Halloo 20:7 - Kafa Linguistics Project

⁷ Illa ureen bi kenoyich wochibe. Biyoo keemechone. Neech corootemmone; newoo wodemmo neene. Tunebaani wochoo ne qayigaata, neennaa ne asheenaꞌo bullina qitemmo ittoshi tunoon ariibe” iye.

Halloo 20:7 ပူးပေါင်းရင်းမြစ်များ

Halloo 12:15

Faroonichi iraasheenaꞌo beeggiꞌi, ureen Farooni aafoochaa worganee naadiyeete; ebina ureen taatoochi mechee bi tunemmoyich, bi kexooch daammiyeete.

Halloo 12:17

Tunebaani Doono Yeeri Abraami mechee Saarayichi naboyich Farooninaa bi kexeexi asheenaꞌo bullinon ooge naxoona yexxiye.

Halloo 2:17

tunebaani gondoonaa deꞌoonon arichiibeeti michi aafoochee maayaahine. Ebi michi aafoochee ne maahooba, iberoon qitemmo neene” iye.

Halloo 20:3

Ikke xumoon Yeeri gumona daneꞌi, Abimeleekich ishichiye: “Waayebe; ebi ne daammeti ure kenechine; qitito neene” iye.

Halloo 20:8

Ebich Abimeleeki bi dechara maaddoona bi iraasheenaꞌo bullin ceeggii kiciꞌi, ebi mooyo bullin boonoshich gettiye. Boonoshiyoo waayeꞌi oogeton shattiyeete.

Halloo 23:6

“No doonocho, waayebe. Ne, no daggooch ooge woraaferashoo neene. No maashee xaaꞌoochee ne shunnemmi gaawe xaaꞌooch ne mechee cahoon duuhe. Ne mechee cahoon ne duukkemmoyich koniyoona no daggoochee maashoon neech bayaache” iyeete.

2 Saameeli 24:17

Daawiti asheenaꞌon wuxiibeeti maraakoon beeggiꞌi, Doono Yeerich ishichiye: “Axaaxoon shuuneto taane; boonoshi qiddoo tunaachaa gondeto ta qelloona taane. Hini bagoommi asheenaꞌo aalliiti mooyo aalloone. Taannaa ta nihoochi kechi asheenaꞌonon baach ne naxemmoyich neen qollehoye” iye.

1 Taateenaꞌo 13:6

Aroochee Yeer ashoyich taatoo, “Taach ne Nuggishoo Doono Yeerin qollebe; ta kishoo wodemmoyich corootibe” iye. Ebich Yeer asho Doono Yeerin qollehe. Taatoochi kishoo wodiye; wonnee bi gooroochoo wottehe.

2 Taateenaꞌo 5:11

Tunebaani Naꞌimaani kaarehe; ishichiibeenoo hammiye: “Ta waan waa neexe, bi Nuggishoo Doono Yeerichi shigoon ceegi, ta qeddee shaddee biiyee toommoochoo bi kishoon yaggiree taan wodiyemmoniye taach bi shaahito.

1 Kiinoo 16:22

Ishichiinoo iye: “Huutteti ta asheenaꞌochi achooch shaggaahote; ta keemechinaꞌo toommoochoo gondoon shuuneyaahote” iye.

2 Kiinoo 30:18

Efreemi yoodoochee, Minaasi yoodoochee, Yisakoori yoodoonaa Zebulooni yoodoonoochee waati meeti asheenaꞌo boonoshi qelloon xalliyaaneenaꞌone; tunebaani kooreeti getoon dabbaanoon Beshee Baaree maayoon maaheete. Hiziqiyaasi boonoshich ishichiꞌi corootiye: “Deꞌo tuneti Doono Yeero, hini asheenaꞌo yaafee kechi doyoommon yaafeyoo boonoshi qajjitaanona, boonoshi mulloochee tiijjiꞌi boonoshi qaabbechinaꞌochi Nuggishoo Doono Yeeri neech goyinnee beetinaꞌone; ebich boonoshi bullin maaribe” iye.

Iyoobi 34:19

Bullin hallito bi, bi tunetoyich, Yeeri iraasheenaꞌo waan gaꞌeyaache; gaannechon girechoyee beshiiꞌi ciinaache.

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Keyo 18:17

Muusichi abboo wochiꞌi ishichiye: “Ebi ne tuniyaabeeto gaaweto toonoone.

Keyo 4:16

Newoo nuggishoommon tuneree biich gettemmo neene; biyoo ne noonoon tuneree asheenaꞌoyich gettemmone.

