Halloo 2:17 - Kafa Linguistics Project

¹⁷ tunebaani gondoonaa deꞌoonon arichiibeeti michi aafoochee maayaahine. Ebi michi aafoochee ne maahooba, iberoon qitemmo neene” iye.

Halloo 2:17 ပူးပေါင်းရင်းမြစ်များ

Halloo 20:7

Illa ureen bi kenoyich wochibe. Biyoo keemechone. Neech corootemmone; newoo wodemmo neene. Tunebaani wochoo ne qayigaata, neennaa ne asheenaꞌo bullina qitemmo ittoshi tunoon ariibe” iye.

Halloo 3:11

Doono Yeeriyoo “Shokkaachoo ne tunoon konine neech gettito? ‘Aroochee maayaahine’ ta iti michi aafoochee maatine?” iye.

Halloo 3:17

Addaamichoo ishichiye: “Ne mechee qaaroon waayaꞌa, ‘Aroochee maayaahine’ ta iti michi aafoochee ne maatoyich, showoo ne naboona uppeto tunebe; ne kasho beemmi wottoon, aayiree aroochee maayemmo neene.

Halloo 3:19

Showoochee halleeto neene; ebich showooch wottemmo neene; ne kecheti showooch ne wottemmi wottoon, aayi caajjeree koshon maayemmo neene” iye.

1 Taateenaꞌo 2:37

Tunebaani aroochee kechaꞌa, Qedirooni bamboon ne kimigaata, qitemmo ne tunoon ariibe; ne damoo ne toommoochiye bi tunemmo” iye.

1 Taateenaꞌo 2:42

Shimeꞌin taatoo ceekkiiꞌi biich ishichiye: “ ‘Bare amee xaaꞌoochona hamma ne keyiyooba, qitemmo ne tunoon ariibe’ iyaꞌa Doono Yeerichi shigoona neen wogiyaꞌa, ‘Ne qelloon ariibe!’ getaano taane? Newoo ‘Deꞌa, ebi ne getteton ceechemmo taane’ iyaꞌa taach getaano neene?

Erimiyaasi 26:8

Erimiyaasiyoo asho bullich bi gettemmoyich Doono Yeeri biich gettiton bi ciichiyee, qeesheenaꞌo, keemechinaꞌonaa asho bullina biin yechiꞌi, “Qitemmo neene.

Hiziqeeli 18:13

bi koyitiigaata, shimon bi deꞌigaata, iberoochaa kashoona beeyehe? Kashoona beetaachemmone. Ebi bulli ciigiiti mooyon bi tuniitoyich iberoochaa qitemmone; bi damoo bi toommooch tunemmone.

Hiziqeeli 18:32

Ta, konichi qitoonolla emiraano taane; ebich ittoshi axaaxoochee wotteree kashoona beebote” iye Nuggishoo Doono Yeeri.

Hiziqeeli 18:4

Kasho bulli taachone; nihoochi kasho taacho bi tunoommon bushoochi kasho taachone; axaaxoon shuuneti asho aroo qitemmone.

Hiziqeeli 33:14

Ta, gonde ashoon ‘Iberoochaa qitemmo neene’ ta getigaata, biyoo bi axaaxoochee wotteꞌi, dayinnetoonaa cadiqe mooyonon bi tuniigaata,

Hiziqeeli 33:8

Gonde ashoon ‘Gonde ashoocho, iberoochaa qitemmo neene’ ta getaa, gonde ashoon bi gommoochee wochoyich meeqqeqqiyoo ne qayigaata, gonde asho bi axaaxoona qitemmone; tunebaani bi damoon ne kishoochee qaawemmo taane.

Haddoo 26:65

Ebiyoo Doono Yeeri “Barahoochaa qitemminaꞌone” bi itoyich, Yefuuni bushoo Kaaleebinaa Nuuni bushoo Yaasinoyee besh, boonoshi daggoochee ikke asholla echeyaanoone.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Roomi 6:16

Hajjeyoyich guuno tuniiꞌi ittoshi qelloon biich ittoshi guudiiti ashich guuno ittoshi tunoon ariyaachote? Woyee axaaxee guuno tuneree qitemmo ittoshine; woyee Yeerich hajjeebeeti guuno tuneree cadiqo tunemmo ittoshine.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

Roomi 8:2

Kiristoos Yesuusina ta daneti, kashoon immiibeeti Ayaanee sheeroo axaaxoonaa qitoonooch shakkiibeeti sheeroochee taan kichitone.

