Halloo 19:24 - Kafa Linguistics Project

²⁴ Arooba Doono Yeeri waageroo micciibeeti qaaqqoon shimaayoochee Sodoominaa Gomoorinochi toommooch amichittinoon dichiye.

Halloo 19:24 ပူးပေါင်းရင်းမြစ်များ

Halloo 13:10

Looxiyoo bi aafoon kaachiꞌi, Yoordaanoosi guudoona beeti naqqe showoo bulli aachechi xaaꞌoo bi tunoon beeggiye. Doono Yeeri Sodoominaa Gomoorinon bi aalliyoyee aaf, ebi xaaꞌoo Tsoꞌar beddaahaa, Doono Yeerichi bechee mixinaꞌo beeti xaaꞌoommo, Gibitsee showeexi Abbaayi aachi guudoona beeti naqqe showoommone.

Halloo 13:12

Abraami Kanaanee showooch kotehe. Looxiyoo bi hammiti showeexi naqqe xaaꞌooch beeti katemeenaꞌochi gutte daggooch kotehe; bi duukkaanoon giddii giddii xogiibee Sodoom katinniye.

Halloo 18:17

Hammii boonoshi beetaa, Doono Yeeri ishichiye: “Tuniiya ta iyaa beeton Abrahamich aachehota?

Halloo 19:23

Looxi Tsoꞌar bi shaggimmona, showoo harii aabo kechitone.

Iyoobi 1:16

Ebin gettii bi beetaa, bare wocheyecho waaꞌi ishichiye: “Xeeyo kindiꞌi bageenaꞌonaa qiddeenaꞌonon yechiye; boonoshinoo michii aalliihe. Ta ikkeeto baach muriccaꞌa ebin neech getta waahoye” iye.

Iyoobi 18:15

Asho koniyoona bi kexooch giyiree kotemmone; waageroo bi kechi daggooch shacceyemmone.

Shoddo 11:6

Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

Keyo 9:23

Muusi bi gumboon damba tiijjiye. Doono Yeeriyoo shimaayoo gigemmoyich tuniihe; baderoonoo kindiihe. Qaaqqoommi xeeyo showee toommooch kindiye. Doono Yeeriyoo Gibitsee showoo bulliich baderoon kindiihe.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 13:19

Taatittineenaꞌochi ooge, Kalideenaꞌochi geecee tuneti Baabloonin, Doono Yeeri ta, Sodoominaa Gomoorinochoommon guuppemmo taane.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Erimiyaasi 20:16

Are asho Doono Yeeri ariqqeyaanoon guuppiti katemoommon tunebe; maaddi eefon, womikka cookoon waayebe.

Erimiyaasi 23:14

Yerusaalemi katemeexi keemechinaꞌo waaneenoo ciigiiti mooyon beeggeto taane: Shunoon maaheete; kootoon yibbaateheete; koniyoona bi gondoochee wotteyaachemmoyich, gondoon shuunee beetinaꞌon kupphiiheete; boonoshi bulliyona taach Sodoomiyoomminaꞌone; Yerusaalemi asheenaꞌoo Gomooriyoomminaꞌone.

Erimiyaasi 49:18

Sodoomi, Gomoorinaa boonoshi guudoona beeti katemeenaꞌonochi toommooch shaggitoommo Edoomi toommooch shaggemmone; koniyoona arooch koteyaachemmone; asho arooch beetaachemmone” iye Doono Yeeri.

Erimiyaasi 50:40

Yeeri, Sodoominaa Gomoorinon, boonoshi guudoona beeti katemeenaꞌonoo bi guufoommon, koniyoona arooch koteyaachemmone; ashi yaroo arooch beetaachemmone” iye Doono Yeeri.

Shoosho 4:6

Ta asheenaꞌochi toommooch shaggiti naxo, ashi kishoo shagaanoon qillifee yexx bedaan beetaa guufeti, Sodoomi toommooch shaggiti naxoyee beshoone.

Hosee'i 11:8

Efreemo, aabichiree neen duppehote? Israꞌeelo, aabichiree neen beshii immehote? Adiimaa ta tuniitoommon aabichiree ne toommooch tuniyehote? Tseboyimaa ta tuniitoommon aabichiree ne toommooch tuniyehote? Ta mullo ta maacoochaa qewetone; taanoo ariqqichitone.

Amootsi 4:11

“Sodoominaa Gomoorinon ta aalliyoommon ittoshi daggoochee ikkikkeenaꞌon aalliihoye; ebi aroochee muricciꞌi ittoshi kechito, ciifo qaaqqee daggoochee keyoommoniye. Tunebaani ta waan wotteyaano ittoshine, iye Doono Yeeri.

Sofoniyaasi 2:9

Illa ebich, Israꞌeelee Nuggishoo, beeyechi Doono Yeeri ta tunoona wogehoye! Moꞌabee showoonaa Amoonee showoona Sodoominaa Gomoorina aalloommon aallemmone; ebi showoo, wochinnoon maayo colliyaani, kiikki oppo baach ceenniti, shuyo baach colleebeeti showoo tunemmone. Curo tuneꞌi echeti ta asheenaꞌo boonoshi hajjiton boggemminaꞌone; boonoshi showoonoo hajjemminaꞌone” iye.

Luqaasi 10:12

Ittoshich gettoye: Nallaa gallooba are katemeexi asheenaꞌoyee Sodoomi katemeexi asheenaꞌoyich gaawiye” iye.

Yibbaatoo 28:24

Doono Yeeri amichi qoodoyich quttoonaa qacoonon ne showooch dichemmone. Ebiyoo neen bi aalliimmi wottoon, ne toommooch dambee kindemmone.

Yibbaatoo 29:22

“Gubb woyemmi shiijjeroo tuneti ittoshi bushiisheenaꞌonaa wohi showoochee waammi shiqqeenaꞌona are showee toommooch tuneti naxoonaa Doono Yeeri deebiti biiyoonon beeggemminaꞌone.

Yibbaatoo 29:23

Showoo bulli micciti waageroonaa kiihona shookketi, gocheyaani, maayoonoo colliyaani, mocoo colleyaani showoo tunemmone. Ebi showee toommooch shaggemmi aallo Doono Yeeri bi kaaree shiixxoona bi aalliiti Sodoomi, Gomoori, Adiiminaa Tseboyiminooch shaggiti aalloommon tunemmone.

2 Pheexiroosi 2:6

axaaxoon shuunoyich gabii beetinaꞌon cuuꞌiya Sodoominaa Gomoorinon tulloo tunii michii aalliiꞌi boonoshi toommooch bi nallitoyee;

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.