Keyo 7:1

Aroochee Doono Yeeri Muusich ishichiye: “Ebeege; ta, neen Faroonich nuggishoommon tuniito taane. Ne manoo Harooniyoo ne keemechon tunemmone.

Erimiyaasi 14:11

Doono Yeeri taach ishichiye: “Hini asheenaꞌochi diggittinoyich qolleyaahine;

Erimiyaasi 15:1

Aroochee Doono Yeeri taach ishichiye: “Muusinaa Saameelina ta aafooch neexetaanona ta mullo hini asheenaꞌo waan wotteyaachemmone. Ta aafoochee daachiibe; hambeete.

Erimiyaasi 27:18

Boonoshi ibere keemechinaꞌo boonoshi tunegaata, Doono Yeeri ta qaaro boonoshi waan bi beegaata, Doono Yeeri ta yaafee kexooch, Yihudee taatee kexooch, Yerusaalem echeti qiico Baabloonee showooch bi hamaachemmoyich, Beshe Mawe Doono Yeeri taan qollebeete.

Hiziqeeli 3:18

Gonde ashoon ‘Iberoochaa qitemmo neene’ ta getaa, ne biin meeqqeqqiyoo ne qayigaata, bi gondoochee wotteree bi kashoon bi wodiyemmoyich meeqqeqqiyoo ne qayigaata, ebi axaaxechi uro bi axaaxoona qitemmone; tunebaani bi damoon ne kishoochee qaawemmo taane.

Hiziqeeli 33:8

Gonde ashoon ‘Gonde ashoocho, iberoochaa qitemmo neene’ ta getaa, gonde ashoon bi gommoochee wochoyich meeqqeqqiyoo ne qayigaata, gonde asho bi axaaxoona qitemmone; tunebaani bi damoon ne kishoochee qaawemmo taane.

Leweenaꞌo 6:4

axaaxoon shuunoona xuꞌecho bi tunegaata, boggii bi deqqiton, dawushii bi deqqiton woyee adero bi maaton, aalletaa bi daneti qiicoon,

Leweenaꞌo 6:7

Qeeshoo Doono Yeeri ta aafooch deejjoon bi giddiitaa, uro bi xuqqiti xuꞌo amoyichona maaroon danemmone” iye.

Mishiraachechinaꞌo 8:24

Aroochee Simooni wochiꞌi, “Hini ittoshi gettitoochee ikkolla ta toommooch bi shagaachemmoyich ittoshi taach Doono waan corootibote” iye.

1 Qorontoosi 14:4

Baribare noonoona yibbaateebeeti uro bi ikkeetoniye bi eenniibeeto; tunebaani keemoon keemmiibeeti uro kittinnee guuphoniye bi eenniibeeto.

Hibireena'o 1:1

Wonnee yemeenoochee tiijjiꞌi, Yeeri wodde wottoon baribare gommona no qaabbechinaꞌoyich keemechinaꞌochi noonoona gettiye.

Hibireena'o 13:4

Asho bulli shaageyoon oogiibe; shunimaayeenaꞌonaa yahechinaꞌonochi toommooch Yeeri nallemmo bi tunetoyich, kenoonaa mecheena ikkoo baroyich gibeneetinaꞌo tunebeete.

1 Yowannisi 5:16

Wotta koniyoona ikke bi manoo qitooch biin bechaachemmi axaaxoon bi shuunee beetaa bi beegigaata, corootibe; arooba Yeeri ebi qitooch biin bechaachemmi axaaxoon shuuneebeeti uroyich kashoon immemmone. Ashoon qitooch bechiibeeti axaaxoo beetone; ebiyoommi axaaxoyich qollebe getaache.

1 Saameeli 12:19

Asheenaꞌo bulli Saameelich “Taatoo no toommooch bi taatemmoyich echoona, bare no axaaxee toommooch hini axaaxoon daakkaꞌa shuuneto noone. No qitaachemmoyich, ne guuno nooch ne Nuggishoo Doono Yeer waan corootibe” iyeete.

1 Saameeli 12:23

Wotta ittoshich corootee qayona Doono Yeerin xuꞌo ta waanee wohe! Ebiyee ta ittoshich deꞌoonaa kaamoona tuneti mooyon arichiyemmo taane.

1 Saameeli 7:5

Saameeliyoo Israꞌeeleenaꞌo bullich wocheꞌi, “Mitsiphi katemooch kiceebote; tawoo aroochaa ittoshich Doono Yeerin qollemmo taane” iye.

1 Saameeli 7:8

Saameelich “Filsixeemee asheenaꞌo kishoochee noon bi wodiyemmoyich, no Nuggishoo Doono Yeer waan kuxaanoon corootibe” iyeete.