1 Qorontoosi 15:22

Addaamina asho bulli qitii beetoommon, ebiyoommon wotta Kiristoosina asho bulli kashechon tunemmone.

1 Qorontoosi 15:56

Qitoo gayon bi daneebeeto, axaaxoocheeniye; axaaxoo wuxee giidoon bi daneebeeto, Muusichi Sheeroocheeniye.

Galaati 3:10

“Sheeroon ceechii no quyoona wodemmo noone” iꞌi gibenee beetinaꞌo uppeꞌiniye boonoshi beeto. Ebiyoo, “Muusichi Sheeree macaafooch kooreeti sheereenaꞌo bullin ceechii quyeyaano bulli uppetone” getaa bi kooreetoyichiye.

Yibbaatoo 27:26

“ ‘Hini sheeree qaaroo bullin ceechiꞌi quyeyaano uppeton tunebe’ geteete. “Asheenaꞌo bulliyoo ‘Ameena’ geteete” iye.

Yibbaatoo 30:15

Muusi Israꞌeeleenaꞌoyich ishichiye: “Ebiyoche, hanaach deꞌoonaa gondoonon, kashoona beemonaa qitoonon ne aafooch kotiito taane.

Yibbaatoo 30:19

“Hanaach kashoona beemonaa qitoonon, diiroonaa ufonon ittoshi aafooch ta kotiyoyich shimaayoonaa showoonon miixoo ceeggaabeeto taane. Illa neennaa ne shiijjeroona kashoona ittoshi beeyemmoyich kashoona beemon kaace.

Qolaasiyaasi 2:13

Ittoshiyoo wotta ittoshi xuꞌoona, wotta axaaxoo waan geechiibeeti ittoshi meechi shuriyoo dokiriyee qajji naboona, qititoommon tuneꞌi ittoshi beetaa, Yeeri Kiristoosina tookkii ittoshich kashoon immiye; ebi ittoshi xuꞌo bullinoo maariye.

1 Ximootiyoosi 5:6

Tunebaani hini showee toommeexi emiroon qaawaabeeti xuumee kashoona beebee qititine.

Yaaqobi 1:15

Aroyee gubb ebi uroochi gonde qaatoo yeqqefeꞌi axaaxoon shiyihe; axaaxoo diccii oogeꞌi qitoon shiyihe.

1 Yowannisi 5:16

Wotta koniyoona ikke bi manoo qitooch biin bechaachemmi axaaxoon bi shuunee beetaa bi beegigaata, corootibe; arooba Yeeri ebi qitooch biin bechaachemmi axaaxoon shuuneebeeti uroyich kashoon immemmone. Ashoon qitooch bechiibeeti axaaxoo beetone; ebiyoommi axaaxoyich qollebe getaache.

Yaaꞌoo 2:11

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito guttinnee qitoon qitaachemmone.

Yaaꞌoo 20:14

Qitoonaa Siꞌooloona qaaqqee baharooch duppeheete; ebi qaaqqee baharooch duppo guttinnee qitoone.

Yaaꞌoo 20:6

Qitoochee shiichiree tiyemminaꞌo diireetinaꞌonaa yaafeenaꞌonane; guttinnee qitoo boonoshi toommooch giidoon daneyaachemmone. Boonoshiyoo Yeerinaa Kiristoosinochi qeesheenaꞌo tunemminaꞌone; Kiristoosina tookkiree hini hume naton taatemminaꞌone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

1 Saameeli 14:39

Israꞌeeleenaꞌoyich wudoon immiibeeti, beeyechi Doono Yeeri beege! Ebi axaaxoon shuuneto ta bushoo Yonaataani bi tunegaatoona, qitaanoon echeyaachemmone” iye. Tunebaani asheenaꞌo daggoochee amoonolla biich qaareto aalloone.

1 Saameeli 14:44

Saaꞌooliyoo “Yonaataano, ne qitoo qayigaata, Yeeri ta toommooch ebin tuniibe; ebinoo daakkibe” iye.

1 Saameeli 20:31

Iseyi bushoo hini showee toommooch kashoona bi beegaata, newoo tuneb ne taatittino gappaachemmone. Qitecho bi tunetoyich, wocheree ta waan deebe” iye.

1 Saameeli 22:16

Taatoo “Ahimeleeko, neennaa ne nihoochi kechi asheenaꞌona iberoon qitecho ittoshine” iye.