Halloo 2:1 - Kafa Linguistics Project

¹ Ebiyoommi gommona shimaayoonaa showoona, boonoshi daggooch beeti mooyo bulliyoo shuunetaa taccehe.

Halloo 2:1 ပူးပေါင်းရင်းမြစ်များ

Halloo 1:1

Shiichiꞌi Yeeri shimaayoonaa showoonon halliye.

Halloo 1:10

Yeeriyoo hini are shuuꞌi xaaꞌoon, “showoo”, ikkooch kiceeti aaconoo, “baharo” ii shigiihe. Yeeri ebi gaaweto bi tunoon ciinniꞌi emiriye.

Halloo 2:4

Nuggishoo Doono Yeeri shimaayoonaa showoonon bi halliyooba, boonoshin bi hallito ebiyoommi gommonane. Nuggishoo Doono Yeeri shimaayoonaa showoonon bi halliyooba,

2 Taateenaꞌo 19:15

Aroochee Hiziqiyaasi Doono Yeer waan ishichiꞌi corootiye: “Kiruubeenaꞌoyee tookk kotaabeeti, Israꞌeelee Nuggishoo Doono Yeero, ne baach showee taateenaꞌo bullichi Nuggishoo neene. Showoonaa shimaayoonon hallito neene.

2 Kiinoo 2:12

Kiraami daakkiꞌi ishichiye: “Doono Yeerich yaafee kexon, wotta bi qellich taatee kexon bi shuunemmoyich mullechi, ariyechi, shalligechi bushoon taatoo Daawitich immiti, showoonaa shimaayoonon halliti, Israꞌeelee Nuggishoo Doono Yeeri diireeton tunebe.

Nehimi 9:6

Ne ikkeeto baach Doono Yeeri neene; shimaayoon, shimaayeexi shimaayoon, boonoshi daggoochoo beeto bullin, showoonaa bi toommooch beeto bullinon, baharoonaa bi daggooch beeto bullinonoo hallito neene; bullichona kashoon immaabeeto neene. Shimaayeexi halleenaꞌo bulliyoo neech goyinnee beetinaꞌone.

Iyoobi 12:9

Doono Yeerichi kishoo boonoshin shuunoon, eboshichi daggoochee ariyaano beeta?

Shoddo 104:2

Bekkoon tahoochoommon taheto neene; shimaayoonoo duukkaanoochoommon yaggito neene.

Shoddo 146:6

Showoon, shimaayoonaa baharoonon, arooch beeto bullinoo hallito, bulli yemeenoon bi qaaroon quyeebeeto, biine.

Shoddo 33:6

Shimaayeenaꞌo Doono Yeerichi qaaroona halleeheete; shimaajji halleenaꞌo bulli bi noonoochee kechiti qaaroona halleeheete.

Shoddo 33:9

Bi getaa showoo halleehe; bi gettitoyichoo manjiye.

Keyo 20:11

Doono Yeeri ta, shimaayoonaa showoonon, baharoonaa boonoshi daggooch beeto bullinon shiritte qemona hallaꞌa, shabaattinnee qemooba ta kashetoyich, shambetee aaboon diirii yaafito taane.

Keyo 31:17

Taannaa Israꞌeeleenaꞌonochi daggooch bulli yemeenoon malletoo tunemmone. Ebiyoo Doono Yeeri ta, shimaayoonaa showoonon shiritte qemi daggooch shuunaꞌa, shabaattinnee qemooba ta shuunoochee ta kashetoyichiye’ gete” iye.

Isiyaasi 34:4

Shimaajji halleenaꞌo bulli muuyi aallemminaꞌone; shimaayoo macaafee qodoommon qodemmone; woyinee waamonaa balaasee waamona ooyoommon boonoshi daggeexi halleenaꞌo oojjemminaꞌone.

Isiyaasi 42:5

Shimaayoon halliꞌi yaggiti, showoonaa bi daggooch beetinaꞌo bullinon shuuneti, aree toommooch beeti asheenaꞌoyich kashee hiinnoon immiti, arooch shaꞌee beetoyich ayaanoon immiti, Doono Yeeri ishichiye:

Isiyaasi 45:12

Showoon shuuneto, ashoon aree toommooch hallito, taane; shimaayeenaꞌon yaggito ta kishoone; shimaajji halleenaꞌon qociito taane.

Isiyaasi 45:18

Shimaayeenaꞌon halliti Doono Yeeri, showoon halliti, shuuneti, manjiiti, beeyi xaaꞌoon bi tunemmoyichani, shokkoon bi tunemmoyich hallaani Yeeri ishichiye: “Ta, Doono Yeeri taane; tayee bare nuggishoo aalloone.

Isiyaasi 48:13

Ta kishoo showee hecoon heccitone; ta qanne kishoo shimaayoon yaggitone; boonoshin ta ceeggemmona, ikkittinoona neexeheete.

Isiyaasi 55:9

Shimaayoo showoyee damba bi wohoommon ta gommo ittoshi gommoyee, ta gaboo ittoshi gaboyee oogeton wohone.

Isiyaasi 65:17

Doono Yeeri ishichiye: “Ebiyoche, andire showoonaa andire shimaayoonon hallemmo taane; ebiyee aafi mooyinaꞌo gabeyaachemminaꞌone; shalligeyaachemminaꞌone.

Erimiyaasi 10:12

Showoon bi hakkoona hallito, bi ariyoona showee tuggeenaꞌon manjiito, bi shalligoona shimaayoon yaggito, biine.

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Zakaariyaasi 12:1

Israꞌeeleenaꞌochon Doono Yeeri gettiti qaaro: Shimaayoon yaggiti, showoon halliti, ashich kashee hiinnoon immiti Doono Yeeri ishichiye:

Luqaasi 2:13

Bekkech meeti mattiqutte shimaajji maraakeenaꞌo are maraakoona tookkii bekkeheete; Yeerin galleteebee ishichiyeete:

Mishiraachechinaꞌo 4:24

Boonoshiyoo waayeꞌi, ikke mulloona Yeer waan ishichiꞌi corootiyeete: “Shimaayoon, showoonaa baharoonon, eboshichi daggooch beeto bullin halliti Mawe Doono Yeero,

Mishiraachechinaꞌo 7:42

Ebich Yeeri boonoshin qajjiye; shimaajji xojjeneenaꞌoyich boonoshi goyinnemmoyich beshiiꞌi boonoshin immiye. Keemechinaꞌochi macaafooch bi kooreetoommon, ‘Yeeri “Hini Israꞌeeleenaꞌote! Aabbe naton barahooch ittoshi beehooba, deejjoonaa buuroonon ittoshi giddiito taachiye?

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.

Hibireena'o 4:3

Illa no mulloon Yeeri toommooch tooꞌiiti no, Yeeri no kashemmoyich imma bi gabiti xaaꞌooch giyaabeeto noone. Yeeri tuniiya bi gabiti gaboo alemo halleetoochee tiijjiꞌi ceeno bi tunetaanoona, Yeeri “ ‘Boonoshi kashemmoyich imma ta gabiti showooch ciroona giyaachemminaꞌone’ iyaꞌa kaaroona wogeto taane” bi itoommone.