiisheenaꞌonaa maache bushiisheenaꞌonon shibeete; aroochaa meetote; haddoona giisheyaahote.

Imbaaqoomi 3:3

Yeeri wochinnoon Temaanee showoochee, Yaafe Yeeri, Faraani geppoochee waa beetone. Bi oogee yiiroo shimaayoon kaappitone; biin naadoo showoo bulliich ceennitone.

Haddoo 10:12

Israꞌeeleenaꞌo Siini barahoochee tiyii boonoshi gommon qaxiriyeete. Qubo Faraani barahooch kindii kotehe.

Haddoo 12:16

Ebiyee gubb asheenaꞌo Hatserootee tiyii qaxiriyeete; Faraani barahooch kaamboon geddii koteheete.

Haddoo 13:26

Qiiddechinaꞌo Muusi, Harooninaa Israꞌeeleenaꞌochi iitoo bullina beeti Faraani barahooch, Qadeesh waaheete. Woroonoo boonoshinaa iitoo bullinoyich gettiyeete. Are showeexi manjeebeeti michi aafoon boonoshich bekkiiheete.

Haddoo 13:3

Ebich Muusi Doono Yeeri gettitoommon, Faraani barahoochee asheenaꞌon daachiihe. Boonoshi bulliyona Israꞌeeleenaꞌochi ukkireenaꞌone.

1 Qorontoosi 7:38

Ebich shaagga bi maakkiiti gidiideen shaaggito gaawichite; qajjitoo beshoon gaawichite.

Woraaferasheenaꞌo 14:2

Aroochee bi kexooch wotteꞌi bi nihoonaa bi indeenoyich “Timinaahi katemooch beeti Filsixeemee busheen beeggeto taane. Areen taach and shaakkiibote” iye.

1 Saameeli 25:1

Saameeli qitiye. Israꞌeeleenaꞌo bulli kiceeꞌi biich eeppiyeete. Bi kexo beeti Raama biin duukkiyeete. Aroochee Daawiti tiyiꞌi desh Faraani barahooch hammiye.