Halloo 21:16 - Kafa Linguistics Project

¹⁶ “Bushoo qitoon ciinaache” iyaa balle shaadd bedoon wokkaa kotahan; aroochaa tiittaa eeppaa beehan.

Halloo 21:16 ပူးပေါင်းရင်းမြစ်များ

Halloo 21:15

Mollexxeexi aaco ciirehooba, bushoon ikke tushee yiirooch kotiihan.

Halloo 27:38

Esayiyoo bi nihoon “Taabbo, neech beeti diiree ikke baachiye? Taabbo, taanoo wotta diiribe” iye. Biyoo tiittee eeppiye.

Halloo 29:11

Aroochee Raaheelin shummiye; oogichiinoo eeppiye.

Halloo 44:34

Bushoon daamaanoon ta nihoo waan aabichiree wottehote? Ta nihoo toommooch tunemmi ooge ayinoon beego taan shattiitone” iye.

1 Taateenaꞌo 17:12

Ureyoo “Beeyechi ne Nuggishoo Doono Yeeri beege! Qondooch beeti, koppee ikke buddineenaa qullooch beeti zayitee cingeenoyee besh, kosho taach aalloone. And hiniich ta waato, giisheche kakkoon maci daamiree ebi areen taannaa ta bushoonoyich kachiyane; ebi areen no maatoyee gubb qitishiye no gettemmo” iyan.

1 Taateenaꞌo 3:26

Wode bushoochi indee bi bushoyich bi maacee meeno qewetoyich, taatoyich “Ta doonocho, wodoon biich imballi, wuxiyaahine” iyan. Tunebaani ohi “Qoodeebani, neechoo taachoo tuneyaache” iyan.

Asteeri 8:6

Ebi naxo ta asheenaꞌo toommooch shagaa ciinibee, aabichiree haaꞌiyehote? Ta xibeenaꞌo hidaa aallee beetaa, aabichiree haaꞌiyehote?” iyan.

Isiyaasi 49:15

“Indee bi xaachaa beeti bushoon battoon hakkehane? Bi shiyeti bushoyich maaxeyaachehane? Diqqich battoon hakkiyane; tunebaani ta, ittoshin batteyaache.

Erimiyaasi 6:26

Ta asheenaꞌote, dookoon tahebote; tulloochoo gederebote; aalliyecho diqqoona ittoshi toommooch woyemmo bi tunetoyich, ikke mixxe bushoyich eeppeyoommon caame eefon eefote.

Amootsi 8:10

Ittoshi emiree baaroon eefooch, ittoshi duubonoo shooshooch wochemmo taane. Qelloon cakkeree dookoon ittoshi tahemmoyich tuniyemmo taane. Ikke mixxe boonoshi bushoyich nihoonaa indeena eefoommon eeppeebeeti aabo tunemmone. Ebi arooba mooyo bulli ciirooch beddaahaa, caammito tunemmone” itone.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Luqaasi 15:20

“Bekkech tiyiꞌi bi nihoo waan hammiye; batt wohooch bi beetaa, bi nihoo ciinniꞌi oogichii ariqqehe; woccii hammii bi qettoona tiqqeꞌi shummiye.

Woraaferasheenaꞌo 2:4

Doono Yeerichi maraakoo ebi mooyon Israꞌeeleenaꞌo bullich bi gettimmona, boonoshiyoo boonoshi qaaroon oogichii cookiꞌi eeppiyeete.

Ruuti 1:9

Doono Yeeri ittoshi shaaggimmi keno kexoochaa ittoshin kashiibe” iyan. Ebina boonoshin diggii shummahan. Boonoshiyoo oogichii eefeheete.

1 Saameeli 24:16

Daawiti ishin biich yibbaatee bi ciichimmona, Saaꞌooli biich “Ta bushoo Daawito, ebi ne qaaroone?” iye. Bi qaaroonoo oogichiꞌi eeppiye.

1 Saameeli 30:4

Ebich Daawitinaa biinna tookkii beeti asheenaꞌona boonoshi qaaroon oogichiꞌi, kashoon boonoshi guuteemmi wottoon eeppiyeete.