Halloo 20:6 - Kafa Linguistics Project

⁶ Yeeriyoo gumona biich ishichiye: “Xalle mulloona ne tuniyoon ariito taane. Tawoo wotta, ta aafooch gondoon ne tuniyaachemmonaa bi achooch ne shagaachemmonoyich, neen ta quyeto ebichiye.

Halloo 20:6 ပူးပေါင်းရင်းမြစ်များ

Halloo 26:11

Ebich Abimeleeki “Hini uroon woyee bi mecheen ikke mooyo hallimmo koniyoona bi tunegaata, qitibe” immi getoon bi asheenaꞌo bullich beshiihe.

Halloo 3:3

Tunebaani Yeeri ‘Ittoshi qitaachemmoyich, hini becheeti michi daggooch beeti, ikke michi aafoochee maayaahote; bi achoochoo shaggaahote’ itone” iyan.

Halloo 31:24

Aroobee xum Yeeri Araamee asho Labaanina gumona daneꞌi ishichiye: “Ne qelloon ariibe! Yaaqobich deꞌoon tuneba gondoon, ikke mooyonona wochiyaahine” iye.

Halloo 31:7

Tunebaani ta shumaayoyich aashire wottoon bi heciyoon shaddiibee taan dawushiye; tunetaa ta toommooch gonde mooyon bi deebemmoyich Yeeri daaggaanoone.

Halloo 35:5

Aroochee are xaaꞌoon gawukkii hammiyeete. Yeeriyoo boonoshi guudoona beeti katemeenaꞌooch beeti asheenaꞌo bulli toommooch oogeti shaton bi kindiitoyich, Yaaqobinaa bi bushiishoonon yookkii dabbito koniyoona aalloone.

Halloo 39:9

Hini kechi daggooch taach beeti ukkirittino biichoommone; taach bi imaani mooyo, bi mechee ne tunetoyich, neen baachiye. Ishigaata, ebi shaahe gonde mooyon tuniyoona aabichiree Yeeri aafooch axaaxoon shuunebote?” iye.

Shoddo 51:4

Ta xuqqeto neen, halla neen baachiye; ne aafoochaa gonde mooyon tuniihoye; ebich gondeto ta tunoon ne getonaa ta toommooch ne nalloona tatoone.

Shoddo 81:12

Ebich babbere boonoshi mulloona boonoshi hammemmoyich, boonoshi gaba boonoshi heechemmoyich, qixehoye.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Keyo 34:24

Aageteenaꞌon ne aafoochee yookkemmo taane; ne showoon gamichemmo taane; natooch keejje wottoon ne Nuggishoo Doono Yeeri ta aafooch giddoyich ne kechaa beehooba, ne showoon deꞌoyich koniyoona qaataachemmone.

Shaahiyoo 21:1

Taatoochi mullo Doono Yeerichi kishoochiye; biyoo woce aacochoommon bi daaggito waan wochiye.

Shaahiyoo 6:29

Ashi mecheen qaawiibeeti asho bulli ebiyoommone; aree waan shaggimmo bulli sheeroochee muricaachemmone.

Leweenaꞌo 6:2

“Ikke asho bi waan koteti aderoon mamona woyee biich yechiyoo icheti qiicoon nookkeꞌi biinoommi bi manoon dawushoona Doono Yeeri ta toommooch axaaxoon bi shuunegaata woyee biinoommi bi manoon bi bogigaata woyee bi dawushigaata,

1 Qorontoosi 7:1

Andoo mechee shaagi mooyon kooriꞌi taan echeto ittoshine. Mecheen shaagi qayo gaawetone.

2 Qorontoosi 6:17

Ebich wotta Doono Yeeri ishichiye: “Boonoshi daggoochee keyiree baritinaꞌon tunebote. Axaaxoona eeꞌeti mooyon yechaahote; tawoo ittoshin taacho tuniyemmo taane.

2 Tasaloonqi 2:11

Ebichi naboona koote mooyon boonoshi iberiyemmoyich, Yeeri muriciibeeti giidoon boonoshi toommooch deejjii beetone.

2 Tasaloonqi 2:7

Tunebaani ebi aashoona shuuneebeeti hukkee shuunoo and shuunee beetone; xalla bi shuneyaachemmoyich bajjii beeton Yeeri wokkiimmi wottoon ebi are mooyo tuneyaachemmone.

1 Saameeli 25:26

“Ta doonocho, beeyechi Doono Yeeri beege! Wotta ne kashoona wogehoye. Damoon ne ukkaachemmoyich, wotta ne hajjee kishoona nichoon ne gaacaachemmoyich neen quyeto Doono Yeerine. Andoo ne etteenaꞌonaa ta doono ne toommooch gondoon gabii beetinaꞌona Naabaaliyoommon tunebeete.

1 Saameeli 25:34

Ne toommooch gonde mooyon ta tuniyaachemmoyich Doono Yeeri taan quyetone. Israꞌeelee Nuggishoo beeyechi Doono Yeeri beege; kaataa waaꞌa taanna ne daneyaan gaata, yaach maadda beddaahaa, Naabaalicho tuneti asheenaꞌo daggoochee ikke anaamolla echeyaacheshone” iye.