Halloo 2:8 - Kafa Linguistics Project

^8-9 Nuggishoo Doono Yeeriyoo aabi-keyo waan, Eden, becheenaꞌon bechiye. Ciinoyich emirikkiibeeti, mamoyichoo shaawiibeeti becheenaꞌo bullin showoochee colliihe; wotta ebi becheenaꞌo daggooch bi aafo maataa kashoon immaabeeti mixinaa ashich gondoonaa deꞌoonon arichiibeeti mixinon colliihe. Doono Yeeriyoo bi hachiti ashoon arooch kotiihe.

Halloo 2:8 ပူးပေါင်းရင်းမြစ်များ

Halloo 13:10

Looxiyoo bi aafoon kaachiꞌi, Yoordaanoosi guudoona beeti naqqe showoo bulli aachechi xaaꞌoo bi tunoon beeggiye. Doono Yeeri Sodoominaa Gomoorinon bi aalliyoyee aaf, ebi xaaꞌoo Tsoꞌar beddaahaa, Doono Yeerichi bechee mixinaꞌo beeti xaaꞌoommo, Gibitsee showeexi Abbaayi aachi guudoona beeti naqqe showoommone.

Halloo 3:23

Ebich asho showoochee bi danetoyich, are showoon bi gochemmoyich, Nuggishoo Doono Yeeri biin Edeni bechee daggoochee kichiye.

Halloo 3:24

Ashoonoo kichii yookkiye; kashee mixo waan daammiibeeti gommon quyemmi kiruubeenaꞌonaa qaaqqee booddoon taheti, haabuubo guuddiibeeti goraadoonon, Eden beeti mixinaꞌoochaa aabi-keyo waan kotiihe.

Halloo 4:16

Aroochee Qayeeli Doono Yeeri aafoochee kechii hammiye. Eden beeti mixinaꞌoochaa aabi-keyo waan beeti, Noodee showooch hammii kotehe.

2 Taateenaꞌo 19:12

Ta qaabbechinaꞌo aalliiti Gozaan, Haraaninaa Retsefinooch beeti aageteenaꞌochi nuggisheenaꞌo, Telasaar beeti Edenee asheenaꞌonochi nuggisheenaꞌoo boonoshin wodiiteete?

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Hiziqeeli 27:23

“ ‘Haraani, Kanaahinaa Edeninochi katemee asheenaꞌo, Sheebee giixechinaꞌo, Ashuurinaa Kilimaadinochi katemee asheenaꞌoo neenna tookkii giixee beeheete.

Hiziqeeli 28:13

Yeerichi bechee xaaꞌoo tuneti Eden beehine; aaxxe xaqqo bulli ne tahoone; saridiyoono, topphaziyoono, almaazo, beruullo, shohaamo, yasphiido, sapiiro, maarigido, wacciibeeti inqoo, aachoo eboshin tahaa beehine; ne halleehooba, eboshi neech qanniyeete.

Hiziqeeli 31:16

Maash hammii beetinaꞌona tookkii oppooch biin ta dufiyooba, bi dihee qaaroochee tiyitona, aageteenaꞌon qewiito taane; Eden beeti mixinaꞌo bulli, aachi gashooch dicciti mixinaꞌo bulli, phixxaashe Libanoosee mixinaꞌo bulliyoo, bi dihoona dechi showoochaa goggemminaꞌone.

Hiziqeeli 31:18

“ ‘Faroono, ebi shaahiyoo bi bekkiibeeto neennaa dofee ne asheenaꞌononiye. Oogee yiiroonaa oogoona Edeni mixinaꞌoochee koni neen shaahehe? Tunebaani newoo wotta Edenee mixinaꞌona tookki deshi showooch kindemmo neene; goraadoona qititi dokireyaaneenaꞌochi daggooch qeyemmo neene’ iye Nuggishoo Doono Yeeri, gete” iye.

Yoꞌeeli 2:3

Boonoshi aaf beeton qaaqqoo maahe; boonoshi gubb beetonoo qaaqqoo michiye. Showoo boonoshi aafaa Edeni beeti bechee mixoommone; tunebaani boonoshi gubbaa amolla aalli barahoon tunehe. Boonoshiyee muriccemmi amee mooyolla aalloone.