Halloo 21:17 - Kafa Linguistics Project

¹⁷ Yeeri bushoochi eefon waayehe. Yeerichi maraakoo shimaayoochaa Haggaarin ceeggiꞌi ishichiye: “Haggaare, akkitine? Yeeriyoo ne bushoo eeppiti eefon waayetone. Ebich shattaahine.

Halloo 21:17 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

Halloo 16:11

Aroochee Doono Yeerichi maraakoo daakkiꞌi, “Ebiyoche, and xifeti neene; anaami bushoonoo shiyemmi neene; Doono Yeeri iriteyaꞌa ne cookoon bi waayetoyich, bushoochi shigoon, Ishmaꞌeeli geti shigiyemmi neene.

Halloo 16:7

Doono Yeerichi maraakoo barahooch beeti, ikke aachi xuuphee gaꞌoochaa Haggaarina danehe. Ebi aachi xuupho beeto, Shuuri barahooch daammiibeeti gommoochiye.

Halloo 16:8

Biyoo “Haane, Saarayichi gonnee Haggaare, amoochee waanne? Amoochiye ne hammaabeeto?” iye. Haggaariyoo “Ta gennee Saaray waanee aallaꞌaniye ta hammaabeeto” iyan.

Halloo 16:9

Doono Yeerichi maraakoo, “Ne gennee waan wotteree hambe. Bulli mooyona biich deꞌa geti hajjeebe” iye.

Halloo 22:11

Tunebaani Doono Yeerichi maraakoo shimaayoochaa “Abrahamo, Abrahamo!” ii ceeggiye. Abrahamiyoo eekkehe.

Halloo 24:7

Ta nihoo kexoochee, ta shiijjee showoochee taan kichiti, ‘Hini showoon ne shiijjereenaꞌoyich immemmo taane’ ii wogee gibenikkiti shimaajji Nuggishoo Doono Yeeri, bi maraakoon ne aaf daachiyemmone; ta bushoyichoo mecheen aroochee deebemmo neene.

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 46:3

Yeeriyoo biich ishichiye: “Ta ne nihoo Nuggishoo taane. Desh Gibits kindoyich shattaahine. Aroochaa meeti ashechi aagetoon neen tuniyemmo taane.

2 Taateenaꞌo 13:23

Tunebaani Doono Yeeri gaawe aafoona boonoshin ciinniye; boonoshichoo ariqqehe; Abrahamina, Yisaaqinaa Yaaqobina tookkii bi giyiti wogoyicha iꞌi boonoshich deehe; boonoshin aalliyoon qaawaanoone; and beddaahaa bi aafoochee boonoshin yoohaanoone.

2 Taateenaꞌo 13:4

Ebich Yoꞌakaazi Doono Yeerin qollehe. Doono Yeeriyoo Sooriyee taatoo Israꞌeeleenaꞌon neexxii hajjoon bi beeggitoyich, bi qolloon waayehe.

Shoddo 10:14

Tunebaani ne, ne kishoona gatiyoon qocoyich, ashi xuuxoonaa ayinoonon beeggaabeeto neene; girecho bi qelloon neech aderehe; newoo nihaalloyich gaachoo neene.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 6:8

Doono Yeeri ta eeppi qaaroon bi waayetoyich, gonde shuunechinaꞌote, ta waanee wohote.

Shoddo 65:2

Corootoon waayaa beetocho, meeno taheto bulli ne waan woyemmone.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Keyo 14:13

Muusiyoo asheenaꞌoyich ishichiꞌi wochiye: “Shattaahote; kuppheree neexebote. Doono Yeeri aabichiree ittoshin bi wodiyemmo gaata beeggemmo ittoshine. Hanaach ittoshi beeggiibeeti Gibitseenaꞌon guttinnoon beegaachemmo ittoshine.

Keyo 22:23

Xuꞌoon boonoshi toommooch ittoshi shuunetaa ta waan boonoshi cookigaata, iberoon boonoshi cookoon waayemmo taane.

Keyo 22:27

Tahe bi qeyemmi bare qoreddoo biich aallo bi tunetoyich, amoon tahe qeyehe? Ta ariqqecho taane; ebich ta waan bi cookaa, waayemmo taane.

Keyo 3:2

Aroochaa Doono Yeerichi maraakoo kuchoo cobbcobbimii aaxxeebeeti qaaqqee daggoochaa biich bekkehe. Muusiyoo kuchoon qaaqqoo yechito bi tunetaanoona, micaano bi tunoon beeggiye.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Isiyaasi 22:1

Yaaꞌee Bambeechon Doono Yeer waanee getteeti wocho ebine: Kechi toommooch ittoshi bulli, ittoshi kechito amoyichiye?

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Maatiyoosi 15:32

Ebiyee gubb Yesuusi bi dabbeenaꞌon bi waan ceeggiꞌi, “Hini asheenaꞌo taanna tookkii boonoshi koteto, hanaach keejje qemone. Boonoshi maayemmo aalletoyich, taan oogichii ayinikkitone. Gommoochaa maraateree boonoshi dihaachemmoyich, abete kashoona boonoshin daachiyoon shunaache” iye.

Maariqoosi 5:36

Tunebaani Yesuusi ishin waayeꞌi Ayihudeenaꞌo kiceebeeti kechi ukkiroon “Shattaahine, Yeerich baach kuxe” iye.

Yibbaatoo 26:7

Aroochee no qaabbechinaꞌochi Nuggishoo Doono Yeer waan cookiyone. Doono Yeeriyoo no qolloon waayehe; biyoo no xuuxoon, no aayonaa no xukkeyoonon beeggiye.

Woraaferasheenaꞌo 18:23

boonoshi waan cookiyeete. Daanee asheenaꞌo gubb guuddiꞌi, Mikin “Ebi shaahe asheenaꞌon yechaꞌa ne waato, akkiꞌaane?” iyeete.

1 Saameeli 11:5

Areegaata Saaꞌooli bi gatteenaꞌon gasheꞌi goyoochee waa beetone. Biyoo “Asheenaꞌo eefeebeeto, amoyichiye?” iye. Boonoshiyoo Yabeeshi asheenaꞌo gettiti mooyon biich gettiyeete.