Halloo 20:17 - Kafa Linguistics Project

^17-18 Doono Yeeri Abrahami mechee Saarichi naboona Abimeleeki kexooch beeti maacheenaꞌo bushoon boonoshi shiyaachemmoyich, boonoshi maacoon dookkitone. Ebich Abrahami Yeer waan corootiye. Yeeriyoo Abimeleekin wodiihe; wotta wochinnoon bushoon boonoshi shiyemmoyich, bi mecheenaa bi gonneenaꞌonochi maacoon qechiye.

Halloo 20:17 ပူးပေါင်းရင်းမြစ်များ

Halloo 12:17

Tunebaani Doono Yeeri Abraami mechee Saarayichi naboyich Farooninaa bi kexeexi asheenaꞌo bullinon ooge naxoona yexxiye.

Halloo 20:7

Illa ureen bi kenoyich wochibe. Biyoo keemechone. Neech corootemmone; newoo wodemmo neene. Tunebaani wochoo ne qayigaata, neennaa ne asheenaꞌo bullina qitemmo ittoshi tunoon ariibe” iye.

Halloo 29:31

Doono Yeeriyoo Liyi shucheyaane bi tunoon beeggiꞌi, bushoon bi shiyemmoyich, bi maacoon qechiye; tunebaani Raaheeli xaafeene.

Iziri 6:10

Ebiyoo, shimaajji Nuggishoon emirikkemmi deejjoon boonoshi giddiyemmonaa taatoonaa bi bushiishoonochi diggoyich boonoshi corootemmonoyichiye.

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Shaahiyoo 15:29

Doono Yeeri gonde asheenaꞌo waanee wohone; tunebaani cadiqeenaꞌochi qolloon waayehe.

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Isiyaasi 45:11

Israꞌeelee Yaafoo tuneti, biinoo halliti Doono Yeeri ishichiye: “Ta bushiisheenaꞌochon taan echehote? Ta kishee shuuneechon ciinnii beetona echoon hakkehote?

Haddoo 12:13

Ebich Muusi “Ta Nuggishoocho, biin ne wodiyemmoyich neen qollehoye” iꞌi Doono Yeer waan cookiye.

Haddoo 21:7

Asheenaꞌo Muus waan waaꞌi ishichiyeete: “Neennaa Doono Yeerinochi toommooch gonde mooyon yibbaatoona xuqqeto noone. Dingeroon no waanee bi wokkiyemmoyich Doono Yeer waan nooch corootibe” iyeete. Muusiyoo asheenaꞌoyich corootiye.

Maatiyoosi 21:22

Yeeri toommooch ittoshi mulloon tooꞌiyoona biin ittoshi qollemmo bullin danemmo ittoshine” iye.

Maatiyoosi 7:7

“Yeerin qollebote; ittoshich immemmone. Yeer waanee qaawibote; danemmo ittoshine. Bi kelloonoo qofote; ittoshich qechemmone.

Mishiraachechinaꞌo 3:24

“Aree hillooch Saameeliichee tiijjiꞌi Yeerichi wochoon gettiti keemechinaꞌo bulli ebiyoommon hini yemeeneechon shiichiꞌi gettitinaꞌone.

Filipphisiyoosi 4:6

Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.

1 Tasaloonqi 5:25

No maneenaꞌote! Nooch [wotta] corootibote.

Yaaqobi 5:16

Ebich ittoshinaa ittoshina ittoshi axaaxoon aannibote; ittoshi biiyoochee ittoshi wodemmoyich ikkoo baroyich corootibe; cadiqe ashi corooto giidechi shuunoon shuunee beetone.