Halloo 19:5 - Kafa Linguistics Project

⁵ Looxin ceeggiꞌi ishichiyeete: “Hanaachi xum ne kexooch giyiti asheenaꞌo aayeete? Boonoshin no qeyemmoyich hach maaxooch nooch kichibe” iyeete.

Halloo 19:5 ပူးပေါင်းရင်းမြစ်များ

Halloo 19:6

Looxiyoo boonoshi waan maach kechiye; shaaqqoonoo gubboona hicciye.

1 Taateenaꞌo 14:24

Boonoshi showooch anaami yaafee kechi yahechinaꞌo beeheete. Boonoshiyoo Israꞌeeleenaꞌo aafoochee Doono Yeeri yookkii kichiti aageteenaꞌo tuniibee echeti, ciigiiti mooyon tuniiheete.

1 Taateenaꞌo 22:46

Bi nihoo Aasi yemeenooba echeti, yaafee kechi yahechi anaaminaꞌon showoochee aalliihe.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 3:9

Boonoshi aafoochee bekkeebeeti mooyo boonoshi toommooch miixee beetone; boonoshi axaaxoon aachaanoon, Sodoomee asheenaꞌochoommon axaaxoon xalla shuunee beetinaꞌone; boonoshi toommooch gonde mooyon boonoshi deebii beetoyich boonoshich woowo!

Erimiyaasi 3:3

Ebich amichi kucho bachehe; naawee amiyoo dihemmon qajjiye; shunimaayeen shaahaꞌa yeellemmon qajjehine.

Erimiyaasi 6:15

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone; ebich bareenaꞌo dihoommon dihemminaꞌone; boonoshin ta naxehooba qiti aallemminaꞌone” iye Doono Yeeri.

Hiziqeeli 16:49

“ ‘Ne manee Sodoomichi xuꞌo ebine: Biinnaa bi bushiisheenaꞌona geecechinaꞌone; wodde maayoonaa mashaamiti beemona boonoshich beetaa girechinaꞌonaa iritechinaꞌonon gaacheyaacheete.

Hiziqeeli 16:50

Geeciyeete; ta aafoochoo ciigiiti mooyon tuniiheete; ebin ta beegiyooba boonoshin aalliihoye.

Hiziqeeli 16:51

Shamaari ne shuuneti axaaxee qaton shuuneyaaneene; ne biyee beshe ciigiiti mooyon tuniyoona biin deꞌe shaahiihine.

Leweenaꞌo 18:22

“ ‘Maacheen ne qemoommon anaamon qeyaahine. Ebi tiyaariibeeti mooyone.

Leweenaꞌo 20:13

“ ‘Ikke asho, maacheen qemoommon anaamon bi qeyigaata, boonoshi guttiyona eeꞌe mooyon boonoshi tuniitoyich, qitibeete. Boonoshi damoyich koniyoona echeyaachemmone.

1 Qorontoosi 6:9

Hukkechinaꞌo Yeerichi taatittineen woraashaachemminaꞌo boonoshi tunoon ariyaachote? Muriccaahote! Shunoon maa beetinaꞌo, shahalloyich goyinnee beetinaꞌo, yahechinaꞌo, anaamona tookkii shunoon maabeeti anaaminaꞌo,

Yibbaatoo 23:17

“Israꞌeeleenaꞌochi maache bushiisheenaꞌo woyee anaami bushiisheenaꞌo daggoochee yaafee kechi yahechinaꞌo danaayeete.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

2 Pheexiroosi 2:2

Meetinaꞌo yeelliibeeti boonoshi gonde qocoon dabbemminaꞌone; eboshi naboona iberee gommo naakkemmone.

2 Pheexiroosi 2:7

cadiqo tuneti Looxiyoo boonoshi daggooch beebee boonoshi hukkee shuunoon beegonaa waayoona qemi qemona oogeton xuuxeebee ebi are hukkechinaꞌochi yeelliibeeti qocoona oogeton iriteeti are cadiqe uro Looxin bi wodiitoyee;

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.

Woraaferasheenaꞌo 19:22

Emiree toommooch boonoshi beetaa, are katemeexi, ikkikke gaacaalli asheenaꞌo kexon giichiyeete. Kelloonoo xoobbiibee kechi doono tuneti geene uroon “Biinna tookki shunoon no maayemmoyich, ne kexooch giyiti uroon maach nooch kichibe” iyeete.