Halloo 21:1 - Kafa Linguistics Project

¹ Doono Yeeri Abrahamich bi gettitoommon, Saarin diiriye. Doono Yeeri bi gibenikkitoommon, Saarich tuniihe.

Halloo 21:1 ပူးပေါင်းရင်းမြစ်များ

Halloo 17:16

Ta biin diiremmo taane; anaami bushoon neech shiyemmine; biin diiremmo taane; aageteenaꞌoyichoo indee tunemmine; aageteenaꞌoyich taatoon tunemminaꞌo bi waanee kechemminaꞌone” iye.

Halloo 17:19

Yeeriyoo biich ishichiye: “Ebi tuneyaache. Iberoon ne mechee Saari anaami bushoon neech shiyemmine. Bi shigoonoo, Yisaaqi geti shigiyemmo neene. Ta wogoon biinnaa biyee gubbi bi shiijjereenaꞌoyich bulli yemeenee wogoon tuniiree manjiyemmo taane.

Halloo 17:21

Tunebaani waabeeti natooch ebi goora Saari neech shiyemmi bushoo Yisaaqichiye ta wogoon ta manjiyemmo” iye.

Halloo 18:10

Ebi iibbeenaꞌoochee ikkoo Abrahamich, “Waabeeti natooch ebi goora iberoon ne waan wotteree woyemmo taane; ne mechee Saariyoo anaami bushoon shiyemmine” iye. Saariyoo biyee gubb beeti duukkaanee kellooch beechaa, ishi yibbaatoon ellaa beehan.

Halloo 18:14

Iberoon Doono Yeerin mawemmi mooyo beete? Waabeeti natooch ebi goora ne waan wotteree woyemmo taane; Saari anaami bushoon shiyemmine” iye.

Halloo 24:36

Ta doonochi mechee, Saariyoo geenoochaa anaami bushoon ta doonoyich shiyetine. Ta doono biich beeto bullin ebi bi bushoyich immitone.

Halloo 50:24

Yooseefiyoo bi maneenaꞌoyich ishichiye: “Ta and qita beddeto taane. Yeeri iberoon ittoshin gaacheya woyemmone; hini showoochee ittoshin kichemmone. Abrahamich, Yisaaqinaa Yaaqobinoyich bi wogeti showooch ittoshin giijjemmone” iye.

2 Taateenaꞌo 4:17

Ureyoo xifahan; Elisayi gettitoommon, are goorooch, gubbi natooch anaami bushoon shiyahan.

Shoddo 106:4

Doono Yeero, ne asheenaꞌon gaawe aafoona ne ciiniyooba taan gabibe; boonoshin ne wodiihooba taan qajjaahine.

Shoddo 12:6

Doono Yeerichi gibenee qaaro xalloone; qaaqqee gudoochaa ukkeeꞌi, shabaatte wottoon xalleti, birewoommone.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Keyo 3:16

“Hamiree Israꞌeelee ukkireenaꞌon kicibe; ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri taach bekkeꞌi ishichitone: “Ittoshi mooyon ciinneto taane; Gibitsaa ittoshi toommooch shaggiton beeggeto taane.

Keyo 4:31

Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

Luqaasi 1:68

“Israꞌeelee Nuggishoo Doono Yeeri galleteebe! Wonna yaafeeti keemechinaꞌochi noonoona bi gettitoommon, bi aagetoon wodiyoyich waaꞌi boonoshi qoodoon qocciichii biishetone; biich maddeebeeti Daawiti yaroochee giidechi wodiyechon nooch tiijjitone.

Luqaasi 19:44

Hini katemeexi asho ittoshinoo, ittoshi bushiishoonoo showoo maanjjemminaꞌone; xaqqo xaqqee toommooch keddeeree bi echemmoyich tuniyachemminaꞌone. Ebiyoo, Yeeri ittoshin wodiiya bi waati aaboon shalligoo ittoshi qajjitoyichiye” iye.

Galaati 4:23

Tunebaani gonnee waanee shiijjeto meechi doyoommoniye bi shiijjeto; gennee waanee shiijjeto Yeeri gettiti gibenee qaaroommonane bi shiijjeto.

Galaati 4:28

Ebich ta maneenaꞌote! Yisaaqi Yeeri gibenikkiti gibenee qaaroona Abrahami shiyiti bushoo bi tunoommon, ittoshiyoo wotta Yeeri gibenikkiti gibenee qaaroona Yeerichi bushiishoo tuneto ittoshine.

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

Ruuti 1:6

Naꞌoomi Moꞌabee showooch beechaa, Doono Yeeri bi asheenaꞌon maayoon immiꞌi diirito bi tunoon waayahan; ebich Israꞌeelee showooch wotteree hamma bi gutte naamecheenaꞌona tookkaa tiyahan.

1 Saameeli 1:19

Bi dechara maaddoona Eliqaaninaa bi kechi asheenaꞌona tiyiꞌi Doono Yeerich goyinneheete. Aroochee Raama beeti boonoshi kexooch wotteꞌi hammiyeete. Eliqaani bi mechee Haannina danehe. Yeeriyoo Haanni qolloon waayehe.

1 Saameeli 2:21

Doono Yeeriyoo Haannin diiriye. Biyoo xifahan. Bare keejje anaami bushiishoonaa gutte maache bushiishoonon shiyahan. Bushoo Saameeliyoo Doono Yeerich maddeebee dicciye.